Mremil

Tərcümeyi-hal

Mən Əliyev Emil Səməndər oğlu 1991-ci ildə Bakı şəhərində anadan olmuşam. 1997-ci ildə Bakı şəhəri Xətai rayonundakı 191 nömrəli orta məktəbin 1-ci sinfinə qəbul olmuşam. 2000-2001-ci tədris ilində "İlin ən yaxşı şagirdi" rayon müsabiqəsinin qalibi olmuş və diplomla təltif edilmişəm. 2002-2003-cü tədris ilində BQXK-nın (Beynəlxalq Qırmızı Xaç Komitəsi) keçirdiyi "Humanitar prinsiplər və Beynəlxalq humanitar hüququn əsasları" üzrə bilik yarışmasının qalibi olmuşam. 2004-2005-ci tədris ilində "Təhsil sistemində müasir yanaşmaların təşəkkülü ili" çərçivəsində keçirilmiş "İlin ən yaxşı şagirdi" şəhər müsabiqəsində iştirak edərək II dərəcəli diplomla təltif edilmişəm. 2005-2006-cı tədris ilindən etibarən 1 il müddətində Bakı şəhəri Xətai rayonunun 64 saylı orta məktəbində təhsilimi davam etdirmişəm. 2005-2006-cı tədris ilində "Təhsil Mərkəzi" tərəfindən keçirilən dəyərləndirmədə "Nəsirəddin Tusi" mükafatına layiq görülmüşəm. 2005-2006-cı tədris ilində "Respublika Fənn Olimpiadaları"nın Biologiya qolunda iştirak edərək Respublika üzrə III yerə layiq görülmüş və buna görə diplom və medalla təltif edilmişəm. 2006-2007-ci tədris ili üçün Heydər Əliyev adına Müasir Təhsil Kompleksinə (MTK) qəbul üçün keçirilmiş 2 mərhələli qəbul imtahanlarında iştirak etmiş və IV ixtisas qrupu üzrə pulsuz təhsil almaq hüququ qazanmışam. Lakin, MTK-da cəmi 2,5 ay təhsil aldım və öz istəyimlə daha rahat və yüksək səviyyədə ali məktəblərə qəbul imtahanlarına hazırlıq üçün 191 saylı orta məktəbə geri döndüm. 2006-2007-ci tədris ilində "Ekologiya uşaqların gözü ilə" mövzusunda keçirilmiş məktəblilərin Respublika foto müsabiqəsində I yer tutaraq diplom və medalla təltif edilmişəm. 2006-2007-ci tədris ilində "Respublika Fənn Olimpiadaları"nın Biologiya qolunda iştirak edərək Respublika üzrə II yerə layiq görülmüş və buna görə diplom və medalla təltif edilmişəm. 2007-2008-ci tədris ilində "Respublika Fənn Olimpiadaları"nın Biologiya qolunda iştirak edərək Respublika üzrə II yerə layiq görülmüş və buna görə diplom və medalla təltif edilmişəm. 2007-2008-ci tədris ilində ümummilli lider Heydər Əliyevin 85-ci il dönümünə həsr edilmiş İnşa-yazı müsabiqəsində respublika üzrə həvəsləndirici yer tutmuşam və inşam "Heydər Əliyev uşaqların gözü ilə" inşa kitabına daxil edilmişdir.

