İstifadəçi:Memmedli Farid/Qaralama2

Klubun yaranma tarixi 1950-ci illərin əvvəllərinə təsadüf edir. SSRİ-də peşəkar idman olmadığı üçun, futbol komandaları idman cəmiyyətlərinin, həmkarlar ittifaqlarının və dövlət idarələrinin nəzdində yaradılırdı. Ağdamdada ilk futbol komandasının yaradılması, məhz bu cür baş verir. 1951-ci ildə Ağdam şəhərində İmarət stadionun tikilməsindən sonra, şəhərdə fəaliyyət göstərən "Məhsul" idman cəmiyyətinin tərkibində futbol komandası yaradılır.

Yarandığı gündən sonra bir müddət "Məhsul" adı ilə çıxış edən "Qarabağ" ilk dəfə 1966-cı ildə Azərbaycan SSR çempionatında iştirak etmişdir. Həmin il çempionatı 4-cü yerdə başa vuran "Qarabağ" 4 il ardıcıl olaraq ölkə birinciliyində mübarizə aparır. Komanda 1969-cu ildə çempion olmağa çox yaxın olsada, sonda Bakının Araz komandasından geri qalaraq ikinci yeri tutur.^[4] Bu zaman komandanın məşqçiləri Qədir Qurbanov, Nadir Xudabaşev olur.^[5] Ramiz Şahməmmədovun kapitan olduğu komandanın heyətində isə, Hüseyn Əhmədov, Baxşeyiş, Elxan Quliyev, Allahverdi Bağırov, Fikrət Əmiraslanov, Azad, Elbrus Abbasov, Rizvan Şərifov, Natiq Ağayev, Rəfael Kərimov, Şahin Rüstəmov, Şəfəq Hümbətəliyev, Qaraçı Əlövsət kimi oyunçular çıxış edirdi.^[5][8] Lakin bu uğurdan sonra komandada eniş dövru başlayır və bir müddət sonra komanda Azərbaycan çempionatının əsas liqasını tərk edərək region səviyyəli turnirlərdə yarışır.

Bir neçə il sonra, 1973-cu ildə Ağdamda yerləşən "50 nömrəli Peşə Məktəbi"nin nəzdində futbol komandası yaradılır.^[9] 1973-76cı illərdə bu məktəbin futbol komandası, respublika peşə məktəbləri arasında keçirilən futbol yarışlarında çempion olur.^[9] 1977-ci ildə respublikada yüksək liqaya çıxmaq üçün, A və B qrupu olmaqla iki qrupdan ibarət eyni bir liqa, Azərbaycan SSR çempionatının ikinci dəstəsi yaradılır. Əsasını Texniki Peşə məktəbinin komandasının oyunçularının təşkil etdiyi komanda bu çempionatda yarışmağa başlayır. Komanda "Şəfəq" adlanmağa başlayır. 1978-ci ildə komanda Azərbaycan SSR çempionatının güclulər dəstəsinə vəsiqə qazanır.^[10] Komanda 1981-ci ildə Azərbaycan SSR çempionatında üçuncu yeri tutur.^[4] Bu övrlərdə komandada Ənbər Axundov, Elşən Babayev, Nizami Əliyev, Kamil Məmmədov, İnqilab Əhmədbur, Eldar Bağırov, Yusif Əsədov, Elxan Quliyev, Çingiz Əliyev, Cavanşir Novruzov, Nadir Əsgərov, Adil Nadirov, Gülağa Məmmədov, Qasım Qasımov, Məmməd Məmmədov, Gündüz Qəhrəmanov, Arzuman Cabbarov, Yaşar Hüseynov, Marsel Firudinov, Raquf Vəliyev, Manaf Əliyev, Vasif İsgəndərov, Şahid Həsənov kimi futbolçular çıxış edir.

