| Kibercinayətkarlıqla Mübarizə Baş İdarəsi |
|---|
Daxili İşlər Nazirliyinin Kibercinayətkarlıqla Mübarizə Baş İdarəsi (KMBİ) - Azərbaycan Respublikasının Daxili İşlər Nazirliyinin strukturuna daxil olan, kibercinayətkarlığın qarşısının alınması, aşkarlanması, araşdırılması və hüquqa zidd internet fəaliyyətinə qarşı mübarizə aparan ixtisaslaşmış icra strukturudur.
Daxili İşlər Nazirliyinin kibercinayətkarlığa qarşı spesifik mübarizə strukturunu gücləndirmək məqsədi ilə 2023-cü il 2 iyun tarixində Azərbaycan Respublikası Prezidentinin fərmanı ilə Kibercinayətkarlıqla Mübarizə Baş İdarəsi yaradılmışdır.[1][2] Bu ölkədə müsir məlumat texnologiyalarından istifadə edilərək törədilən cinayətlərin qarşısının alınması işini sistemləşdirir.[3]
Əsas vəzifələri aşağıdakılardır:
- Kibercinayətlərin aşkarlanması və qarşısının alınması: İnformasiya və rabitə texnologiyaları vasitəsilə törədilən hüquq pozuntularının qarşısını almaq və onları təhqiq etmək.
- Elektron rəqəmsal sübutların toplanması, habelə Internet mühitində baş verən və cinayət əlamətləri daşıyan hallarla bağlı sübutları yığmaq və qorumaq.
- Əməliyyat-istintaq tədbirləri,həmçinin Kiberdələduzluq, şəxsi məlumatların oğurlanması, kompüter şəbəkələrinə qanunsuz daxil olma kimi cinayətlərlə bağlı əməliyyat və təhqiqatlar aparmaq.
- Maarifləndirmə və profilaktika: Vətəndaşlar və qurumlar arasında rəqəmsal təhlükəsizlik mədəniyyətinin inkişafı üçün maarifləndirici kampaniyalar, tövsiyələr və təlimatlar hazırlamaq və həyata keçirmək.
Baş İdarə, kibercinayətkarlıqla mübarizə sahəsində, xüsusilə kibertəhlükələrin və onlayn fırıldaqçılığın qarşısının alınması məqsədilə, Azərbaycan Mərkəzi Bankı, Azərbaycan Banklar Assosiasiyası və digər maliyyə təşkilatları ilə sıx əməkdaşlıq edir.[4] Bu əməkdaşlıq çərçivəsində birgə işçi qrupları yaradılır və koordinasiyalı tədbirlər həyata keçirilir.[5]
Milli Kibertəhlükəsizlik Mərkəzi
Xüsusi Rabitə və İnformasiya Təhlükəsizliyi Dövlət Xidməti (Azərbaycan)
- ↑ "Azerbaijan launches main department for combating cybercrime under interior ministry". Caliber.az (ingilis).
- ↑ "DİN-in Kibercinayətkarlıqla Mübarizə Baş İdarəsi yaradılıb". www.aztv.az.
- ↑ "Azərbaycanda kiber cinayatkarlıq üzrə polis yaradılıb". www.bbc.com.
- ↑ "Kibertalamalara qarşı mübarizədə birgə fəaliyyətin təşkili, hadisələrə çevik reaksiya verilməsi və qabaqlayıcı işlərin görülməsi üçün Daxili İşlər Nazirliyinin (DİN) Kibercinayətkarlıqla Mübarizə Baş İdarəsinin əməkdaşları və bankların nümayəndələrindən ibarət işçi qrupu yaradılacaq". www.e-huquq.az.
- ↑ "Kibercinayətkarlığa qarşı DİN və bankların nümayəndələrindən ibarət işçi qrup yaradılıb". Aba.az.