İstifadəçi:Enigma8210/Qaralama
| Vəliyev Vidadi Məhərrəm oğlu | |
|---|---|
 | |
| Ümumi məlumatlar | |
| Ləqəbi | Bərdəli |
| Doğum tarixi | |
| Doğum yeri | Bərdə, Azərbaycan SSR |
| Vəfat tarixi | |
| Vəfat yeri | Bakı, Azərbaycan |
| Vəfat səbəbi | Ürək çatışmazlığı |
| Dəfn yeri | Bərdə şəhəri |
| Vətəndaşlığı |
 Azərbaycan |
| Milliyyəti | Azərbaycanlı |
| Musiqiçi məlumatları | |
| Fəaliyyəti | Xanəndə, Müğənni |
| Fəaliyyət illəri | 1980–2012 |
Vidadi Bərdəli (əsl adı: Vidadi Məhərrəm oğlu Vəliyev; 9 iyul 1959, Bərdə – 30 noyabr 2012, Bakı) — Azərbaycan xanəndəsi və muğam ifaçısı. Rəsmi fəxri ad almasa da, dinləyicilər arasında böyük rəğbət qazanmış, xalq tərəfindən sənətkar adına layiq görülmüş və "Bərdəli" təxəllüsü ilə tanınmışdır.
O, 9 iyul 1959-cu ildə Bərdə şəhərində sənətkar ailəsində anadan olmuşdur. Atası Məhərrəm Vəliyev və anası Gülnaz Vəliyeva dövrünün tanınmış xanəndələrindən olmuşdur. Əslən Laçın rayonunun Əhmədli kəndindəndir. Tanınmış el sənətkarı Aşıq Əhmədin nəvəsidir.
Musiqiyə marağı erkən yaşlarından formalaşmış, 12 yaşından etibarən müxtəlif el şənliklərində və mədəni tədbirlərdə çıxış etmişdir.
Peşəkar musiqi fəaliyyətinə 1980-ci illərin əvvəllərində başlamışdır.
- 1982-ci ildə görkəmli xanəndə İslam Rzayevin ansamblında fəaliyyət göstərmişdir.
- 1983–1984-cü illərdə Rəşid Behbudovun rəhbərlik etdiyi Mahnı Teatrında solist kimi çalışmış, ölkə daxilində və xaricdə konsert proqramları ilə çıxış etmişdir.
- 1985–1990-cı illərdə Fikrət Verdiyevin rəhbərliyi altında fəaliyyət göstərən Göygöl Dövlət Ansamblında solist olmuşdur.
1990-cı ildən etibarən Azərbaycan Televiziyasının (AzTV) efir proqramlarında mütəmadi çıxış etmişdir. Onun ifaları Azərbaycan Televiziyasının Qızıl Fondunda saxlanılır.
1976-cı ildə Rüstəm Səfərəliyev tərəfindən qızıl medala layiq görülmüşdür.
1998-ci ildə sənətkarın ən məşhur albomlarından biri olan Ay qaşı gözü qara qız işıq üzü görmüşdür. Albom dinləyicilər tərəfindən böyük maraqla qarşılanmış və satış baxımından uğurlu olmuşdur.
Albomda yer alan mahnılar:
- "Sənsiz yaşaya bilmirəm"
- "Tovuzum"
- "Yalqızam"
- "Nə zaman gəlirsən, gəl"
- "Ölüm sənin qucağında"
- "Mərhaba"
- "Dünya bu cür qalmaz"
- "Ay qaşı gözü qara qız"
Bu albomda yer alan mahnılar bu gün də aktuallığını qoruyur və müxtəlif sənətkarlar, eləcə də gənc ifaçılar tərəfindən ifa olunur.
Vidadi Bərdəli özünəməxsus səs tembri və klassik ifa tərzi ilə seçilmişdir. O, Azərbaycan muğam sənətinin və xalq musiqisinin təbliğində fəal iştirak etmişdir.
Repertuarında klassik muğamlarla yanaşı, çoxsaylı xalq mahnıları yer almışdır. İfa etdiyi məşhur əsərlər arasında:
- "Kor və Bülbül"
- "Sənsizəm"
- "Unut məni"
- "Bərdəm"
- "Qəmərim"
- "Ölüm sənin qucağında"
Onun repertuarında yer alan bir sıra mahnıların söz və musiqi müəllifi bacısı Yeganə Vəliyeva olmuşdur. Sənətkarın bir neçə albomu işıq üzü görmüşdür.
Rəsmi fəxri ad almasa da, dinləyicilər arasında böyük rəğbət qazanmış və "Bərdəli" təxəllüsü ilə tanınmışdır.
1981-ci ildə Aygün Heybətova ilə ailə həyatı qurmuşdur. Bu evlilikdən dörd övladı — Nəcla, Günay, Aytac və Əhməd dünyaya gəlmişdir.
Vidadi Bərdəli 30 noyabr 2012-ci ildə Bakı şəhərində qəfil ürək çatışmazlığı nəticəsində vəfat etmişdir. Doğma Bərdə şəhərində dəfn olunmuşdur.