Asiya Pandası-Himalay dağlarında iki kilometr yüksəklikdə olan bambuk meşələrində nadir heyvan olan böyük pandalar yaşayır.Əvəllər həm böyük ,həm də kiçik pandaları yenotlar ailəsinə aid edirdilər.Hazırda alimlər bu heyvanları ayıların qohumu hesab edirlər.Bambuk zoğları böyük pandanın sevimli yeməyidir. Bəzən pandalar iyrənməyərək kiçik gəmiriciləri də yeyirlər.Pandalar tək-tək yaşayırlar.Onlar adətən ağacların koğuşlarında və qayaların arasında daldalanırlar.Pandanın enli pəncələrində güclü dırnaqları və altıncı barmağı var.Bu barmaq digər barmaqlara əks istiqamətdə dayanmışdır.Gözlərinin ətrafındakı qara "gözlük",qara ayaqları və çiynini üstündən keçən xamıt pandaya maskalanmaq üçün imkan verir.Yeni bala doğulduqda və onun tərbiyəsi ilə məşğul olmaq lazım gəldikdə pandalar birlikdə olurlar.Pandalar gün ərzində 10-12 saat qidalanırlar.İl ərzində bir panda balası doğulur.