Orujov 2022

• 
  Caption1
• 
  Caption2

Elşən Zöhrab oğlu Orucov 1988-ci il yanvar ayının 16-da Qazax rayonunun Qırılı kəndində dünyaya gəlmişdir.

1994 – 2005-ci illərdə Ağstafa rayonu Sirac Əliyev adına Qırılı kənd tam orta məktəbində təhsil almışdır.

2005 – ci ildə Azərbaycan Universitetinin Beynəlxalq münasibətlər ixtisasına daxil olmuşdur. 2009-cu ildə Azərbaycan Universitetini fərqlənmə diplomu ilə bitirmişdir.

2008 – ci ildə Azərbaycan Respublikası Milli Məclisinin Dövlət Quruculuğu üzrə Qanunvericilik Şöbəsində müvafiq ixtisas üzrə təcrübə keçmişdir. Azərbaycan Universitetini bitirdikdən sonra 2009-cu ildə Azərbaycan Dövlət İqtisad Universitetinin Beynəlxalq münasibətlər ixtisası üzrə magistratura pilləsinə daxil olmuşdur.

2009-2010 – cu illərdə Naftalan şəhəri N saylı hərbi hissədə xidmət etmişdir.

2010-2012 – ci illərdə Azərbaycan Dövlət İqtisad Universitetinin magistratura pilləsində təhsilini davam etdirərkən Fransada əlavə ixtisasartırma təhsili almışdır.

2010 – cu ildə Azərbaycan Respublikası Milli Məclisinə Seçkilərdə ATƏT (Demokratik İnstitutlar və İnsan Hüquqları Bürosu) nümayəndələrinin, 2013-cü ildə Azərbaycan Respublikası Prezident Seçkilərində AŞPA (Avropa Şurası Parlament Assambleyası) nümayəndələrinin tərcüməçisi olmuşdur.

2008-2014 – cü illərdə ölkə daxilində və Avropa ölkələrində bir çox beynəlxalq təlim və seminarların iştirakçısı olmuşdur.

2012 – ci ildə Azərbaycan Universitetinin Dünya iqtisadiyyatı (Beynəlxalq maliyyə institutları) üzrə doktorantura (dissertantura yolu ilə) pilləsinə daxil olmuşdur. Hazırda Azərbaycan Universitetinin doktorantura pilləsində təsilini davam etdirir və elmi işini müvəffəqiyyətlə tamamlamaqdadır.

2012 – ci ildən ABŞ-nin “World Hope/International” beynəlxalq humanitar təşkilatında müxtəlif vaxtlarda Ofis inzibatçısı, Baş mühasib və Ölkə üzrə direktor müavini vəzifələrində çalışmışdır.

2013 – cü ildən Azərbaycan Universitetinin İctimai Elmlər kafedrasının müəllimidir.

2013 – cü ildə “Global Village Tədris Mərkəzi” MMC-ni təsis etmiş və direktoru olmuşdur.

Hal-hazırda, ABŞ-nin “World Hope/International” beynəlxalq humanitar təşkilatında Ölkə üzrə direktor müavini, “Global Village Tədris Mərkəzi” MMC-də direktor və Azərbaycan Universitetində müəllim vəzifələrində çalışır.

Azərbaycan, rus, ingilis, fransız və türk dillərini bilir.

Subaydır.