İstifadəçi:Qədir/Assume good faith
 | Səhifənin qısa məzmunu:
|
Xoşniyyətli olduğunuzu göstərmək (XNG) o deməkdir ki, insanların hərəkətləri zərərli belə olsa, onların Vikipediyaya qəsdən zərər verdiklərini düşünməmək lazımdır. Bu, Vikipediyanın əsas prinsiplərindən biridir. İnsanların əksəriyyəti layihəyə zərər vurmaq deyil, kömək etmək niyyətində olur. Əks halda, Vikipediya kimi bir layihə ən başdan uğursuzluğa məhkum olardı.
Anlaşmazlıq yarandıqda problemi daha da böyütmək yox, izah edərək həll etməyə çalışın və qarşı tərəfə də eyni şəkildə cavab vermək imkanı yaradın. Mübahisənin fərqli nöqteyi-nəzərdən qaynaqlanıb-qaynaqlanmadığını nəzərdən keçirin və konsensusa gəlməyin yollarını axtarın.
Xoşniyyətə dair şübhələr yarandığı hallarda da mümkün olduğu qədər özünüzün xoşniyyətli olduğunuzu düşünməyə davam edin. Nəzakətli olun və redaktorlara hücumlar etmək və ya müharibəsinə başlamaq əvəzinə, mübahisələrin həlli prosedurlarına müraciət edin. Əgər digər vikipediyaçıların davranışları haqqında şübhələrinizi dilə gətirmək istəyərsəniz, lütfən bu şübhələri fərq keçidləri, izahatlar və digər müvafiq sübutlarla əsaslandırın ki, digərləri də narahatlığınızın səbəblərini anlaya bilsinlər. Pis davranış pisniyyətdən qaynaqlanır kimi görünə bilsə də, çalışın ki, ümumiyyətlə davranışa niyyət göstərmədən nəzər yetirəsiniz ki, ətrafda narazılıqlar artmasın.
Bu qayda açıq şəkildə əksini göstərən dəlil (məsələn, vandalizm) olduqda istifadəçilərin xoşniyyətli olmalarını tələb etmir, eləcə də xoşniyyətli olmaq müzakirə və tənqidi qadağan etmir. Çünki Vikipediyanı yaxşılaşdırmağa çalışan redaktorlar belə, məqsədlərinə çatmaq üçün lazım olan məlumat və bacarıqlara sahib olmaya bilərlər. Əksinə, redaktorlar tənqid olunan hərəkətləri, konkret sübutlar olmadıqca pis niyyətlə əlaqələndirməməlidirlər.