İstifadəçi:Mammedoff/Qaralama

Öz Mülkünü Xalqa Bağışlayan Kişi

Atasının xasiyətlərini özündə cəmləşdirən İbrahim öyrənməyi, görüb - götürməyi ar bilməz, bunu öz doğmalarınada tövsiyə edərmiş:

"Dünya gör-ötür yox, gör-götür dünyasıdır".

Xorasan səfərindən sonra Salahlı, Şıxlı, Tibilisi, Gəncə mühiti ilə təmasda olan Məşədi İbrahimin dünya görüşü artır, əqidəsi möhkəmlənir.

O, müfti Mirzə Hüseyn əfəndi Qayıbzadə, Şeyxülislam Əbdüssəlam ağa Axundzadə, Firudin bəy Köçərli ilə dostlaşır.

Köçərli ilə dostluğu daha uzun və davamlı olur.

Məşədi İbrahim 19'cu yüzilliyin yetmişinci illərində dünyaya gəlmişdir.

Məşədi İbrahim Süleymanlı nəslindən Zeynəb xanımla evlənmişdir.

Və bu xanımdan dörd oğlan və üç qızı dünyaya gəlib: Müseyib, Teymur, Nəsrəddin, Ənvər, Afitab, Mövrəstə və Pünhan.

Gələk Məşədi İbrahimin Qazax Müəllimlər Seminariyasını yerləşdirmək üçün öz xalqına bağışladığı və hazırda orta ümumtəhsil məktəbi yerləşən böyük mülkü barədə danışmağa.

Məşədi İbrahim öz halal mülkünü təsadüfənmi bağışlamışdır?

Məşədi İbrahim Xalqın maariflənməsinin əhəmiyyətini çoxdan başa düşdüyündəndir ki, hələ dörd il əvvəl öz oğlunu Qoriyə aparıb seminariyaya qoymuşdu.

Həmin günlərdə Firudin bəyə demişdiki, seminariya Azərbaycana köçürülsə əlimdən gələni edəcəyəm.

Sözünə kişi kimi əməl edən Məşədi yer məsələsi ortaya çıxanda:

- Qardaşlar, - mən sözümün ağasıyam. Köməyimi əsirgəmərəm. Qazax məscidinin qarşısındakı mülkümü təmannasız olaraq verirəm. Həmdə yalnız sizə, hökumətə yox, el-obaba xalqıma bağışlayıram.

Hamı bir ağızdan "Allah razı olsun" demiş,Firudin bəy isə dostunun əlini" sıxıb:

- Bu hökumət, - demişdir, - xalqın hökumətidir, Məşədi İbrahim köməyinə görə sağ ol!..

Qazax Müəllimlər Seminariyası Azərbaycan Xalq Cümhuriyyəti hökumətinin 22 İyun 1918-ci il tarixli qərarı ilə yaradılmışdır.

1959-cu ilədək fəaliyyət göstərən bu elm ocağı 3000 nəfərə yaxın müəllim hazırlamışdır.

Respublikanın adlı-sanlı müəllim, şair, yazıçı və alimlərinin bir çoxu bu seminariyanın məzunudur.

Səməd Vurğun, Mehdi Hüseyn, Osman Sarıvəlli, Seyfulla Şamilov, Mehdixan Vəkilov və onlarca digər görkəmli şəxsiyyətlər bu elm ocağının qoynundan keçmişlər.