Mədəd Coşqun

Mədəd Coşqun (tam adı - Mədəd İsa oğlu İsmayılov) 1938-cı il iyunun 18-də Gürcüstan SSR, Dmanisi (Başkeçid) rayonunun Azərbaycan Gəyliyəni kəndində anadan olmuşdur.

Təhsili

1957-ci ildə Dmanisi rayonu Qızılkilsə orta məktəbini qızıl medalla, 1961-ci ildə isə A.S.Puşkin adına Tbilisi Dövlət Pedaqoji İnstitunun Tarix-Ədəbiyyat fakültəsini fərqlənmə diplomu ilə bitirmişdir.

Əmək və ictimai-siyasi fəaliyyəti

Tbilisidə nəşr olunan “Samqori” qəzeti Mədəd Coşqunun ilk iş yeri olub. İnstitutu bitirdikdən sonra o, Dmanisi rayonuna qayıdıb, Qamışlı kəndində səkkizillik məktəbin direktor müavini, Dmanisi rayonunun yerli radio verilişləri redaksiyasının redaktoru, rayon partiya komitəsinin ideologiya şöbəsində təlimatçı vəzifələrində çalışıb.

Mədəd Coşqun uzun illər Dmanisidə iki dildə (gürcü və Azərbaycan) çıxan “Trialeti” adlı rayon qəzetində Azərbaycan şöbəsinin redaktoru olub . Borçalıda milli qarşıdurma dövründə Mədəd Coşqunun Gürcüstanda sonuncu iş yeri olan “Trialeti” qəzetinin Azərbaycan dilində nəşri 1991-ci ildə dayandırılıb . Gürcüstanda azərbaycanlıların milli zəmində sıxışdırılmasının, yeni-yeni başlayan köç prosesinin qarşısını almaq, Borçalıları məlumatlandırmaq üçün Mədəd Coşqun “İnam” adlı qeyri-leqal qəzet təsis edərək Tovuz şəhərində dərc etdirib. Qəzet Borçalıda gizli şəkildə yayımlanırdı. Mədəd Coşqun 1992-ci ilə qədər Dmanisidə əməli və qələmi ilə mübarizəsini davam etdirib. Mədəd Coşqun həmin il ailəsi ilə Gürcüstandan köçməyə məcbur olur . Azərbaycana köçdükdən sonra da Mədəd Coşqun “Ozan”, “Qeyrət” və ”Borçalı” kimi ictimai birliklərin fəallarından olub . Həmçinin o, Bakıda nəşr olunan “Kəndin səsi”, “Azərbaycan dünyası”, “Rabitə dünyası” qəzetlərinin redaktoru vəzifələrində çalışır. Mədəd Coşqun SSRİ Jurnalistlər İttifaqının, Azərbaycan Yazıçılar Birliyinin, Azərbaycan Jurnalistlər Birliyinin üzvüdür.

Yaradıcılığı