Qasımov Natiq Misir oğku

17 mart 1957-ci ildə anadan olmuşdur. Azərbaycan Kənd Təsərrüfatı inistutunu və İqtisad Universitetini bitirmişdir. Əmək fəaliyyətinə 1976-cı ildən başlayaraq 1981-ci ilə kimi bir sıra təşkilatlarda çalışmışdır. 1981-ci ildən 1992-ci ilə kimi Azərbaycan LKGİ Ağdam rayon komitəsində və Azərbaycan LKGİ MK-da, 1992-ci ildən 1997-ci ilə kimi Dövlət Əmək və Sosial Məsələlər Komitəsində və Əmək və Əhalinin Sosial Müdafiəsi nazirliyində, 1997-ci ildən 2012-ci ilə kimi BMT-nin İnkişaf Proqramı,Standartlaşdırma, Metrologiya və Patent üzrə Dövlət Agentliyi və Əmək və Əhalinin Sosial Müdafiəsi nazirliyində məsul vəzifələrdə çalışmışdır. 7 dekabr 2012-ci ildə Milli Paralimpiya Komitəsində keçirilən Komitə yığıncağında Milli Paralimpiya Komitəsinin vitse prezidenti vəzifəsi həvalə edilmiş, 8 fevral 2013-cü ildən yanvar 2020-ci ilə kimi Milli Paralimpiya Komitəsinin birinci vitse prezidenti vəzifəsində işləmişdir. Dekabr 2020-ci ildən Azərbaycan Dövlət Bədən Tərbiyəsi və İdman Akademiyasında Sosial Təşəbbüslər Mərkəzinin rəhbəri vəzifəsində işləyir.

Mükafatları

Azərbaycan SSR Ali Soveti Rəyasət heyətinin Fəxri Fərmanı, Azərbaycan Respublikası Milli Paralimpiya Komitəsinin yaradılmasının 20 illik yubileyi münasibətilə və Azərbaycanda paralimpiya hərəkatının inkişafında xidmətlərinə görə, Azərbaycan Respublikası Prezidentinin 02 fevral 2016-cı il tarixli Sərəncamilə "Tərəqqi" medilı ilə təltif olunmuşdur.