İstifadəçi:Ovçu Pirim/Qaralama
| Ovçu Pirim/Qaralama | |
|---|---|
| Yarış məlumatları | |
| Tarix |
Liqa mərhələsi : 1 iyun - 27 sentyabr 2022 |
| Komanda sayı | 55 |
| Yekun nəticəsi | |
| Çempion |
 İspaniya (1-ci dəfə) |
| İkinci |
 Xorvatiya |
| Üçüncü yer |
 İtaliya |
| Dördüncü yer |
 Niderland |
| Yarış statistikası | |
| Oyun sayı | 160 |
| Qol sayı | 423 (matç başına: 2.64) |
| Tamaşaçı sayı | 3219559 (matç başına: 20122) |
| Mükafat sahibləri | |
| Bombardir(lər) |
(6 qol) |
2022–23 UEFA Millətlər Liqası UEFA-nın 55 üzv assosiasiyasının kişi milli komandalarının iştirak etdiyi beynəlxalq turnirin 3-cü mövsümüdür.[1] Yarış 2022-ci ilin iyunundan sentyabrına (liqa mərhələsi), 2023-cü ilin iyununa (Millətlər Liqasının finalı) və 2024-cü ilin martına (aşağı liqaya düşməmək üçün pley-out mərhələsi) qədər keçirilir. [2]
2021-ci ildəki turnirin qalibi olan Fransa bu turnirdə öz qrupunda üçüncü yeri tutaraq finallara vəsiqə qazana bilmədi. [3] [4]
Finalda İspaniya əlavə vaxtdan sonra 0-0 hesablı heç-heçənin qeydə alındığı matçda Xorvatiyaya penaltilər seriyasında 5-4 hesabı ilə qalib gəldi və ilk UEFA Millətlər Liqası titulunu qazandı.
UEFA-ya üzv olan 55 assosiasiyanın milli komandaları dörd liqaya bölünmüşdü. A, B və C Liqalarının hər birində dörd komandadan ibarət olan dörd qrup olmaqla 16, D Liqasında isə biri dörd, digərində üç komanda olmaqla iki qrupa bölünmüş 7 komanda iştirak edirdi. Komandalar 2020-21 UEFA Millətlər Liqasının ümumi reytinqinə əsasən liqalara ayrılmışdı. 2022-ci ilin iyunu (dörd tur) və sentyabrında (iki tur) keçirilən matçlarda ev-səfər sistemi formatından istifadə olunmaqla, hər komanda öz qruplarında 6 oyun keçirdi (D qrupunda 3 komandanın yer aldığı qrup istisna olmaqla; belə ki, bu qrupdakı komandalar hərəyə 4 oyun keçiriblər). [5]
A Liqasında komandalar UEFA Millətlər Liqasının çempionu olmaq üçün mübarizə aparırdılar. Liqanın dörd qrup qalibi 2023-cü ildə keçirilən və yarımfinallar, üçüncü yer uğrunda oyun və final oyunu olmaqla pley-off formatında oynanılan Finallara vəsiqə qazandı. Yarımfinal cütlükləri, eyni zamanda üçüncü yer uğrunda oyun və final üçün şərti ev sahibləri püşkatma yolu ilə müəyyən edildi. Finallara ev sahibliyi edəcək ölkə UEFA İcraiyyə Komitəsi tərəfindən Finallara vəsiqə qazanan dörd komanda arasından seçildi. Final oyununun qalibi olan komanda Millətlər Liqasının çempionu adını qazandı.
Komandalar həmçinin yuxarı liqaya yüksəlmək və aşağı liqaya düşməmək uğrunda mübarizə aparırdılar. B, C və D liqalarında qrup qalibləri yuxarı liqaya vəsiqə qazandı, A və B liqalarında isə hər qrupda sonuncu yeri tutan komandalar aşağı liqaya endi. C Liqasında dörd qrup, D Liqasında isə cəmi iki qrup olduğu üçün aşağı liqaya düşəcək iki C Liqası komandası 2024-cü ilin martında keçiriləcək pley-outlarla müəyyənləşəcək. Dördüncü yeri tutan komandaların Millətlər Liqasının ümumi reytinqinə əsasən sıralanacaq, dördüncülər arasında ilk sırada gələn komanda dördüncü, ikinci sıradakı komanda isə üçüncü yeri tutan komanda ilə qarşılaşacaq. Pley-outlar hərəsi ev-səfər oyunları olmaqla oynanılacaq və bu oyunlarda sıralamada daha yüksək gələn komanda cavab oyununa ev sahibliyi edəcək. İki oyunun nəticəsi olaraq daha çox qol vuran komanda C Liqasında qalacaq, uduzan isə D Liqasına düşəcək. Ümumi hesab bərabər olarsa, əlavə vaxt oynanılacaq ( səfər qolları qaydası tətbiq edilmir), bu da kifayət etməzsə qalibi müəyyən etmək üçün penaltilər seriyasından istifadə olunur. [6]
| Liqa | Komanda sayı | Yüksək liqaya vəsiqə qazanan | Aşağı liqaya enən |
|---|---|---|---|
| A Liqası | 16 | – | 4 |
| B Liqası | 16 | 4 | 4 |
| C Liqası | 16 | 4 | 2 |
| D Liqası | 7 | 2 | – |
Eyni qrupdakı iki və ya daha çox komanda liqa mərhələsinin sonunda xallara görə bərabər olduğu hallar üçün aşağıdakı meyarlar təyin edilmişdi: [7]
- Sözügedən komandalar arasında keçirilən matçlarda ən çox xal toplayan komanda;
- Sözügedən komandalar arasında keçirilən matçlarda vurulan və buraxılan qollar arasındakı fərq ən yüksək olan komanda;
- Sözügedən komandalar arasında keçirilən matçlarda ən çox qol vuran komanda;
- 1–3 nömrəli meyarların tətbiq olunmasından sonra hələ də bərabər göstəriciyə sahib olan komandalar qaldığı halda, meyarlar yalnız bu komandaları əhatə etmək şərtilə yenidən tətbiq edilir. Əgər bu prosedurdan sonra qərar verilə bilməzsə, 5–11 nömrəli meyarlar tətbiq olunur.
