İstifadəçi:Hafizalasgarov/Qaralama

Aydın Rəsulov 1934-cü ildə avqustun 28-də Qərbi Azərbaycanın Göyçə mahalının Basarkeçər rayonunun Bala Məzrə kəndində anadan olmuşdur. 1952-ci ildə H.Zərdabi adina Kirovabad Pedaqoji İnstitutunun fizika və riyaziyyat fakültəsinə qəbul olan Aydın Rəsulov 1956-cı ildə ixtisası üzrə tam kursu bitirmişdir. 1962-ci ildə Azərbaycan SSR Elmlər Akademiyasının Fizika instirtutunun aspiranturasına daxil olmuşdur. O, akademik M.İ.Əliyevin elmi rəhbərliyi altında yarımkeçiricilər fizikası üzrə elmi tədqiqatını davam etdirmişdir. Kişinyov Dövlət Universiteti Şurasının 1969-cu il 29 may tarixli qərarı ilə Yarımkeçiricilər fizikasında xalqogenit qalli kristallarının daşınma hadisələri mövzusunda namizədlik dissertasiyasını müdafiə edərək fizika-riyaziyyat elmləri namizədi alimlik dərəcəsi almışdır. Bir oğlu, iki qızı, yeddi nəvəsi var.

Aydın Rəsulov əmək fəaliyyətinə Şamxor (indiki Şəmkir rayonu) rayonu III Beynəlmiləl Əliyaqublu kənd orta məktəbində müəllim olaraq başlamışdır. 1968-ci ildə Kirovabad Dövlət Pedaqoji İnstitutunun (indiki Gəncə Dövlət Universiteti) Fizika kafedrasının müəllimi vəzifəsində çalışmışdır. 1970-ci ildən həmin kafedranın dosenti olmuşdur. 1993-2006-cı illərdə Gəncə Dövlət Universiteti Fizika və UTF fakültəsinin dekanı vəzifəsini icra etmişdir. Aydın Rəsulov mötəbər elmi jurnallarda (Berlin, Amsterdam, Minsk) nəşr olunan 250-dən artıq elmi məqalənin, metodik vəsaitlərin və fənn proqramlarının müəllifidir.

23 fevral 2006-cı ildə Gəncə şəhərində vəfat etmişdir.

Uzun illər vicdanlı əməyinə görə SSRİ Ali Soveti Rəyasət Heyəti adından Azərbaycan SSR Ali Soveti Rəyasət Heyətinin 29 aprel 1988-ci il tarixli Fərmanı ilə “Əmək veteranı” medalı ilə təltif edilmişdir. Azərbaycan Respublikası Təhsil nazirliyi kollegiyasının 1999-cu il 29 dekabr tarixli qərarı ilə Fəxri fərmanla mükafatlandırılmışdır. SSRİ Ali Soveti Rəyasət Heyətinin 25 aprel 1975-ci il tarixli 1941 - 1945-ci illər Böyük Vətən müharibəsində Qələbənin 30 illiyi yubiley medalı, 12 aprel 1985-ci il tarixli fərmanı ilə 1941 - 1945-ci illər Böyük Vətən müharibəsində Qələbənin 40 illiyi yubiley medalı və Azərbaycan Respublikasının Prezidenti İlham Əliyevin 27 aprel 2005-ci il tarixli Sərəncamı ilə 1941 - 1945-ci illər Böyük Vətən müharibəsində Qələbənin 60 illiyi yubiley medalı ilə təltif edilmişdir. II Dünya müharibəsi arxa cəbhə veteranıdır.