Orta məktəbdə oxuduğum 11 il ərzində dəfələrlə məktəb direktorları, Rayon İcra Hakimiyyətləri, Bakı Şəhəri üzrə Baş Təhsil İdarəsi tərəfindən diplom və medallarla təltif edilmişəm (Respublika Fənn Olimpiadalarında və digər Respublika və beynəlxalq səviyyəli tədbir-müsabiqələrdə iştirakımdan dolayı). 2007-2008-ci tədris ilinin sonunda TQDK tərəfindən keçirilmiş ali məktəblərə qəbul imtahanlarında IV ixtisas qrupu üzrə iştirak etmiş və 695 bal toplamış və Azərbaycan Tibb Universitetinin (ATU) I Müalicə-profilaktika fakültəsinə qəbul olmuşam. Topladığım yüksək bala görə Azərbaycan Respublikası prezidenti cənab İlham Əliyevin 10 sentyabr 2008-ci il sərəncamı ilə "Prezident təqaüdü"nə layiq görülmüşəm. 2008-2009-cu təris ilində Xətai rayon YAP tərəfindən, Rayonun Respublikada layiqli təmsili və "Prezident təqaüdü"nə layiq görüldüyümə görə bir il müddətində "İrəli Gənclər" aylıq təqaüdünə layiq görülmüşəm. 2008-2009-cu tədris ilində "Natiqlərin I Ümumrespublika Müsabiqəsi"ndə iştirak etmiş və elmi-publisistik üslub və yekun "Natiq" tituluna layiq görülmüşəm və Respublikada I yer tutmuşam. Elə buna görə oxuduğum ATU rəhbərliyi tərəfindən "Təşəkkürnamə" ilə təltif edilmişəm. 2009-2010-cu tədris ilində ATU-nun Biokimya kafedrasının keçirdiyi Tələbə-Elmi Konfransında "Hepatit C virusu" mövzusu ilə apardığım elmi-teorik araşdırmalarla I yerə layiq görülmüşəm. 2009-2010-cu tədris ilində ATU-nun I Müalicə-profilaktika fakültəsinin Tələbə Gənclər Təşkilatının sədri vəzifəsinə təyin edilmişəm. 2009-2010-cu tədris ilində Nəsimi rayon YAP-nın "Elm, Təhsil, Səhiyyə" üzrə Tələbə Gənclər Təşkilatının sədri seçilmişəm. Elə həmin il Azərbaycan Respublikası Tələbə Gənclər Təşkilatları İttifaqının tamhüquqlu üzvü seçilmişəm. 2009-2010-cu tədris ilində Nəsimi rayon YAP-nın keçirdiyi "Heydər Əliyevin irsinin öyrənilməsi" üzrə inşa-yazı müsabiqəsində I yerə layiq görülərək diplom və hədiyyələrlə təltif edilmişəm.

"Facebook" şəbəkəsində "Elm, Təhsil, Səhiyyə" səhifəsinin qurucusuyam. Səhifəm 1 ildir ki, fəaliyyətdədir və Azərbaycanın Elm, Təhsil, Səhiyyəsinin dünya ictimaiyyətinə çatdırılması məqsədilə 3 dildə (Azərbaycan, ingilis, türk) yayım edir. Səhifə hal-hazırda 2000-dən çox ziyarətçiyə sahibdir. Səhifəm eyni zamanda TQDK-nın rəsmi facebook səhifəsi kimi də fəaliyyət göstərir.

Bu illərdə dəfələrlə yüksək vəzifəli şəxslər, rektor və deputatlarla görüşlərdə iştirak edərək çıxış etmiş, xüsusilə ulu öndər Heydər Əliyevin gənclərə sevgisi və qayğısı mövzusunda prezentasiyalar təqdim etmişəm. Şəxsən, "Prezident təqaüdçüsü" kimi bunu etməkdən hər zaman zövq almışam.

ATU-ya qəbul olduqdan sonra TQDK ilə əlaqələrimi davam etdirdim və hal-hazırda da Kimya fənni üzrə və şəxsən Kimya üzrə ekspert şurasının sədri, çox hörmətli müəllimlərim Prof.dr. Vaqif Abbasovla və AMEA-nın Neft-Kimya Prosesləri İnstitutunun aparıcı elmi-işçisi Dos.dr. Sahib Yunusovla birlikdə hazırladığım "Kimya abituriyentlər üçün dərs vəsaiti" kitabımın işıq üzü görməsi üçün çalışırıq.

ATU-da aldığım ali təhsil sırasında "Prezident təqaüdü"mü qorudum və əlaçı olaraq 2-cı kursu başa vurdum. Bu illərdə orta təhsil aldığım 191 saylı orta məktəbimlə ayrılmamaq məqsədilə, hər ay 10 və 11-ci siniflərlə görüşlər və konfranslar keçirir, yaratdığım "Müasir Təhsil" layihəsi üzrə onların biliklərinin dəyərləndirilməsi (xüsusilə Kimya, Biologiya, Riyaziyyat və Məntiq fənləri üzrə) üçün test imtahanları təşkil edirəm və bu ənənə hal-hazırda da davam etməkdədir. Keçən ilə qədər 191 saylı orta məktəbin "Məktəb Özünüidarəetmə Komissiyası"nın sədri idim və bu vəzifədən ayrılmağım fiziki olaraq Azərbaycan Respublikasından kənarda təhsil almağımla bağlıdır. Lakin, Azərbaycana geri döndüyümdə belə 191 saylı orta məktəbimlə əlaqə saxlayır və şagirdləri ilə görüşlər keçirirəm və bu gələcəkdə də heç zaman dəyişməyəcəkdir.