1982-ci ildə klub Ağdam İaşə Komitəsinin və "Ağdam Şampan Zavodu"nun himayəsinə keçir. Buna görədə komanda "İaşəçi" mənasını verən "Kooperator" adlanmağa başlayır.^[10][11] Klub bu ad ilə 1987-ci ilə kimi çıxış edir.

"Qarabağ" ilk dəfə Azərbaycan SSR çempionu adına 1988-ci ildə – Azərbaycan keçmiş SSRİ-nin tərkibində olarkən layiq görüldü. Həmin çempionluqdan sonra "Qarabağ" SSRİ çempionatının 2-ci dəstəsinə vəsiqə qazandı. 1989-cu ildə "Qarabağ" SSRİ çempionatının 9-cu zonasında yarışdı^[12]. 1990-cı ildə SSRİ çempionatının 2-ci dəstəsinin zona yarışlarında dəyişiklik edildiyindən "Qarabağ" Azərbaycan SSR çempionatının zona yarışlarında iştirak etmək məcburiyyətində qaldı.

1991-ci ildə SSRİ dağılandan sonra Azərbaycan Respublikasının müstəqil futbol çempionatı təşkil olundu. "Qarabağ" Azərbaycan çempionatının bütün mövsümlərində iştirak edən 2 komandadan biridir(Neftçi PFK ilə yanaşı). Təbii ki, müstəqillik illərində "Qarabağ"ın ağır günləri də az olmayıb. Azərbaycan tarixinin ən qara günlərdən biri olan Ağdam şəhərinin işğalı günü (23 iyul 1993-cü il) "Qarabağ" komandasının tarixində də ən qara gündür – həmin tarixdən etibarən komanda "qaçqın klub" kimi fəaliyyət göstərir.

Qeyd edək ki, 1992–1993-cü illərdə rəqiblərini Ağdamda qəbul edən "Qarabağ" burada 28 oyun keçirib. "Qarabağ" Ağdamda keçirdiyi son 22 matçda qalib gəlib. Əyalət təmsilçisinin evdə son məğlubiyyətindən isə daha uzun 27 oyunluq seriya keçir. Maraqlıdır ki, "Qarabağ"ın Ağdamda uduzduğu yeganə oyun onların müstəqilik tarixindəki ilk qarşılaşması olub. Və məğlubiyyətlə başlayan tarix qələbə seriyası ilə davam edib^[13]

XX əsrin son illərində klub maddi sıxıntılardan ciddi əziyyət çəkirdi. Məhz bu səbəbdən 1998–2001-ci illərdə ölkə çempionatının güclülər dəstəsində zəif nəticə göstərdi. Üstəlik maddi vəziyyət klubun aparıcı futbolçularının da "Qarabağ"ı tərk etməsinə gətirib çıxartdı.

Bütün bunlara baxmayaraq belə bir çətin dövrdə "Qarabağ" Avrokuboklarda mübarizə aparmışdır. Azərbaycan klublarından ilk dəfə mərhələ adlayan "Qarabağ"ın uğuru da məhz bu dövrə təsadüf edir. İsrailin Makkabi Hayfa klubu ilə baş tutmuş oyunların nəticəsində klub qələbə qazanaraq mərhələ adlamışdır. Azərbaycan futbolunun tarixində ilk dəfə olaraq Azərbaycana "böyük beşlik" təmsilçisi gəlmişdir. Bu Fransanın Monpelye klubu idi.

XXI əsrin əvvəlində klub maddi problemlərlə üz-üzə qaldı. Bu problemlər 2001-ci ildə Azərbaycanda fəaliyyət göstərən ən böyük holdinqlərdən biri olan "Azərsun" şirkətinin komandanı sponsorluğa götürməsindən sonra həll olundu. "Azərsun" Holdinq şirkəti "Qarabağ"ın inkişafı üçün əməli işə girişdi. Şirkətin prezidenti Abdulbari Gözəlın bilavasitə şəxsi köməkliyi ilə komandanın maddi problemləri həll olundu. İmkansızlıq ucbatından digər klublara keçmiş eks-qarabağlılar heyətə qaytarıldı və həmin dövrdən klub "Qarabağ-Azərsun" adı ilə çıxış etməyə başladı.

