Piriyev Mənsur Şahmar oğlu 3 fevral 1979-cu ildə Azərbaycan Respublikası Ağcabədi rayonu, Yuxarı Qiyaməddinli kəndində anadan olub. Bakı Dövlət Universitetinin (BDU) Sosial elmlər və psixologiya fakültəsini fərqlənmə diplomu ilə, BDU-nun Tarix fakültəsinin qiyabi şöbəsini, BDU-nun Sosial-fəlsəfə ixtisası üzrə magistraturasını bitirib. Tələbə olduğu illər ərzində bir çox mətbuat orqanlarında çalışmış, KİV-də bir sıra rəhbər vəzifələrdə mövqe tutmuşdur. 1998-ci ildən 2002-ci ilədək Azərbaycan Dövlət Universitetinin tədris şöbəsində mütəxəssis, 2003-2004-cü illər Müdafiə Nazirliyi N saylı H/H-də, cəbhə bölgəsində, ön xətdə baş leytenant rütbəsində tağım komandiri vəzifəsində hərbi xidmət keçmişdir. 2005-2006-cı illərdə İctimai Televiziya və Radio Yayımları Şirkətində Radionun elm-təhsil verilişləri departamentində redaktor vəzifəsində çalışıb. "Qarabağnamə", "Zəng", "Həyat tərzi" adlı radio verilişlərinin müəllifi və aparıcısı olmuşdur. 2006-2008-ci illərdə həmin şirkətdə Televiziyanın elm-təhsil verilişləri departamentində redaktor vəzifəsində çalışıb. "Rəqəmsal dünya", "Hüquq müstəvisi", "Teleportret", "Açıq dərs" və. s verilişlərdə redaktor, aparıcı və ssenari müəllifi kimi çalışmışdır. 2009-cu ildə TJİB-də ictimaiyyətlə əlaqələr departamentinin direktor müavini vəzifəsində çalışmışdır. 2010-cu ildən 2016-cı ilədək Fövqəladə Hallar Nazirliyində Təbliğat və Təşkilat sektorunun müdiri vəzifəsində çalışmışdır. I dərəcəli dövlət qulluqçusudur. 2016-cı ildən 2018-ci ilədək BakuBus MMC nin Mətbuat və ictimaiyyətlə əlqələr şöbəsinin müdiri, 2018-ci ilin may ayından etibarən Azərbaycan Respublikası Qida Təhlükəsizliyi Agentliyinin İnformasiya Təminatı və İnnovativ Həllər şöbəsinin müdiri vəzifəsində çalışır. M.Piriyev Azərbaycan Respublikası Prezidentinin 13 iyun 2019-cu iul tarixli Sərəncamı ilə Ölkədə qida təhlükəsizliyi sahəsində səmərəli fəaliyyətinə görə "Tərəqqi" medalı ilə təltif olunub.