- Bütün qrup matçlarında vurulan və buraxılan qollar arasındakı fərq ən yüksək olan komanda;
- Bütün qrup matçlarında ən çox qol vuran komanda;
- Səfərdə keçirdiyi qrup matçlarında ən çox qol vuran komanda;
- Bütün qrup matçlarında ən çox qələbə qazanan komanda;
- Səfərdə keçirdiyi qrup matçlarında ən çox qələbə qazanan komanda;
- Bütün qrup matçlarında ən aşağı intizam xalı (tək sarı vərəqə üçün 1 xal, iki sarı vərəqə nəticəsində alınan qırmızı vərəqə üçün 3 xal, birbaşa qırmızı vərəqə üçün 3 xal, sarı vərəqə və ardınca qırmızı vərəqə üçün 4 xal);
- 2022-23 UEFA Millətlər Liqasına giriş siyahısında ən yüksək mövqe.
Komandaların liqa daxilindəki reytinqlərinin müəyyən edilməsi üçün aşağıdakı meyarlar təyin edilmişdi: [8]
- Qrupdakı mövqe;
- Daha çox xal;
- Daha yüksək top fərqi;
- Daha çox qol sayı;
- Səfər oyunlarında daha çox qol sayı;
- Daha çox qələbə sayı;
- Səfər oyunlarında daha çox qələbə sayı;
- Daha aşağı intizam xalı (tək sarı vərəqə üçün 1 xal, iki sarı vərəqə nəticəsində alınan qırmızı vərəqə üçün 3 xal, birbaşa qırmızı vərəqə üçün 3 xal, sarı vərəqə və ardınca qırmızı vərəqə üçün 4 xal);
- 2022-23 UEFA Millətlər Liqasına giriş siyahısında daha yüksək mövqe.
B və D liqalarında qrupların ölçüsü müxtəlif olduğu üçün, bu liqalarda birinci, ikinci və üçüncü yerləri tutmuş komandaları müqayisə edərkən dördüncü yeri tutan komandalara qarşı nəticələr nəzərə alınmayıb. [9] [10]
A Liqasında ən yaxşı 4 komandanın reytinqi Millətlər Liqasının Finallarındakı nəticələrə əsasən müəyyən edilib. [11]
UEFA Millətlər Liqasının ümumi reytinqi aşağıdakı kimi müəyyən edilmişdir: [12]
- A Liqasının 16 komandası liqa daxili sıralamalarına müvafiq olaraq 1-16-cı yerləri tutdu.
- B liqasının 16 komandası liqa daxili sıralamalarına müvafiq olaraq 17-32-ci yerləri tutdu.
- C Liqasının 16 komandası liqa daxili sıralamalarına müvafiq olaraq 33-48-ci yerləri tutdu.
- D Liqasının 7 komandası liqa daxili sıralamalarına müvafiq olaraq 49-55-ci yerləri tutdu.
2022-23 UEFA Millətlər Liqası UEFA Avro 2024-ün seçmə mərhələsi ilə əlaqələndirilərək komandalara UEFA Avro 2024-ə vəsiqə qazanmaq üçün daha bir şans rolunu oynadı.
- ↑ "UEFA Nations League receives associations' green light". UEFA. 27 March 2014.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ "France's Nations League final four hopes vanish with Croatia defeat". Reuters (ingilis). 2022-06-13. İstifadə tarixi: 2022-12-14.
- ↑ "Croatia end France's Nations League hopes". BBC Sport (ingilis). June 13, 2022. İstifadə tarixi: 2022-12-17.
- ↑ "2022/23 UEFA Nations League: All you need to know". UEFA.com. 16 December 2021. İstifadə tarixi: 16 December 2021.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ UEFA Circular Letter.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.
- ↑ "Regulations of the UEFA Nations League, 2022/23". UEFA.com. Union of European Football Associations. 22 September 2021. 27 September 2021 tarixində arxivləşdirilib (PDF). İstifadə tarixi: 27 September 2021.