Fatali66

Abdullayev Fətəli Nəriman oğlu 6 mart 1966-cı ildə Azərbaycan Respublikası, Qubadlı rayonu, Saray kəndində anadan olmuşdur. İlk təhsilini D.Müskanlı və Dondarlı kənd orta məktəbində alıb. Rusiya Federasiyası, Voronej şəhərində "Varonej Avtomobil Yollarının İnşaatı" İnstitutunu bitirib. SSRİ Silahlı Qüvvələrində həqiqi hərbi xidmət keçib.

İş təcrübəsi xronoloji olaraq aşağıdakı kimidir:

Voronej Mühəndislər İnstitutunun nəzdində fəaliyyət göstərən "Elmi Tədqiqat Mərkəzi" də baş mühəndis; ARDNŞ-in “Şelflayihətikinti” İB-nin sahə rəisi; ARDNŞ-in “Şelflayihətikinti” İB-nin rəis müavini; 12 saylı trestin rəisi; Heydər Əliyev adına Bakı Dərin Özüllər Zavodunun Tikinti idarəsinin rəisi; Azərbaycan Əmək və Sosial Münasibətlər Akademiyasının “Beynəlxalq Münasibətlər” kafedrasının müəllimi, baş elmi işçi; 2013-2020 ci illərdə AMEA İşlər İdarəsinin müdiri, eyni zamanda AMEA Strateji Elmi Tədqiqatlar Mərkəzinin rəhbəri, Tətbiqi Elmlər üzrə Koordinasiya Şurasının sədri, Yüksək Texnologiyalar Parkı üzrə Müşahidə Şurasının üzvü; Mudafiə Nazirliyi Silahlı Qüvvələrin Hərbi Akademiyasında müəllim.

Siyasi elmlər doktoru, dossentdir. 45 elmi məqalə və 3 kitabın müəllifidir.

Azərbaycan Respublikası Prezidenti Yanında Dövlət İdarəçilik Akademiyasının Elmi Şurasının üzvüdür.

1-ci və 2-ci Qarabağ müharibəsi iştirakçısıdır. Qarabağ müharibəsi veteranıdır.

F.Abdullayev AMEA Rəyasət Heyəti, AR Dövlət Sərhəd Xidməti və AR Müdafiə Nazirliyi ilə birgə layihələrin həyata keçirilməsində, hərbi sahədə elmi tədqiqat işlərinin tətbiqi istiqamətində xidmətlərinə görə, Dövlət Sərhəd Xidməti rəisinin müvafiq əmrinə əsasən “Azərbaycan Sərhəd Mühafizəsinin 100 illiyi (1919-2019)” Azərbaycan Respublikasının yubiley medalı ilə təltif edilib.

Azərbaycan Respublikası Prezidentinin 2015-ci il 5 noyabr tarixli Sərəncamı ilə “Əməkdar mühəndis” fəxri adına layiq görülmüşdür.

Hal-hazırda hərbi təyinatlı layihələrdə baş məsləhətçi kimi fəaliyyət göstərir.