Maddi vəziyyətin düzəlməsi klubun nəticələrinə də təsir göstərdi. 2001-ci ildə "Qarabağ-Azərsun" ölkə çempionatında 9-cu yeri tutsa da qarşıdakı mövsümə hazırlıq işləri ciddi gedirdi və iddiası böyük olan klubun qarşısına ən yüksək yerləri tutmaq vəzifəsi qoyulmuşdu. Lakin həmin dövrdə Azərbaycan futbolunda baş verən böhran səbəbindən ölkədə 2002–2003-cü ildəki çempionat yarımçıq dayandırıldığı üçün qarşıya qoyulan məqsədə nail olmaq mümkün olmadı.

Azərbaycan futbolundakı böhran başa çatdıqdan sonra, 2003-cü ildə "Qarabağ-Azərsun"un rəhbər strukturunda bir sıra dəyişikliklər aparıldı və Tahir Gözəl komandanın vitse-prezidenti təyin edildi. Tahir Gözəlin kluba gəlişindən sonra "Qarabağ"ın tarixində sanki yeni səhifə açıldı. Komandanın ölkə çempionatında uğur qazanması üçün bütün imkanlar səfərbər edildi. Və məhz bu səylərin nəticəsi idi ki, 2003–2004-cü il mövsümündə "Qarabağ" uzun fasilədən sonra yenidən Azərbaycan çempionatının mükafatçıları sırasında yer aldı və birincilikdə ilk dəfə bürünc medalları qazandı.

"Qarabağ"ın rəhbərliyi 2004–2005-ci il mövsümündə İsveçdə yaşayan təcrübəli məşqçi İqor Ponomaryovu baş məşqçi postuna təyin etdi. Bundan sonra qısa zamanda Azərbaycanın müxtəlif yaş qruplarına aid yığma komandalarının üzvü olan bir sıra futbolçular heyətə cəlb olundu. Tahir Gözəlin təşəbbüsü ilə 2004-cü ildə "Qarabağ"ın tarixi adı özünə qaytarıldı və komanda yenidən bu adla adlandırılmağa başlandı. Bundan başqa Tahir bəy klub üçün yeni loqotip də hazırlatdırdı. İngiltərədə dizaynerlər tərəfindən hazırlanan bu loqotipdə "Qarabağ"ın simvolu olan Qarabağ atları təsvir olunub. Loqotipi bundan başqa futbola aid müxtəlif atributlar bəzəyir^[14].

2008-ci ildə Rasim Karadan sonra Qarabağın sükanı arxasına Qurban Qurbanov gətirildi. 2008/2009 sezonunda Azərbaycan Premyer Liqasında Qurban Qurbanovun komandası 5-ci yer ilə kifayətləndi. Azərbaycan Kubokunda isə Qarabağ finala qədər bütün rəqiblərini məğlub elədi. Finalda 23 mayda Bakıda Tofiq Bəhramov adına Respublika Stadionunda Qarabağ paytaxt təmsilçisi İnter ilə qarşılaşdı. Görüşün 57-ci dəqiqəsində Vaqif Cavadovun vurduğu yeganə qol Qarabağa Azərbaycan Kubokunda 3-cü zəfəri gətirdi. Bununla da Qurban Qurbanovun komandası gələn mövsüm Azərbaycanı UEFA Avropa Liqasında təmsil etmə hüququ qazandılar.

