1995-ci ildə Azərbaycanda yaranmış özəl şirkətdir. Şirkətin məhsulları əsasən xarici olmaqla daxili və xarici bazarlarda satılmaqdadır^[1][2]. Azərbaycan iqtisadiyyatının qeyri-neft sektorunda 25 ildən artıq iş təcrübəsinə malik olan “MKT İK” MMC^[3], dəfələrlə bu sektor üzrə ixrac lideri olmuşdur^[4][5][6][7]. Şirkətin fəaliyyətinin əsas istiqaməti ölkənin 20 pambıqçılıq rayonundan 15-də pambığın yetişdirilməsi, tədarükü və daha sonra, səhm nəzarət paketinə malik olduğu pambıqtəmizləmə müəssisələrində emalından ibarətdir. Bakıda yerləşən baş ofislə yanaşı, şirkətin regionlarda da 25 filialı mövcuddur. Bu filiallara pambığın ilkin emalı filialları olan Ağcabədi, Bərdə, Beyləqan, Biləsuvar, Saatlı, Sabirabad, Salyan, Tərtər, İmişli, Neftçala və Zərdab, məntəqə tipli Yevlax, Goranboy, Kürdəmir, Ağdam və innovasiya fermer təsərrüfatları olan Ağcabədi, Beyləqan, İmişli, Lənbəran, Saatlı və Yevlax filialları daxildir^[8]. Bununla yanaşı, MKT-in 6 pambıq qəbul məntəqəsi də fəaliyyət göstərməkdədir. Bunlar "MKT İK" MMC-nin "MKT- Saatlı" filialı, "MKT- Biləsuvar" filialı, "MKT- İmişli" filialı, "MKT- Bərdə" filialı, "MKT- Ağcabədi" filialı və "MKT- Beyləqan" filialıdır^[9]. “MKT”-in aylıq istehsal gücü 1650 ton xam pambıqdır.

“MKT İstehsalat Kommersiya” MMC xam pambıqdan əsasən mahlıc^[10], çiyid^[11] habelə, lint, uluk və tiftik əldə edərək iplik , pambıq yağı, pambıq toxumu və jmıx istehsalını həyata keçirməkdədir. Bu məhsullar əsasən Türkiyə, İran, Rusiya və digər MDB ölkələrinə ixrac edilir^[12].

Rayonlarda yerləşən pambıq emalı, qəbul məntəqəsi və innovasiya filiallarından başka “MKT İstehsalat Kommersiya” MMC-nin Bakı şəhəri ərazisində xam pambıq mahlıcından iplik istehsal edən “Bakı İplik Zavodu”-u^[13] və Şirvan şəhərində çiyiddən pambıq yağı istehsal edən “Şirvan Yağ, Piy Zavodu”^[14] da fəaliyyət göstərir.

“Bakı İplik Zavodu” 2008-ci il fevralın 8-də Azərbaycan Respublikasının Prezidenti İlham Əliyevin açılışı ilə fəaliyyətə başlamışdır^[15]. Zavod İsveçrənin “Rieter” şirkətinə məxsus “Open-end Spinning” texnologiyaları ilə təchiz olunmuşdur və aylıq istehsal həcmi 350, 400 ton aralığındadır^[16].

2008-ci ildən “Şirvan Yağ, Piy Zavodu” adı altında fəaliyyət göstərən müəssisə^[17],ABŞ-ın, İtaliyanın, Almaniyanın və Türkiyənin “Mechanical Compression” tipli texnologiyaları ilə təchiz olunmuşdur. İstehsal olunan çiyidin 12%-13%-i rafinasiya olunmuş yağ olaraq əldə edilməkdədir. Həmçinin, zavod, pambıq çiyidindən soapstock, pambıq jmıxı və linter istehsal edir. Aylıq istehsal gücü 12000 ton pambıq yağıdır^[18].

2019-2020 mövsümündə şirkət 45,000 Ha sahədən Azərbaycan üçün rekord göstərici olan 35.6 sentner/Ha xam pambıq istehsal etmişdir. 2021 yanvar-sentyabr ayları üzrə hazırlanan qeyri-dövlət ixracatçı subyektlərin reytinqində “MKT İstehsalat Kommersiya” MMC birinci yerdə qərarlaşmışdır. Müəssısədə daimi işçi sayısı 3200, sezon dönəmində isə təqribən 6500 nəfərdir.

