Salam dəyərli vikipediyaçılar!
Bu gün Vikipediyada fəaliyyətə başlamağımın 15-ci ili tamam olur. Kifayət qədər uzun müddətdir. İlk m 2009 Avroviziya Mahnı Müsabiqəsi məqaləsində olub. Ondan əvvəl bir neçə dəfə etmək istəmişdim, amma, sözün düzü, qorxmuşdum. Vikipediyada fəaliyyətə başlamağım elə həmin vaxtlar Avroviziya müsabiqəsi ilə çox maraqlanmağımla əlaqədar idi. Azərbaycan dilində məlumat az olurdu, əsasən türk dilindən baxırdım. Tədricən başladım, amma onda ağlıma gəlmirdi ki, 15 il sonra yenə də bu layihənin üzvü olacam. Həmin dövrdə vikicəmiyyətin ən gənc üzvü idim :) Yeni qoşulanda mənə çox dəstək olan istifadəçilər Sortilegus və Irada olub. Onlara xüsusi təşəkkür edirəm.
Vikipediya vasitəsilə onlarla şəxsi tanımışam. Ən xoş cəhət odur ki, Vikipediyada nə qədər fərqli fikirlər olsa da, şəxsi münasibətlərə təsir etməyib. Ümumiyyətlə, həmişə inanmışam ki, vandalizm hallarını istisna etməklə Vikipediyada edən hər kəs bu layihənin inkişafını istəyir. Baxış bucaqları fərqli olur, bəzən qaydaları bilmirlər, amma düşünülmüş şəkildə kiminsə zərər vermək fikri olmur. Xüsusən yeni istifadəçilər burda müzakirələri oxuyanda münasibətlərin şəxsi olaraq da sərt olduğunu başa düşə bilərlər. Qətiyyən belə deyil. Şəxsi həyatda çox yaxın olduğumuz istifadəçilərin məqalələrini də silinməyə namizəd etmək olar, inzibatçı səs verməsində qarşı səs vermək də olar. Burda fəaliyyətlər, məzmunlar, arqumentlər müzakirə olunur, şəxslər müzakirə olunmur və olunmamalıdır.
Yaxşı vikipediyaçı olmaq üçün həm də mütəxəssis olmaq lazımdır. Məncə, heç bir sahə ilə məşğul olmayıb təkcə vikipediyaçı olmaq olmaz. Ona görə təhsil və karyeranı Vikipediyanın kölgəsinə atmaq olmaz.
Vikipediya xüsusən Azərbaycan dilli cəmiyyət üçün çox əhəmiyyətlidir. Azərbaycan dilində buna alternativ digər resurs yoxdur. Ona görə burda fəaliyyət göstərmək həm də məsuliyyətdir.
Oxuduğunuz üçün təşəkkür edirəm. Növbəti yubiley ildə görüşmək ümidi ilə :)
Eminn (müzakirə) 16:35, 25 oktyabr 2023 (UTC)
Şərh: Eminn, o vaxt indiki sosial şəbəkələr çox yayılmamışdı, gənclərimiz əsasən "çat"larda oturub ünsiyyət qurmaqla vaxt keçirirdilər. Vikipediya da heç indiki "cəlbedici" vikipediya deyildi. Elə bir vaxtda 8-9-cu sinifdə oxuyan bir yeniyetmənin (gəncin də deyil) "çatlaşmayıb" gəlib vikipediyada məqalələr yaratması, lər etməsi məni çox sevindirmişdi. Sonrakı uğurların haqqında sosial şəbəkələrdən az-çox məlumatlıyam. Bu uğurlarında öyrənməyə və öyrətməyə meylli olan və Avroviziya məqalələri yaradan həmin o yeniyetmənin sərmayəsinin olduğuna əminəm. Çox tərifləmirəm, "səs ovçuluğu" kimi anlayanlar olar :) Qürurverici bir ad olan azviki redaktoru kimi sonrakı fəaliyyətində sənə uğurlar arzulayıram.
P.S. Amma "Avroviziya" mövzusunu heç "ağ günə" çıxarmadın bu 15 ildə, məqalələrin çoxu "qara-qura" qaldı :) Sortilegus (müzakirə) 15:53, 27 oktyabr 2023 (UTC)
- Sortilegus, dəyərli fikirlərin üçün çox sağ ol. 2008-2009-cu illərdə "Son dəyişikliklər"də gördüyüm adların böyük hissəsi indi yoxdur. Bu, çox təəssüfləndirir məni. Yeni istifadəçilər gəldi, amma köhnələr də getdi. "Avroviziya" artıq maraq dairəmdə deyil :) Yaşa dolduqca gördüm ki, çox əhəmiyyətsiz müsabiqə imiş :) Eminn (müzakirə) 17:11, 29 oktyabr 2023 (UTC)