İstifadəçi:Nabiasad/Qaralama

[[

|thumb]]

Eldar Amil oğlu Seyidov 1956-cı ildə Bakı şəhərində anadan olmuşdur. Azərbaycanlı elektro-mexanika mühəndisi, sənaye və quraşdırma sahəsində uzunmüddətli fəaliyyət göstərmiş mütəxəssisdir. O, SSRİ Montaj Avtomatika Elmi-İstehsalat Birliyində və müstəqillik dövründə “Avtomatika Quraşdırma” Açıq Tipli Səhmdar Cəmiyyətində müxtəlif rəhbər vəzifələrdə çalışmışdır.

Təhsili və karyerası

Eldar Seyidov 1973-cü ildə Azərbaycan Dövlət Neft və Sənaye Universitetinin Avtomatika fakültəsinə daxil olmuş və 1978-ci ildə həmin fakültəni elektro-mexanika mühəndisi ixtisası üzrə bitirmişdir. Ali təhsilini başa vurduqdan sonra təyinat üzrə SSRİ Montaj Avtomatika Elmi-İstehsalat Birliyinin Bakı quraşdırma idarəsində mühəndis kimi əmək fəaliyyətinə başlamışdır. Sonrakı illərdə birliyin müxtəlif müəssisələrində böyük mühəndis, mütəxəssis, baş mütəxəssis, sahə rəisi, baş mühəndis və idarə heyətinin sədri vəzifələrində çalışmışdır.1992-ci ildə Eldar Seyidovun çalışdığı Bakı quraşdırma idarəsi onun iştirakı ilə “AvtomatikaQuraşdırma” Açıq Tipli Səhmdar Cəmiyyəti kimi təşkil olunmuşdur. 1998-ci ildə ümummilli lider Heydər Əliyevin sərəncamı ilə müəssisə “Avtomatika Quraşdırma” ASC kimi fəaliyyətini davam etdirmişdir.

İştirak etdiyi layihələr

O, sənaye və enerji layihələrinin tikintisində mühəndis və rəhbər vəzifələrdə fəaliyyət göstərmişdir:

Heydər Əliyev adına Neft Emalı Zavodunda yeni qurğuların tikintisi,
Sumqayıt EP-300 zavodu,
Bakı–Supsə neft ixrac kəməri,
Bakı–Tiflis–Ceyhan əsas ixrac neft kəməri,
və digər iri sənaye və enerji layihələri.

Şəxsi həyatı

Ailəlidir, üç övladı və beş nəvəsi vardır. 2023-cü ildən təqaüdə çıxmışdır.

Mövzu əlavə et