2009/2010 mövsümündə Qarabağ Qurban Qurbanovun rəhbərliyində uzun fasilədən sonra UEFA Avropa Liqasında mübarizə aparacaqdı. Lakin UEFA Avropa Liqasında Qarabağdan uğur gözləyənlər çox deyildi. Buna əsas səbəb isə heyətdə gənc və təcrübəsiz Azərbaycanlı futbolçuların olması idi. Heyətdə Elvin Məmmədov, Əfran İsmayılov , Maksim Medvedev, Rauf Əliyev və Vaqif Cavadov kimi gənc və təcrübəsiz futbolçular olsada Qurban Qurbanov onları UEFA Avropa Liqasında Qarabağın əsas futbolçuları kimi istifadə edirdi.

2009-cu ildə Qarabağ mövsümə UEFA Avropa Liqasının II təsnifat mərhələsində Rusenborq ilə səfər oyunu ilə başladı. 16 iyulda Qurban Qurbanovun komandası Norveç klubu ilə səfərdə 0–0 hesablı bərabərə qaldı. 1 həftədən sonra isə Qarabağ Bakıda Tofiq Bəhramov adına Respublika Stadionunda Rusenborq ilə cavab oyununa çıxdı. Görüşdə yeganə qolu oyunun 45-ci dəqiqəsində möhtəşəm cərimə zərbəsindən Rəşad Sadıqov vurdu. Güclü Norveç klubunu məğlub edən Qarabağ UEFA Avropa Liqasında III təsnifat mərhələsinə vəsiqə qazandı. Bu mərhələdə isə Qurban Qurbanovun komandasını Finlandiya təmsilçisi Honka ilə oyun gözləyirdi. İki oyunun nəticəsində görə Honkanı 3–1 məğlub edən Qurban Qurbanovun yetirmələri pley-off mərhələsinə vəziqə qazanır və bu mərhədə Hollandiyanın Tvente kollektivi ilə üz-üzə gələrək məğlub olurlar, Növbəti mövsümlərdə Qarabağ klubunun Avrokubok nəticələri yüksələn xətt üzrə artmağa başlamışdır.

2017/2018 mövsümündə Qarabağ daha fəal çıxış etməyə başladı.ÇL-in I təsnifat mərhələsində Samtredia üzərində qələbə qazandı (birinci oyun 5–0, ikinci oyun 1–0).II təsnifat mərhələsində Şeriflə birinci oyun qolsuz bərabərliklə bitsə də, ikinci oyunda 2–1 hesablı qələbə qazanaraq tarix yazdı.Pley-off mərhələsi çərçivəsində Kopenhagen komandası ilə birinci oyunda 1–0 hesablı qələbə qazandı.İkinci oyunda 2–1 hesabı ilə məğlub olsa da, səfərdə vurduğu qola görə ÇL-in qrub mərhələsinə vəsiqə qazandı. Bununla da Çempionlar liqasının qrup mərhələsinə vəsiqə qazanan ilk Azərbaycan klubu Qarabağ oldu. Qrup mərhələsində Çelsi, Atletiko Madrid və Roma kimi Avropa nəhəngləri ilə qarşılaşdı. Atletiko ilə hər iki oyunda bərabərliyə imza atan Qarabağ Çempionlar liqasının qrup mərhələsində xal qazanmış ilk Azərbaycan klubu kimi tarixə düşdü.

Komandanın konkret bir ləqəbi olmasa da, müəyyən dövrlərdə müəyyən ləqəbləri qazanmışdır. "Qarabağ"ın ləqəbləri içərisində ən qədimi "Atlılar" ləqəbidir. Ləqəb Qarabağ atları ilə əlaqəlidir. İngiltərədə xüsusi dizaynerlər tərəfindən hazırlanan loqotipdə də "Qarabağ"ın simvolu olan atlar təsvir olunub.^[15]

1993-cü ildə Ağdam şəhəri ermənilər tərəfindən işğal olunduqdan sonra doğma İmarət stadionundan didərgin düşən komanda məcburi olaraq "Qaçqın klub" adını almışdır.^[16]

Qurban Qurbanovun gəlişindən sonra, Qarabağın cəlbedici oyunu kluba "Qafqazın "Barcelonası" adını qazandırmışdır.^[17]

