İstifadəçi:Rashad Aghazada/Qaralama

İngilis dilindən 40-a yaxın kitabın tərcüməçisidir. 4 şeir və publisistika kitabının, o cümlədən uşaqlar üçün bir kitabın müəllifidir.

Mətbuat Şurasının eksperti kimi Dövlət İmtahan Mərkəzinin (DİM) jurnalistikadan qabiliyyət imtahanlarının daimi ekspertidir.

Azərbaycan jurnalistikasının inkişafındakı xidmətlərinə görə “Tərəqqi” medalı ilə təltif olunub.

Firidun Ağazadə (Ağayev Firidun Fitat oğlu) 1 fevral 1950-ci ildə Zuvand rayonunun (indiki Lerik rayonu) Pirasora kəndində anadan olub. 1966-cı ildə Lerik orta məktəbini bitirib. Həmin il Azərbaycan Xarici İnstitutuna daxil olub. Tələbəlik illərində İsmixan Rəhimov, Ənvər Rza, Zeydulla Ağayev kimi filoloq və xarici dil mütəxəssislərindən dərs almış, tərcümənin sirlərini öyrənmişdir. 1971-ci ildə institutu bitirib, doğma kəndlərində üç-dörd il ingilis dilini tədris edib. 1972-73-cü illərdə Sovet Ordusu sıralarında xidmət edib. Ehtiyatda olan baş leytenantdır. 1974-80-ci illərdə Bakı məktəblərində dərs deməklə yanaşı “Azərbaycan təbiəti” jurnalında əməkdaşlıq edib. 1980-95-ci illərdə Azərbaycan Dövlət Nəşriyyatında – “Azərnəşr”də tərcümə redaktoru işləyib. Nəşriyyatda işləyə-işləyə Bakı Sosial İdarəetmə və Politologiya İnstitutunda, sonralar Azərbaycan Respublikası Prezidentinin yanında Dövlət İdarəçilik Akademiyasında ingilis dilindən dərs deyib.

1995-2021-ci illərdə Azərbaycan Dövlət İnformasiya Agentliyində - AzərTAc-da xarici dillər redaksiyasının tərcüməçisi, redaktoru, buraxılış redaktoru işləyib (https://www.aznews.az/news/cemiyyet/102923.html). Eyni vaxtda Azərbaycan Mətbuat Şurasının tərcüməçisi olub, hazırda da Şura ilə əməkdaşlıq edir. 2010-cu ildə Mətbuat Şurasının eksperti kimi Avropa Mətbuat Şuraları Alyansının (AIPCE) Niderlandın paytaxtı Amsterdamda keçirilən illik konfransında ölkəmizi təmsil edib, konfransda Azərbaycan Mətbuat Şurasının hesabatı ilə çıxış edib. Mətbuat Şurasının eksperti kimi Dövlət İmtahan Mərkəzinin (DİM) jurnalistikadan qabiliyyət imtahanlarının daimi ekspertidir. Firidun Ağazadə 2005-ci ildə Azərbaycan Respublikası Prezidentinin sərəncamı ilə Azərbaycan milli mətbuatının 130 illiyi münasibətilə Azərbaycan jurnalistikasının inkişafındakı xidmətlərinə görə “Tərəqqi” medalı ilə təltif olunub. Ölkə mətbuatında, İnternet saytlarında müntəzəm olaraq publisistik yazıları, məqalələri, köşə yazıları ilə çıxış edir. “Zəka” (“Kitablar aləmində”) jurnalının məsul katibi işləmişdir. “Qanun” ictimai-siyasi, elmi-hüquq jurnalının tərcüməçisidir. “Azərbaycan ədəbiyyatında mifoloji obrazlar” mövzusunda elmi axtarışları ilə tanınır, elmi axtarışları əsasında mifologiya lüğəti tərtib edib. 2022-ci ildə təqaüdə çıxıb. Evlidir, iki oğlu var. Oğlu Rəşad Ağazadə diplomatik xidmətdədir, Ziya Ağazadə tərcüməçidir.

Firidun Ağazadə Azərbaycan Jurnalistlər Birliyinin üzvüdür. Tələbəlik illərindən bədii yaradıcılığa meyl etmiş, Xarici İnstitutunun “Bilik” qəzetində şeirləri, poetik tərcümələri və məqalələri, sonralar “Azərbaycan gəncləri”, “Sovet kəndi” qəzetlərində, “Azərbaycan”,

“Ulduz” jurnallarında şeirləri çap olunmuşdur. O, iki şeir kitabının (“Şeir də bir yaxşılıqdır”, 1995, “Aylanın və Səidin kitabı”, 2016 (uşaqlar üçün), iki esse və publisistika kitabının (“Fevral havası”, “Mən həmişə tələsdim”) müəllifi, 40-a yaxın kitabın tərcüməçisidir. Respublika

mətbuatında, bir çox almanaxlarda şeirləri, məqalələri, esseləri çap olunub. Məmməd Araz, Şəkər Aslan, Hafiz Baxış haqqında yazdığı esselər yüksək qiymətləndirilib. İstedadlı, peşəkar tərcüməçi Firidun Ağazadənin klassik və müasir ingilis dilli dünya ədəbiyyatından tərcümə etdiyi poeziya və nəsr nümunələri geniş oxucu marağı qazanıb. Tərcümə etdiyi müəlliflər arasında Lenqston Hyuz, Somerset Moem, Persi Bişi Şelli, Nikolas Sparks, Xalid Hüseyni, Con Qrin, Robert Qrin, Sem Born, Deyl Karnegi, Paulo Koelyo və başqa dünya şöhrətli qələm ustaları var.

1.

{{İş gedir}}