İstifadəçi:Mr.Zakir Alıyev/Qaralama

                           Süleyman Qaçay oğlu Alıyev

Süleyman Qaçay oğlu Alıyev 1951-ci il fevral ayının 28-də Cəbrayıl rayonunun Böyük Mərcanlı kəndində anadan olmuşdur.1958-1969-cu illərdə Böyük Mərcanlı kənd orta məktəbində təhsil almışdır. Orta təhsildə və istehsalatda əldə etdiyi müvəffəqiyyətlərə görə Azərbaycan SSR Maarif Nazirliyi tərəfindən 1969-cu ildə Moskvaya – Xalq Təsərrüfatı Nailiyyətləri Sərgisinə göndərilmişdir. O, 1969-cu ildə orta təhsilini müvəffəqiyyətlə bitirmiş, elə həmin il Azərbaycan Dövlət Pedaqoji İnstitutunun (indiki Azərbaycan Dövlət Pedaqoji Universiteti) filologiya fakültəsinə daxil olmuşdur. 1973-cü ildə oranı bitirib İmişli və Cəbrayıl rayonlarında müəllim işləmişdir. 1977-1979-cu illərdə hərbi xidmətdə olmuşdur. Xidmət müddəti qurtardıqdan sonra Cəbrayıl rayonunun Karxulu kəndində Azərbaycan dili və ədəbiyyatı müəllimi işləmişdir. Təhsildə göstərdiyi yüksək müvəffəqiyyətlərə görə 1991-ci il avqustun 29-da Azərbaycan respublikası Xalq Təhsil Nazirliyinin 641 nömrəli əmri ilə ona “Metodist müəllim” adı verilmişdir. Az sonra təhsildə qazandığı uğurlara görə “Ali dərəcəli müəllim” adına layiq görülmüşdür. Süleyman Alıyev Azərbaycan Milli Elmlər Akademiyası Nizami adına Ədəbiyyat İnstitutunun dissertantı olmuş, 1992-ci ildə müdafiə etmiş və filologiya elmləri namizədi alimlik dərəcəsi almışdır.

   Süleyman Qaçay oğlu Alıyev filologiya üzrə fəlsəfə doktoru, istedadlı alim, dərin zəkalı araşdırcı, gözəl pedaqoqdur. İstər elmi,  istər portret, istər publisistik, istər də ədəbi-bədii yazılarında sözə həssaslıqla yanaşan bir ziyalıdır. S.Alıyevin çoxlu sayda elmi, publisistik və bədii yazıları respublikamızın müxtəlif qəzet və jurnallarında dərc olunmuşdur.

Onun qələmindən çıxan yazılar “Qobustan!, “Ulduz”, “Kitablar aləmində”, “Kənd həyatı”, “Ədəbiyyat və incəsənət”, “Azərbaycan müəllimi”, “Respublika”,"Füyuzat", “Oğuz eli”, “Həyat”, “Mədəniyyər”, “Kredo”, “Xronika” və s. qəzet və jurnallarda dərc olunmuşdur. Süleyman Alıyev Cənubi Azərbaycan demokratik ədəbiyyatında tarixi romanlar müəllifi kimi tanınan Abbas Pənahi Makulu haqqında Azərbaycan ədəbiyyatında ilk irihəcmli “Abbas Pənahi Makulu” adlı elmi monoqrafiyanın müəllifidir.

S.Alıyev “Abbas Pənahi Makulu”(2005), “Ədəbi-bədii düşüncələr” 2014, “Çağdaş poeziyamızda Nəsimi” 2014 və “Könül dünyasının düşüncələri” 2025 kitablarının müəllifidir.
   Ailəlidir, iki övladı, iki nəvəsi  var.

Süleyman Qaçay oğlu Alıyev — filologiya üzrə fəlsəfə doktoru, Azərbaycanlı alim, pedaqoq, publisist və ədəbiyyatşünas.

Mənbə:https://www.preslib.az/

     www.millikitabxana.az