İstifadəçi:Qədir/Elina
Bakı şəhəri 162 saylı tam orta məktəbdə 14 yaşlı səkkizinci sinif şagirdi Elina Hacıyeva 2019-cu il aprelin 4-ü saat 09:11-də məktəbin üçüncü mərtəbəsindən özünü ataraq intihar edib. Bu, onun 2-ci intihar cəhdi olub. Onun intiharı Azərbaycan cəmiyyətində rezonans doğurmuşdur.
Elina Hacıyeva birinci sinifə Bakı şəhəri 49 nömrəli tam orta məktəblə başlayıb, üç il bu məktəbdə təhsil alıb. Həmin məktəbin rus bölməsi bağlananda bu bölmənin şagirdləri azərbaycandilli bölmələr arasında bölüşdürülüyü vaxt valideynləri Elinanı başqa məktəbə keçirməli olublar. O, dördüncü sinifdən başlayaraq Bayılda Bakı şəhəri 203 nömrəli tam orta məktəbə getməyə başlayıb. Ancaq evdə daha bir azyaşlı bacısının varlığı, üstəlik, anasının da hamilə olması Elinanın növbəti dəfə məktəbdən ayrılmasına səbəb olub. O, növbəti dəfə beşinci sinifə evin yaxınlığındakı Bakı şəhəri 162 nömrəli tam orta məktəbdə başlayıb.