Triginta Septem (Latınca tələffüz: [ˈtrig`inta ˈs`eptem]; "otuz yeddi") — Azərbaycanda fəaliyyət göstərən və 8 mindən çox izləyicisi olan YouTube oyun kanalıdır. Kanalda oyunların oynanılış (Let's Play) videoları paylaşılır. Hazırda kanalın sahibinin şəxsiyyəti naməlumdur və kanalda sadəcə "Septem" ləqəbi ilə tanınır.
Kanal ilk dəfə 2016-cı ilin sentyabr ayında yaradılıb. Bir ildən çox fəaliyyət göstərmiş kanal 2018-ci ilin əvvəlində bağlanır və bütün videoları silinir. Daha sonra, uzun fasilədən sonra (1 ildən çox) kanal 2019-cu ilin 12 Sentyabr[1] tarixindən eyni adla yenidən fəaliyyətə başlayır.
Kanalın fəaliyyət dövrü ərzində 400-dən çox (silinmiş kanal ilə birlikdə 600-dən çox) video paylaşılıb və yarım milyondan çox izlənmə[2] toplanılıb.