Zəka Aqil oğlu Mirzəyev – Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri, Beynəlxalq Pensiya və Sosial Fondlar Assosiasiyasının sədri, Beynəlxalq Sosial Təminat Assosiasiyası Bürosunun üzvü.

1978-ci ildə anadan olub. 2000-ci ildə Bakı Dövlət Universitetinin Beynəlxalq münasibətlər və beynəlxalq hüquq fakültəsini beynəlxalq hüquq ixtisası üzrə bakalavr pilləsini, 2002-ci ildə magistr pilləsini fərqlənmə diplomu ilə, 2007-ci ildə aspiranturasını bitirib^[1]. İngilis və rus dillərini bilir^[2].

Yeni Azərbaycan Partiyasının üzvüdür.

Peşə fəaliyyəti:

• Əmək fəaliyyətinə 2000-ci ildə özəl sektorda hüquq məsləhətçisi kimi başlayıb^[1].

• 2003–2004-cü illərdə hərbi xidmətdə olub^[2].
• 2005-ci ildə Azərbaycan Respublikasının Maliyyə Nazirliyində baş məsləhətçi kimi dövlət qulluğuna daxil olub^[2].
• 2009-cu ildən həmin nazirliyin Maliyyə xidmətləri üzrə siyasət şöbəsinin sektor müdiri, 2016-cı ildən isə həmin şöbənin müdir müavini vəzifələrində çalışıb^[2].  
• Maliyyə Nazirliyində fəaliyyəti dövründə qanunvericilik və siyasət məsələləri üzrə vəzifə funksiyalarının icrası ilə yanaşı, bir sıra beynəlxalq və milli işçi qruplarında Azərbaycanı təmsil edib:
  • Avropa Şurasının Pulların yuyulması və terrorçuluğun maliyyələşdirilməsinə qarşı mübarizə üzrə “MONEYVAL” Komitəsində ekspert qrupunun üzvü^[2];
  • Ümumdünya Ticarət Təşkilatına üzvlüklə bağlı danışıqlar çərçivəsində Azərbaycan Respublikasını təmsil edən İşçi Qrupunun üzvü^[2];
  • Azərbaycan Respublikası Prezidentinin sərəncamı ilə yaradılmış Maliyyə Bazarlarına Nəzarət Palatasının yaradılması üzrə işçi qrupunun üzvü^[3];
  • İslam Əməkdaşlıq Təşkilatının İqtisadi və Ticarət Əməkdaşlığı üzrə Daimi Komitəsində (COMCEC) maliyyə məsələləri üzrə Azərbaycanın nümayəndəsi^[4].

Dövlət Sosial Müdafiə Fondu:

• 2018-ci ildə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Hərbi və Xüsusi Rütbəli Şəxslərlə İş İdarəsinin rəisi, 2019-cu ildə isə həmin qurumun Xüsusi Şərtlərlə Təyinat İdarəsinin rəisi vəzifələrinə təyin olunub^[5].
• 2020-ci ildən 16 aprel 2025-ci ilədək Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyəti sədrinin müavini vəzifəsində çalışıb^[2].
• 16 aprel 2025-ci ildə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri təyin edilib^[2].
• 2025-ci ildən Beynəlxalq Pensiya və Sosial Fondlar Assosiasiyasının sədri^[6] və Beynəlxalq Sosial Təminat Assosiasiyasının Bürosunun üzvü kimi də fəaliyyət göstərir^[7].

20-dən çox elmi məqalənin müəllifi, biri dərslik olmaqla 4 kitabın həmmüəllifidir^[5].

Ailəlidir, 4 övladı var.

1. ↑ ^{1 2} "Zəka Mirzəyev DSMF-nin Yeni Sədri Təyin Olundu". www.sosial.gov.az (az.). İstifadə tarixi: 23 dekabr 2025.
2. ↑ ^{1 2 3 4 5 6 7} "Mirzəyev Zəka Aqil oğlu". dsmf.gov.az (az.). İstifadə tarixi: 23 dekabr 2025.
3. ↑ "Azərbaycan Respublikasının Maliyyə Bazarlarına Nəzarət Palatası publik hüquqi şəxsin yaradılması haqqında Azərbaycan Respublikası Prezidentinin Fərmanı » Azərbaycan Prezidentinin Rəsmi internet səhifəsi". president.az (az.). İstifadə tarixi: 23 dekabr 2025.
4. ↑ "DSMF-nin yeni sədri Zəka Mirzəyev kimdir? - BİOQRAFİYA". Lent.az (az.). İstifadə tarixi: 23 dekabr 2025.
5. ↑ ^{1 2} "Yüksək vəzifəyə təyin edilən Zəka Mirzəyev kimdir?". Qafqazinfo (az.). 16 aprel 2025. İstifadə tarixi: 23 dekabr 2025.
6. ↑ "4 сентября на Иссык-Куле МАПСФ при поддержке Социального фонда Кыргызской Республики была организованна международная конференция на тему «Актуальные проблемы и пути повышения эффективности пенсионных систем».,". mapsf.ru. İstifadə tarixi: 23 dekabr 2025.
7. ↑ "Dövlət Sosial Müdafiə Fondunun sədri BSTA-nın Bürosunun üzvü..." dsmf.gov.az (az.). İstifadə tarixi: 23 dekabr 2025.