"Qarabağ"ın ənənəvi forması tünd göy və ağdır. Amma klub nədənsə ev forması kimi qara rəngdən istifadə edir. 2015-ci ildə klub yeni dizaynda tünd göy-qara rəngli formalardan istifadə etdi. 2016 və 2017-ci illərdə sezonun əsasən ilk yarısında Qarabağ bu rəngli formalardan istifadə edib. Forma əsasən Azərbaycan Premyer Liqası və Azərbaycan kuboku matçlarında istifadə olunur. Yalnız bir oyunda, Monako ilə səfərdə 0–1 başa çatan oyunda Qarabağ bu dizaynda formadan Avroliqada istifadə edib. Klubun forması Adidas tərəfindən istehsal olunur və 2001-cü ildən Azərsun Holdinq tərəfindən sponsorluq edilir.

Azərbaycan Premyer Liqası

  Qızıl (8) — 1994, 2013/2014, 2014/2015, 2015/2016, 2016/2017, 2017/2018, 2018/2019, 2019/2020

  Gümüş medal (3) — 1993/1994, 1996/1997, 2012/2013

Bürünc medal (3) — 2003/2004, 2009/2010, 2010/2011

Azərbaycan Kuboku

  Qalib (6) — 1993, 2005/2006, 2008/2009, 2014/2015, 2015/2016, 2015/2016,

  Finalçı (3) — 1995/1996, 1997/1998, 1999/2000

Azərbaycan SSR Milli Futbol Çempionatı

  Çempion (2) — 1988, 1990

Azərbaycan SSR Milli Futbol Kuboku

  Çempion (1) — 1990

UEFA Çempionlar Liqası

Qrup mərhələsi (1) – 2017–18

UEFA Avropa Liqası

Qrup mərhələsi (5) — 2014–15, 2015–16, 2016–17, 2018–19, 2019–20

Birlik Kuboku

5-ci yer (1) — 1994

"Qarabağ" avrokuboklarda Azərbaycanın bir sıra "siftə"lərinə imza atıb. Belə ki, avrokuboklarda səfərdə ilk xal məhz bu komanda sayəsində qazanılıb. Ağdam klubu qitə miqyasında debüt mövsümündə Bəxtiyar Musayevin vurduğu qol sayəsində buna nail olmuşdu. Həmin qol Azərbaycan klublarının UEFA Kuboklar Kubokunda vurduğu ilk və son qol idi^[20].

Azərbaycan klublarından avrokuboklarda ilk dəfə mərhələni İsrailin Makkabi Hayfa klubunu yenən "Qarabağ" keçib. "Qarabağ"ın məşqçisi Müşfiq Hüseynov 1999-cu ildə hücumçu kimi UEFA İntertoto Kubokunda Hayfa təmsilçisi ilə görüşdə etdiyi dublla qələbənin memarı olub – 2:1. Bu, eyni zamanda Azərbaycan klublarının Avropa miqyasında ilk səfər qələbəsi kimi tarixə düşüb^[20].

Nəhayət, UEFA Kubokunun xələfi, UEFA Avropa Liqası adlanan turnirdə iki mərhələni ilk keçən də "Qarabağ"dır. 2009-cu ildə Skandinaviya təmsilçilərini yenən ağdamlıların xüsusilə Rusenborq kimi güclü klubu turnirdən kənarlaşdırması Avropada da böyük əks-səda doğurdu^[20].

2010-cu ildə isə UEFA Avropa Liqasında ardıcıl üç mərhələ keçərək daha bir tarix yazdı. Bu da Azərbaycan futbolu tarixində ilk dəfə idi. Həmin turnirin III təsnifat mərhələsində Visla Krakov klubunun mübarizədən kənarlaşdırılması isə Azərbaycan futbolundakı "Polşa sindromu"na son qoydu^[21].