2010-2011 tədris ilinin açılışı münasibəti ilə İctimai Radio və Televiziya Yayınları Cəmiyyətinin keçirdiyi "Bilik günü" verilişində canlı yayımda aparıcı oldum və bu mənim üçün cənab nazir Misir Mərdanov, ATU-nun rektoru cənab Əhliman Əmiraslanovla və digər dəyərli təhsil adamları ilə bir daha görüşmək üçün yaxşı fürsət oldu.

2010-cu ildə Azərbaycan Ürək və Damar Cərrahiyəsi Cəmiyyətinin keçidiyi "Mən ürəklə işləyirəm" Beynəlxalq konfransında iştirak etdim və sertifikat aldım. Elə həmin il İstanbul Universiteti və ATU arasında bağlanmış müqavilə çərçivəsində keçirilmiş İstanbul Universitetinə qəbul imtahanlarında iştirak etdim və 3-cü kursdan başlayaraq İstanbul Universitetində təhsilimi davam etmək hüququ qazandım. 2010-cu il 13 oktyabr tarixindən etibarən İstanbul Universiteti İstanbul Tibb fakültəsinin 3-cü kurs tələbəsi kimi bundan sonrakı tibb təhsilimi davam etdirməkdəyəm. 2011-ci il 20 apreldə İstanbul şəhərində Boğaziçi Universitetinə dəvət edilmiş, DNT-ni kəşf edən, Nobel mükafatı laureatı Prof.dr James Watson ilə görüşdə iştirak etdim və şəxsən görüşdüm, dəyərli məsləhətlər aldım. 2011-ci ildə 26-27-28 may tarixlərində İstanbul şəhərində keçirilmiş olan "İnternational Pelvic pain Society" (Beynəlxalq Çanaq Ağrıları Cəmiyyəti)nin 19-cu görüşündə Azərbaycanı təmsil edən yeganə şəxs, İstanbul Universitetini təmsil edən 3 tələbədən biri oldum. Burada iştirakım üçün İstanbul Üviversitesi İstanbul tıp fakültesi Kadın Hastalıkları ve Doğum Anabilim Dalının professoru tərəfindən (Prof.dr. Erkut Attar) birdəfəlik burs (təqaüd) ödənildi (konfransda iştirak ödənişli idi). Konfransda Northwestern Universiteti Qadın Xəstəlikləri araşdırma qrupunun rəhbəri Prof.dr. Serdar Bulunla görüşdüm və bu görüşüm ABŞ-da uzmanlıq (rezidenturadan sonrakı tibb təhsili) təhsili baxımından bir növ zəmanət oldu və Serdar hoca bu təhsil üçün hər cür texniki və bilgi yardımını əsirgəməyəcəyini söylədi. Eyni zamanda Qadın xəstəlikləri araşdırma qrupundan olan Prof.dr. George Lamwu tərəfindən ABŞ-da alacağım təhsil baxımından yardım aldım. Onu da qeyd edim ki, gələcək planlarım arasında tibbdə ixtisaslaşmanı ABŞ-da almaq vardır. İstanbul Universitetində başlatdığım layihə (mahiyyəti hər üst kursun, daha kiçik kurslara sərbəst dərslər verməsidir) dekan yardımçısı Prof.dr. Güher Direskenli və III kurs rəhbəri Prof.dr. Tevfik Ecder tərəfindən dəstəklənir. Gələn il bu layihə IV kursların III kurslara dərsi ilə başlayacaqdır və rəhbər olaraq mən dərs verəcəyəm. Gələn tədris ilindən etibarən "İstanbul tıp fakültesi"nin V kurs üzrə Tələbə Rəhbərliyinə seçimlərdə iştirak edəcəyəm və bu seçimlər sentyabr ayının əvvəlində baş tutacaqdır.