Əhmədov Ağasəf  Mikayıl oğlu 26 oktyabr 1969-cu ildə Oğuz rayonunun  Muxas kəndində anadan  olub. 1976-cı ildə Muxas kənd orta məkəbinin I  sinfinə daxil olub, 1986-cı  ildə həmin məktəbi  bitirmişdir. O, 1987-ci ildə hərbi  xidmətə getmiş, 1989-cu  ildə sovet ordusu sıralarında xidmətini başa  vurmuşdur.

Əhmədov Ağasəf Mikayıl oğlu   hərbi xidmətdən  qayıtdıqdan  sonra  Oğuz  şəhərində şirə zavodunda mexanizator kimi  çalışmış, 03 noyabr 1992-ci ildə Vətənin  müdafiəsi üçün çağırışa qoşularaq Vətən torpaqlarının  müdafiəsinə  getmişdir.

17 aprel 1993-cü ildə  Laçın rayonunun  Səfiyan, Aşağı Fərəcan kəndləri  uğrunda  gedən döyüşlərdə qəhrəmancasına  şəhid olmuşdur.

Şəhid, Muxas kənd qəbristanlığında dəfn olunmuşdur.

Adının əbədiləşdirilməsi üçün  Muxas kəndinin  ilk şəhidi kimi Muxas kənd orta məktəbinə   Ağasəf Əhmədovun adı  verilmişdir.

Təltifləri  yoxdur,    subaydır.