“MKT”-in 2-si aktiv olmaqla, 3 iplik fabriki də fəaliyyət göstərməkdədir.

1. ↑ Rüstəm Kamal. "İndi Azərbaycan təkcə neft-qaz ölkəsi kimi tanınmır". azerbaijan-news.az (az.). 3 avqust 2022. İstifadə tarixi: 24 oktyabr 2022.
2. ↑ MKT Cotton. "Haqq;nda". mktcotton.com (az.). İstifadə tarixi: 24 oktyabr 2022.
3. ↑ "MKT haqq;nda". MKT Cotton (az.). İstifadə tarixi: 24 oktyabr 2022.
4. ↑ banker.az. "Azərbaycanın ən çox məhsul ixrac edən 10 şirkəti açıqlandı – SİYAHI". banker.az (az.). 31 avqust 2022. İstifadə tarixi: 24 oktyabr 2022.
5. ↑ Azərbayc Respublikası İqtisadi İslahatların Təhlili və Kommunikasiya Mərkəzi. "Özəl və dövlətə məxsus ixracatçı subyektlərin ixracla bağlı reytinqi tərtib edilib". vergiler.az (az.). 30 aprel 2022. İstifadə tarixi: 24 oktyabr 2022.
6. ↑ fed.az. "Azərbaycanın ən böyük ixrac şirkətləri və qazancları - YENİ SİYAHI". fed.az (az.). 31 avqust 2022. İstifadə tarixi: 24 oktyabr 2022.
7. ↑ abc.az. "Azərbaycanın ən çox ixrac həyata keçirən şirkətləri - Siyahı". abc.az (az.). 30 dekabr 2022. İstifadə tarixi: 24 oktyabr 2022.
8. ↑ MKT Cotton. "Filiallar". mktcotton.com (az.). İstifadə tarixi: 24 oktyabr 2022.
9. ↑ Azərbaycan Respublikası Kənd Təsərrüfatı Nazirliyi. ""MKT İstehsalat Kommersiya" Məhdud Məsuliyyətli Cəmiyyətin pambıq qəbul məntəqələrinin SİYAHISI". agro.gov.az (az.). İstifadə tarixi: 24 oktyabr 2022.
10. ↑ MKT Cotton. "Mahlıc". mktcotton.com (az.). İstifadə tarixi: 24 oktyabr 2022.
11. ↑ MKT Cotton. "Çiyid". mktcotton.com (az.). İstifadə tarixi: 24 oktyabr 2022.
12. ↑ MKT Cotton. "İdxal - İxrac". mktcotton.az (az.). İstifadə tarixi: 24 oktyabr 2022.
13. ↑ Azərbaycan Respublikasının Kiçik və Orta Biznesin İnkişafı Agentliyi. "Son illərdə tekstil sahəsində Azərbaycanda açılan müəssisələr" (PDF). smb.gov.az (az.). İstifadə tarixi: 24 oktyabr 2022.
14. ↑ Azərbaycan Respublikası Energetika Nazirliyi. ""Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"nın 2009-cu il ərzində icra vəziyyəti haqqında" (PDF). https://minenergy.gov.az/ (az.). İstifadə tarixi: 24 oktyabr 2022.
15. ↑ AzərTac. "AZƏRBAYCAN PREZİDENTİ İLHAM ƏLİYEV MKT İSTEHSALAT-KOMMERSİYA MMC-NİN BAKI İPLİK FABRİKİNİN VƏ BEYNƏLXALQ TİCARƏT MƏRKƏZİNİN AÇILIŞINDA İŞTİRAK ETMİŞDİR". azertag.az (az.). İstifadə tarixi: 24 oktyabr 2022.
16. ↑ MKT Cotton. "Bakı Tekstil Filialı". mktcotton.com (az.). İstifadə tarixi: 24 oktyabr 2022.
17. ↑ Baku Xəbər. ""Şirvan Yağ-Piy" QSC-də uğurlu yol". bakuxeber.info (az.). İstifadə tarixi: 24 oktyabr 2022.
18. ↑ MKT Cotton. "Şirvan Yağ Emalı Zavodu". mktcotton.com (az.). İstifadə tarixi: 24 oktyabr 2022.