Gilabi Ceramics Azerbaijan

“Gilabi Ceramics” təkcə Azərbaycanda deyil, onun hüdudlarından kənarda da tanınan və milli brendə çevrilən qurumdur. Onun məqsədi – peşəkar, istedadlı yaradıcı heyətin səyləri ilə keramika sənətinin bir çox sahəsini bir araya gətirmək və onu çoxyönlü bir sənət fenomeninə çevirməkdir. Bu gün “Gilabi Ceramics” məhsulları artıq bütün dünyada tanınır, orijinal bədii-estetik naxışları, özünəməxsus rəngləri və bədii ifadə tərzi ilə milli-mədəni irsimizi beynəlxalq miqyasda təmsil edir. “Gilabi Ceramics”in əl işləmələri həm ölkə daxilində sevilən məhsullar, həm xaricdə təqdim edilə bilən ən gözəl suvenirlər sayılır. “Gilabi Ceramics” mərkəzinin əsas məqsədi yerli istehsalatın inkişafı, gənc kadrların işlə təmin edilməsi və sırf azərbaycan məhsullarının ərsəyə gətirilməsidir. Eyni zamanda, şirkətin uğurlu fəaliyyəti yerli turizmin inkişafına da təkan verir.

TARİX

“Gilabi ceramics” mərkəzi 2020-ci ildə Balaxanıda aparılan abadlıq işləri çərçivəsində istedadlı keramika rəssamı Emin Ələkbərovun təşəbbüsü ilə yaranaraq qısa zamanda yerli bazarda lider mövqeyini qazanıb. Brend öz adını unikal gil növündən alıb ki, keçmişdə həmin gildən hətta paltar və baş yumaq üçün istifadə edilibmiş. Bu gün isə həmin materialdan hazırlanan məhsullar əsl sənət fenomeninə çevrilib. Hazırda brendin 3 mağazası – Balaxanı, Ramanı qəsəbələrində və şəhərin mərkəzində, 28 May küçəsində müştərilərin xidmətindədir. Müasir texnologiyaların məziyyətlərindən istifadə etməklə hazırlanan kolleksiyalar özündə Azərbaycan xalqının çoxəsrlik ənənələrini və müasirliyi harmonik şəkildə birləşdirərək çağdaş keramika sənətini layiqincə təmsil edir.

BREND DƏYƏRİ

İncəsənətin hər bir sahəsində olduğu kimi dekorativ-tətbiqi sənətin bir qolu olan keramika sənətində də ənənə və müasirliyin vəhdəti heyrətamiz əsərlər doğurur. Zəngin tarixə malik ənənələrimiz çağdaş keramika rəssamlarımızın yaradıcılığını qidalandıran tükənməz mənbədir. ”Gilabi ceramics”in qarşısına qoyduğu ən mühüm vəzifələrdən biri də qədim ənənələrimizi müasir dövrümüzə daşımaq və inkişaf etdirməkd

ir. Keramika məhsullarının əsas ideyası qədim adət-ənənələrin, milli folklorun, miniatür üslubunun çağdaş cizgilərlə çatdırılması, onların yeni bədii-estetik tutumda və forma biçimində dirçəldilməsidir. Yaradıcılıq mərkəzində çalışan peşəkar sənətkarların işlərində tarixi mirasın gələcəyə ötürmək səyləri duyulur ki, bunun nəticəsində hər bir məhsul əsl sənət əsərinə çevrilir.

BREND TƏKAMÜLÜ

“Gilabi ceramics” yarandığı gündən tarixi ənənələrdən uzaqlaşmır, milli köklərə dayaqlanır, amma bununla yanaşı müasir yaradıcılıq axtarışlarını daim davam etdirir. Məhsulların milli ruhuna müasir çalar qatan orijinal dizayn sayəsində həmin əsərlər müasir məkanları bəzəyir. Milli mədəni irsimizi layiqincə təmsil edən keramika sənəti dövlətin xüsusi qayğısı və dəstəyi sayəsində daim inkişaf edir. “Gilabi ceramics”in də mühüm vəzifələrindən biri mədəni irsimizi yaşatmaq, gələcək nəsillərə ötürmək və cəmiyyətdə yüksək bədii zövqü formalaşdırmaqdır. Peşəkar kadrların cəlb edilməsi, gənc keramika rəssamlarının yetişdirilməsi, mərkəzdə ustad dərslərinin təşkil edilməsi də məhz bu məqsədə xidmət edir.

“GİLABİ CERAMİCS” MƏHSULLARI

Yarandığı gündən “Gilabi ceramics” mərkəzi yaşayış binaları, ofisləri, iaşə obyektləri, ticarət mərkəzləri, mədəniyyət ocaqları və digər məkanların interyerini tamamlayan unikal keramika məhsulları təqdim edir. Eyni zamanda keçmişin izini daşıyan həmin nümunələr orijinal dizayn, forma, rəng həlli sayəsində milli keramika istehsalının inkişafına təkan verir. Maraqlı formaları, milli naxışları, mürəkkəb rəng və fakturası ilə fərqlənən çoxfunksiyalı qablar - kasa, fincan, nəlbəki, boşqab, vaza və digər əşyalar göz oxşayaraq həyatımızı gözəlləşdirir. Zərif fincandan səhər qəhvəsi içmək, masanın şah əsərinə çevrilən yemək dəstində nahar etmək, interyerə bənzərsizlik gətirən dekotariv əşyalara tamaşa etmək bir başqa zövqdür! Həmçinin nikbin ovqat yaradan keramika məhsullarımız dostlara və xarici qonaqlara təqdim edilə bilən ideal hədiyyədir.

XARAKTER

“Gilabi ceramics” yaradıcılıq studiyasının rəssamları keçmişdən gələn ənənə və yeni təcrübə arasında mənəvi dialoq yaratmağa, qədim və müasir keramika sənəti arasında körpü yaratmağa nail olublar. Önəmlisi odur ki, hər məhsul az sayda hazırlanır. Bu prinsip sayəsində “Gilabi ceramics” məhsulları rahat və funksional olmaqla yanaşı, həm də fərqli və bənzərsizdir.