Rauf Rəcəbov
Rauf Əliheydər oğlu Rəcəbov (10 iyul 1969, Barzavu, Lerik rayonu, Azərbaycan) — Azərbaycanlı teleaparıcı, ssenarist, kino redaktoru, prodüser, QHT sədri. Azərbaycan Jurnalistlər Birliyinin və Beynəlxalq Jurnalistlər Federasiyasının (IFJ) üzvüdür.
Rauf Rəcəbov 10 iyul 1969-cu ildə Lerik rayonunun Barzavu kəndində anadan olub. 1990-cı ildə Natiqlik sənəti və işgüzar menecer kollecini, 1996-cı ildə isə Bakı Sosial İdarəetmə və Politologiya İnstitutunu (indiki Dövlət İdarəçilik Akademiyası) bitirib. İxtisasca politoloqdur.
Rauf Rəcəbov 1993–2005-ci illərdə Azərbaycan Dövlət Teleradio Verilişləri Şirkətində "Xəbərlər" redaksiyasında müxbir, "Səhər" musiqi-informasiya proqramında və "Xəzər" redaksiyasında şərhçi, şöbə müdiri və baş redaktorun müavini vəzifələrində çalışmışdır. "Səhər" musiqi-informasiya proqramının yaradıcılarından biridir.
1995-ci ildə Azərbaycan Dövlət Televiziyasında yayımlanan "Kriminal xronika" müəllif verilişinin yaradıcısı və aparıcısı, 1996-cı ildə Türkiyənin TQRT (Türkiye Gazetesi Radyo Televizyonu) kanalında yayımlanan "Azərbaycan bu gün" proqramının müəllifi olmuşdur.
2005–2011-ci illərdə İctimai Televiziyada Milli Azlıqlar üçün Verilişlər Departamentinin direktoru, 2011–2013-cü illərdə "Carcıfilm" Yaradıcılıq Birliyinin direktor müavini və baş redaktoru, 2013–2015-ci illərdə İctimai Televiziyanın Səhər Proqramları Departamentinin direktoru vəzifəsində çalışmışdır.
2016–2018-ci illərdə İctimai Televiziya və Radio Yayımları Şirkətinin İnformasiya Departamentinin, "Carcıfilm" Yaradıcılıq Birliyinin, Gənclər, Elm və Təhsil Departamentinin direktoru vəzifəsində çalışmışdır. "Sənədli Detektiv" verilişinin müəllifi və aparıcısı olmuşdur.
2019–2021-ci illərdə "APA TV"nin Proqram direktoru, 2021–2022-ci illərdə "Space TV"nin "Hər Səhər" proqramının rəhbəri və İnformasiya xidmətinin direktor müavini vəzifələrində çalışmışdır.
Rauf Rəcəbov 2016-cı ildən "Azərbaycan Milli İnkişaf Layihəsi" İctimai Birliyinin İdarə Heyətinin sədridir.
2007 – "Qızıl Qələm" Media mükafatı
2009 – "İlin jurnalisti"
2010 – "Qızıl Buta" media mükafatı
2011 – "İlin ən baxımlı verilişi – Sənədli Detektiv" Azərbaycan Mətbuat Şurasının diplomu
2015 – Azərbaycan Milli Mətbuatının 140 illiyi münasibətilə Respublika Mədəniyyət və Turizm Nazirliyi tərəfindən diplom
2015 – "Veteran Həmrəyliyi" medalı
2016 – "Mirzə Cəlil" Media mükafatı
2016 – "General Əliağa Şıxlınski" yubiley medalı
2020 – "General Həzi Aslanov" yubiley medalı
Sənədli Detektiv (İTV)
https://az.wikipedia.org/wiki/Kateqoriya:1969-cu_ild%C9%99_do%C4%9Fulanlar
https://ru.wikipedia.org/wiki/%D0%91%D0%B0%D1%80%D0%B7%D0%B0%D0%B2%D1%83
https://az.wikipedia.org/wiki/Lerik_rayonu
[1] https://az.wikipedia.org/wiki/Az%C9%99rbaycan_Jurnalistl%C9%99r_Birliyi
https://az.wikipedia.org/wiki/Az%C9%99rbaycan_Televiziyas%C4%B1
https://az.wikipedia.org/wiki/%C4%B0ctimai_TV_(Az%C9%99rbaycan)
https://president.az/az/articles/view/46039
Kateqoriya:Azərbaycanın televiziya aparıcıları
Kateqoriya:1969-cu ildə doğulanlar