İstifadəçi:Punhanwiki/Qaralama
Pənah Azəri (əsl adı: Pənah Bəşir oğlu Quliyev; d. 1952) — Azərbaycan jurnalisti, şairi, yazıçısı, redaktoru və ictimai xadimidir. Azərbaycan mətbuatında uzun illər fəaliyyət göstərmiş, bir sıra bədii və publisistik əsərlərin müəllifidir. 2002-ci ildən “Azərbaycan övladı” qəzetinin təsisçisi və baş redaktorudur.
Pənah Azəri 1952-ci ildə Zəngəzur mahalının Meğri bölgəsinin Maralzəmi kəndində anadan olmuşdur. İbtidai təhsilini 1959–1963-cü illərdə Ordubad şəhərində yerləşən 7 saylı tam orta məktəbdə almışdır. 1963–1964-cü illərdə təhsilini doğma kəndi Maralzəmidə, 1964–1965-ci illərdə isə qonşu Lök kəndində davam etdirmişdir.
1965-ci ildə ailə üzvləri ilə birlikdə Abşeron rayonunun Saray qəsəbəsinə köçmüş, 1970-ci ildə orta məktəbi bitirmişdir.
Pənah Azəri aşağıdakı təhsil müəssisələrini bitirmişdir:
- Azərbaycan Dəniz Balıq Sənaye Texnikumu
- Ukrayna Respublikasının Xarkov Dövlət Universitetinin Jurnalistika fakültəsi
- Moskva Dövlət Avtomobil Nəqliyyatı İnstitutu
1976–1979-cu illərdə Azərbaycan Kənd Təsərrüfatı Təchizat Birliyinin İstehsalat-Hesablama İdarəsində məsul işçi kimi çalışmışdır. 1980–1984-cü illərdə BMXK EİB-də şöbə rəisi, 1984–1991-ci illərdə Volodarski adına Maşınqayırma zavodunda şöbə rəisi, 1991–2001-ci illərdə isə BMXK EİB-də şöbə müdiri vəzifələrində işləmişdir.
1974-cü ildən etibarən Azərbaycan mətbuatında publisistik və bədii yazılarla çıxış edir. 2002-ci ildən “Azərbaycan övladı” qəzetinin təsisçisi və baş redaktorudur.
Azərbaycan Jurnalistlər Birliyinin və Azərbaycan Yazıçılar Birliyinin üzvüdür.
2007–2012-ci illərdə “Zəminxarə Xeyriyyə Mərkəzi”nin, 2012–2018-ci illərdə “İnayət Ədəbiyyat, Mədəniyyət və İncəsənət Xeyriyyə Mərkəzi”nin sədr müavini, 2012–2020-ci illərdə isə “Heydər Xeyriyyə Mərkəzi”nin təşkilatçı direktoru olmuşdur. [1] Pənah Azərinin ədəbi yaradıcılığı müasir Azərbaycan poeziyasının mühüm mövzularını, insan taleyi, vətən sevgisi və ictimai problemləri əhatə edir. Onun şeirləri və bədii düşüncəsi ədəbi mühitdə diqqət çəkmiş, yaradıcılığı mədəniyyət və ədəbiyyat portallarında təhlil olunmuşdur.[2]
“Qızıl qələm”, Nizami Gəncəvi adına “Bəşəri sərvət”, “Müqəddəs qələm”, “Əsrin ziyalısı”, “İti qələm” mükafatları və bir sıra fəxri diplomlarla təltif edilmişdir.
- ↑ “Zəngəzura gedən yollar – Zəngəzur yazarlari”, yazarlar.az, 18.09.2025
- ↑ “Pənah Azərinin şair dünyası – Misralardakı həqiqətlər”, Ədəbiyyat və incəsənət, 17.11.2025, https://edebiyyatveincesenet.az/qerbi-azerbaycan/item/25648-paenah-azaerinin-shair-dunyas-misralardak-haegigaetlaer