2011-ci ilin 30 iyununda UEFA Avropa Liqasında ilk dəfə Azərbaycan komandası səfərdə 3 və ya daha çox top fərqi ilə qalib gəldi ki, bu qələbə də Banqa Qarqjday klubunu səfərdə 4:0 hesabı ilə məğlub edən "Qarabağ"ın aktivindədir. Bu qələbə eyni zamanda Azərbaycanın avrokuboklarda o dövr üçün ən böyük hesablı qələbəsi idi^[22].

Həmçinin Qarabağ 3 il ard-arda Avroliqanın qrup mərhələsinə adını yazdıran ilk Azərbaycan klubudur. Avroliqanın qrup mərhələsində ilk qəbələ qananan, həmçinin ilk səfər qəbələsi qazanan ilk Azərbaycan klubu Qarabağ olmuşdur. Dnepropetrovk-un "Dnipro", Belçikanın "Anderlext", Yunanıstanın "PAOK" kimi komandalarını məğlub etməklə Avropada diqqət çəkməyə nail olmuşdur. Bundan başqa, Ağdam təmsilçisi Çempionlar Liqasının pley-off mərhələsinə (2017–2018-ci il) yüksələn, eyni zamanda qrup mərhələsinə vəziqə qazanan ilk Azərbaycan klubu olmuşdur.2021/2022-ci illər mövsümündə yeni yaradılmış Konfrans Liqasının qrup mərhələsinə vəsiqə qazanan ilk Azərbaycan və qrupdan çıxmağı bacaran yeganə klubdur.İndiyədək heçbir Azərbaycan klubu qrup səddini aşa bilməmişdi.

Ağdamlılar 1994 və 2004-cü illərdə 2 dəfə Birlik Kubokunda iştirak etmişdir.

2009/2010 mövsümündə "Qarabağ"ın Avropa Liqasındakı uğurlu çıxışı komandanın reytinqinin yüksəlməsinə səbəb olub. Azərbaycanın müstəqillik tarixində ilk dəfə reytinq gətirən yarışda 2 mərhələ keçən komanda 11 xal toplamaqla Beynəlxalq Futbol Tarixi və ı Federasiyasının (İFFHS) reytin cədvəlində dünyanın 350 ən güclü klubunun sırasına düşüb. "Qarabağ" İFFHS-in siyahısında 418-ci pillədən 279-cu yerə yüksəlib.^{[23][24][25][26]} Növbəti ayda daha 20 pillə irəliləyən "Qarabağ" aktivindəki 76,5 xal ilə "CAPS United Harara" (Zimbabve") və "Falkirk" (Şotlandiya) komandaları ilə birgə 259-cu pilləyə şərik çıxmışdır^[27]. Dünya klublarının reytinq cədvəlində yüksəlişi davam etdirən Ağdamlılar 2009-cu ilin dekabr ayının əvvəlinə olan reytinqdə 249-cu pillədə qərarlaşmışdır^[28].

2010/2011 mövsümündə də "Qarabağ"ın uğurlu çıxışı davam etmişdir. Belə ki, 30 iyul 2010-cu ildə açıqlanmış son siyahıda isə "Qarabağ" 88,5 xal ilə 189-cu pillədə qərarlaşmışdır^[29].

2010-cu il noyabrın 26-da açıqlanan klublarının XXI əsr üçün reytinqində isə ilk onilliyi 357 xal ilə Azərbaycan klubları arasında 2-ci, dünyada isə 339-cu pillədə başa vurmuşdur^[30].

2013-cü ilin ən güclü 200 klubu arasında "Qarabağ" 111-ci olub.^[31]

2014-cü ilin aprel ayında açıqlanan yeni reytinq siyahısında isə "Qarabağ" 112-ci sırada qərarlaşıb.^[32]

2015-ci il nəticələrinə görə klub 142 xalla 77-ci yerdədir və pilləni İspaniya "Valensiya"sı ilə bölüşür.^[33]

Qarabağ FK tarixində ilk dəfə Avropada 2021-ci ilin Ən Güclü 50 klubu siyahısında yer alıb.

