İstifadəçi:Eric Moore Hi/Xəstə Ruhlar, Elxan Elatlı

Adı	Xəstə Ruhlar
Yazar	Elxan Elatlı
Səhifə sayı	304
Format	Karton örtük
ISBN	9789952827613
Növ	Ədəbiyyat, Detektiv, Roman
Dil	Azərbaycan
Ölkə	Azərbaycan
Nəşriyyat	Elgün Nəşriyyat
Çap tarixi	05.10.2015
Başladığım tarix	13.09.2020, 13ː50
Bitirdiyim tarix	11.10.2020, 23ː06
Gün	29

Xəstə Ruhlar, Elxan Bəy Elatlının oxuduğum ikinci dedektiv romanıdır. Kitabda baş verən hadisələr insana psixoloji təsir edir sanki, kitabı oxuduqca daha çox gərginləşib əsəb keçirirdim. Bu o demək deyil pis kitabdır əksinə əgər yazarımız bu hissləri oxucusunda yaratmağı bacarırsa deməli onun yazarlıq qabiliyyəti ilə yanaşı psixoloqluq qabiliyyəti də var. Çünki insan emosiyalarını necə oyandıracağını çox yaxşı bilir.

Kitabı ilk oxuyanda mistik olduğunu düşünürsən amma kitabı bitirəndə əslində görürsən ki "ruh" kimi mistiklər kitabda kənd əhalisinin inandığı batil inanclardır və yazarımızın yaratdığı əfsanəvi personaj Qanbay Qasımlı bu batil inanclara son qoyur. Yazar kitabda oxucuda maraq yaradacaq kiçik bir işarə verir: "Heç kim!" Spoyler verməmək və həyacanı qaçmasın deyə "Heç kim!" sözünün nə olduğunu qeyd etmirəm. Sadəcə bunu deyim ki sırf kitabda bəhsi keçən "Heç kim!" sözünün mənasın axtarıb tapmaq üçün belə kitab oxumağa dəyər.

Spoyler

Bunu da qeyd etmədən getmək istəmədim. Araşdırma etdim amma tapa bilmədim. Bu kitab deyəsən ermənilərlə azərbaycanlıların birlikdə yaşadığı dövürdə ikisinin bir-birinə olan münasibətini göstərən roman janrında ilk kitab ola bilər. Əslində kitabın əsas mövzusu iki xalq arasındakı münasibətlər deyil, bir qətl törədilir və bu qətl kəndlilər tərəfindən batil inanclarla əlaqələndirilir. Bu kəndlilər arasında ermənilər və türklər də var. Bu hadisələr başlayanda ermənilər və türklər birlikdə yaşayırdılar.

Əgər ermənilərin Qafqazda türklərin yanına necə soxulduğunu, türklərlə necə qohumluq əlaqəsi qurduğunu, qurulan bu qohumluğun arxasındakı həqiqəti və Qarabağ müharibəsinin başlamasına təkan verən səbəbləri bilmək istəyirsinizsə kitabı oxuyacağınız kitablar arasına əlavə etməlisiniz.

Kitablarla bağlı təəssüratlarımı, onlardan götürdüyüm sitatları və həvəskar olaraq öz yazdığım şeir və elmi-fantastika əsərlərimi 1K səhifəmdə yazıram. Aşağıda qeyd etdiyim yazılar Xəstə Ruhlar tarixi dedektiv romanından bəyəndiyim sitatlardır.

Ən təhlükəli ruhlar sağlam bədəndə olan xəstə ruhlardır.

- Heç yayda da xaş yeyərlər?!
- Ancaq məndən soruşsan, xaşı hər vaxt yemək olar. Kişi gərək hər zaman öz canına yaxşı qulluq eləsin, səhər xaş, günorta kabab, axşam yağlı qoyun ətindən bozbaş yesin ki, arvadı razı sala bilsin. 😃

Hər hansı düşünülmüş qətl üç mərhələdən ibarət olur: qətlin planlaşdırılması, onun həyata keçirilməsi və cəzadan yayınma mərhələsi. Yadınızda saxlayın, istənilən peşəkar cani bu üç mərhələnin birində, əsasəndə üçüncü mərhələdə hökmən səhvə yol verir.

Mətləbə dəxli olmayan ikinci mənasız sualı Dağçəmənlinin gombul sahə polisi Sədulla verdi. Aşkar görünürdü ki, onu öz sualının cavabı qətiyyən maraqlandırmır və yalnız özünü işgüzar göstərməklə təzə rəisimizin gözünə girməyə çalışır. Çünki onu hamımız yaxşı tanıyırıq. Bilirik ki, bu yekəpər, tosqun baş leytenant quzu kababının dəlisidir və Dağçəmənlidə yediyi quzular sağ qalsaydılar, çox böyük bir sürü təşkil edə bilərdilər. 😃

Onun sualı belə idi: - Hörmətli Qanbay müəllim, biz nə etməliyik ki, daha yaxşı işləyək, dövlətimizə, xalqımıza daha çox xeyir verə bilək?

Qasımlı cavab üçün heç bir an da düşünmədi: - Birinci növbədə yeməyinizə ciddi fikir verməlisiniz. Çox yeməlisiniz ki, yaxşı işləyə biləsiniz. 😂