Hüseyn Cavadzadə

Hüseyn Ədalət oğlu Cavadzadə 1989-ci il 17 oktyabrda Bakı şəhərində ziyalı ailəsində anadan olmuşdur. Orta təhsilini 246 saylı məktəb lisey və Azərbaycan Futurologiya İnstitutunun "Kiçik Akademiya"sında alıb. 2000-ci ildə Azərbaycan Dövlət Mədəniyyət və İncəsənət Universitetinin "Sənətşünaslıq" fakültəsinə daxil olub. Universitetin bakalavr, magistr pilləsini qırmızı fərqlənmə diplomu ilə bitirib. Hazırda doktorantdır. 2005-ci ildə Gürcüstanda İFASC-da, Daha sonra İsveçdə Montreux şəhərində MBA bitirib. Hələ tələbəlik dövründə 2002-2004-cü illərdə hazırladığı filmlər sosial mövzuları əhatə edib. Onlardan biri BMT-nin beynəlxalq Sülh Forumu müsabiqəsinin 1 ci yerə layiq görülüb. Digəri - "Əlillərin cəmiyyətə integrasiyası" mövzusunda hazırlanan sosial video isə Tel-Əviv İnternational Film Festivalında ən yaxşı debüt mükafatı alıb. 2004-cü ildən "Мир Азербайджана" diaspor fəaliyyətini işıqlandıran jurnalda fəaliyyət göstərib. 2008-ci ildən Azərbaycan Dövlət Mədəniyyət və İncəsənət Universitetində pedaqoji fəaliyyətə başlayıb. 2012-ci ildən "Addım yaradıcı gənclər Assosiyası"nı təsis edib. "Addım"da fəaliyyəti zamanı gənclər arasında insan hüquqları, multikulturalizm, sağlam həyat tərzinin təbliği, gənc iqtisadçıların yetişdirilməsi, yol təhlükəsizliyi və s. mövzularda onlarla regional və beynəlxalq layihələr həyata keçirib. 2015-ci ildə Norveç Krallığının Vigro İnternational təşkilatı tərəfindən "Gənc Siyasətçı" mükafatına layiq görülüb. Bir çox beynəlxalq forumlar və festivallarda regional münsiflər və müşahidə qrupunun rəhbəridir. Eləcə də ölkənin aparıcı pr agentliklərindən olan Caspian Media Group-un rəhbəridir. Ailəlidir. Bir övladı var.