Qarabağ FK-nun ilk azarkeş qrupu olan "Qarabağ Ordu"nun əsası 14 Aprel 2004-cü ildən qoyulub. 2004-cü ildən bu yana fəaliyyət göstərir. Komandanın ən böyük azarkeş qrupu olan İmarət 2009 cu ilin noyabr yaranıb. Adını Qarabağın Ağdamdakı stadionun adından götürən azarkeş qrupunun məqsədi yalnız Qarabağı dəstəkləmək deyil, həm də Qarabağ həqiqətlərini dünyaya çatdırmaqdır. İmarət azad azərkeş qrupunun İmarət Avropa və İmarət Türkiyə kimi bölmələri var. Əsas idaredici orqan İdarə Heyətidir.

Göstərdiyi nəticələrlə diqqət cəlb edən "Qarabağ" 2014-cü ildə dünyanın ən məşhur oyunlarından sayılan "Pro Evolution Soccer"in (PES) üzvünə çevrilib. Oyunun məxsus olduğu "Konami"nin mühəndisləri 2014-cü il üçün nəzərdə tutulan "PES 2015"-ə "Qarabağ"ın da adını daxil ediblər.2017/18-ci illərdə Çempionlar Liqasının Qrup Mərhələsinə Yüksələn Qarabağın Adı Növbəti İllər Ərzindədə "Pes"ə daxil edilmişdir.

Mənbə:[1]

3 Fevral 2022 tarixinə olan məlumat:

"İmarət"də…

• … son oyun — "Qarabağ" – Turan Tovuz 1:0 (Azərbaycan kubokunun yarımfinalı, 12. may 1993)
• … son qol — Yaşar Hüseynov ("Qarabağ" – Turan Tovuz 1:0, Azərbaycan kubokunun yarımfinalı, 12. may 1993)
• … son fiti çalan hakim — Rüstəm Rəhimov ("Qarabağ" – Turan Tovuz 1:0, Azərbaycan kubokunun yarımfinalı, 12. may 1993)
• … son sarı vərəqə — Vəli Hüseynov (Qarabağ – Turan Tovuz 1:0, Azərbaycan kubokunun yarımfinalı, 12. may 1993)
• … son çempionat oyunu — "Qarabağ" – Xəzər Sumqayıt 1:0 (9. may 1993)
• … son qırmızı vərəqə — Aqil Məmmədov (Qarabağ – Xəzər Sumqayıt 1:0, 9. may 1993)
• … son penalti — Mehman Alışanov (Qarabağ – Xəzər Sumqayıt 1:0, 9. may 1993)
• … qonaqların son qolu — Samir Ələkbərov (Qarabağ – Neftçi Bakı 2:1, Azərbaycan kubokunun ¼ finalı, 28. aprel 1993)
• … son heç-heçə — Qarabağ – Kəpəz 0:0 (24. iyun 1992)
• … son məğlubiyyət — Qarabağ – İnşaatçı Sabirabad 1:2^[13]

Əvvəlki baş məşqçiləri

•     Allahverdi Bağırov
•   Ağasəlim Mircavadov
•   Böyükağa Ağayev
•   Elşad Əhmədov
•   Şahin Diniyev
•   İqor Ponomaryov
•   Elxan Abdullayev
•   Rasim Kara

•   Yunis İldırımzadə

•  
  Əfran İsmayılov
•  
  Ansi Aqolli
•  
  Riçard Almeyda
•  
  Bədavi Hüseynov
•  
  Maksim Medvedev

• İmarət stadionu
• Neftçi – Qarabağ rəqabəti

• Rəsmi saytı  (az.)  (ing.)  (rus.)
• Qarabağ pfl.az Saytında  (az.)
• Qarabağ national-football-teams.com Saytında  (ing.)