İstifadəçi:Eldar Xəlilov/Qaralama

Eldar Sudef oğlu Xəlilov 1955-ci il iyul ayının 22-də Ordubad şəhərində anadan olmuşdur. 1971-ci ildə Ordubad şəhər 1 saylı orta məktəbini tərifnamə ilə və eyni zamanda, Ordubad şəhər Uşaq Musiqi məktəbini fərqlənmə şəhadətnaməsi ilə bitirmişdir. 1971-ci ildə A.Zeynallı adına Bakı Musiqi Texnikumuna daxil olmuş, 1974-1976-cı illər ərzində Sovet Ordusu (Uzaq Şərq Dairəsi) sıralarında hərbi xidmətdə olmuşdur. 1978-ci ildə A.Zeynallı adına Bakı Musiqi Texnikumunu fərqlənmə diplomu ilə bitirmişdir (x.ç.a. şöbəsi - tar, dirijorluq üzrə) (əsas: Bakı şəhəri, 25 iyun 1978-ci il 2517 nömrəli qeydiyyat). 1978-ci ildə M.A.Əliyev adına Azərbaycan Dövlət İncəsənət İnstitutuna daxil olmuş və 1982-ci ildə həmin təhsil müəssisəsini fərqlənmə diplomu ilə bitirmişdir. 2008-ci ildə xüsusi göndəriş ilə, Ukrayna Regionlararası İdarəetmə Akademiyasına daxil olmuş, 2011-ci ildə isə Akademiyanı müvəffəqiyyətlə fərqlənmə diplomu ilə bitirərək, Ukrayna Milli Elmlər Akademiyası Regionlararası İdarəetmə Akademiyasının Doktoranturasına daxil olmuşdur, 2013-cü ildə isə Akademiyanın Doktoranturasını Fəxri-fərqlənmə diplomu ilə bitirmişdir. 11 may 1982-ci il tarixindən, Ordubad-Vənənd musiqi məktəbinə direktor vəzifəsinə təyin olunmuşdur (Əsas: Naxçıvan Mədəniyyət Nazirliyinin 11 may 1982-ci il tarixli, 102 saylı əmri). 09 sentyabr 1993-cü il tarixində ərizəsi əsasında tutduğu vəzifədən azad olunaraq, 10 sentyabr 1993-cü il tarixindən, Naxçıvan təsərrüfat hesablı Musiqi Kollecinə müdir vəzifəsinə təyin olunmuşdur. 06 fevral 1995-ci il tarixində ərizəsi əsasında tutduğu vəzifəsindən azad olunaraq, 08 fevral 1995-ci il tarixindən, Ordubad rayon Mədəniyyət İdarəsinə Rəis vəzifəsinə təyin olunmuşdur (Əsas: Naxçıvan Muxtar Respublikası Mədəniyyət Nazirliyinin 08 fevral 1995-ci il tarixli, 28 saylı əmri). 29.06.2002-ci il tarixində Bakı şəhərinə başqa işə keçməsilə əlaqədar, ərizəsi əsasında tutduğu vəzifədən azad olunmuşdur. 01.07.2002-ci il tarixindən – 22 iyul 2021-ci il tarixinədək, Bakı şəhər İcra Hakimiyyətində məsul vəzifələrdə - Dövlət qulluğunun müşaviri vəzifəsində çalışmışdır. Bakı şəhər İcra Hakimiyyətində işləməklə yanaşı, 2005 ci il 10 yanvar tarixindən, 2005-ci il iyun aylarının 5 -nədək olan müddət ərzində Respublika Əl Oyunları sarayının direktoru olmuş və 08 iyun 2005-ci il tarixindən, 2009-cu il sentyabrın 10-a kimi isə Bakı “Yaşıl Teatr”-da direktor vəzifəsində çalışmışdır. 1974-cü ildə Ümumdünya Festivalının laureatı, 1974, 1977-ci illərdə isə, iki dəfə Respublika Festivallarının laureatı olmuşdur. Yaxşı işinə görə keçmiş SSRİ Mədəniyyət Nazirliyinin, dəfələrlə Azərbaycan Respublikası Mədəniyyət Nazirliyinin, Naxçıvan MR Ali Məclisinin, Naxçıvan MR Mədəniyyət Nazirliyinin, Bakı şəhər İcra Hakimiyyətinin fəxri fərmanlarına və pul mükafatlarına layiq görülmüşdür. Ailəlidir . İki oğlu var. Hər ikisi ali təhsillidirlər. II Çağırış Azərbaycan Respublikası Prezidenti seçkilərində, Naxçıvan MR Ali Məclisinə, Azərbaycan Respublikası Milli Məclisinə seçkilər üzrə Culfa- Ordubad Dairə Seçki Komissiyasının Sədri və Naxçıvan Muxtar Respublikası Mədəniyyət Nazirliyinin Kollegiya üzvü olmuşdur.

Ümumdünya Festivalının laureatı (1974), İki dəfə Respublika Festivallarının laureatı (1974, 1977), Naxçıvan MR-nin Əməkdar İncəsənət xadimi (1999), Azərbaycan Jurnalistlər Birliyinin üzvü (2001), Azərbaycan Yazıçılar Birliyin üzvü (2008), Azərbaycan Respublikası Prezident Administrasiyasının razılılğı ilə Bakı şəhər İcra Hakimiyyətinin xüsusi göndərişi əsasında 2008-ci ildən Ukrayna Respublikasının Kiyev şəhərində Ukrayna Reginolararası İdarəetmə Akademiyasında mükəmməl təhsil almış, təhsil haqqı və Kiyev şəhərində Hotel üçün kirayə haqqı Bakı şəhər İcra Hakimiyyəti tərəfindən ödənilmişdir. 2002-2017-ci illər ərzində Bakı şəhər İcra Hakimiyyəti tərəfindən keçirilmiş bütün tədbirlərin və o cümlədən, Prezident tədbirlərinin, Novruz Bayramı şənliklərinin keçirilməsinin ssenari müəllifi olmuşdur. Ukrayna Respublikasının Kulturologiya üzrə fəlsəfə doktoru (2013), Ukrayna Respublikasının Kulturologiya elimləri doktorudur (2021). Eldar Xəlilov Bakı şəhəri üzrə keçirilən demək olar ki, bütün tədbirlərin, münsüflər heyyətinin üzvü və sədri olmuşdur. “Naxçıvan Teatrının “qadın sənətkarları” haqqında kitabı AMEA-nın Naxçıvan Bölməsinin Rəyasət Heyətinin qərarı əsasında yazılmışdır. Kitabın rəyçisi Sənətşünaslıq elmləri doktoru İlham Rəhimli, redaktoru isə akademik İsmayıl Hacıyevdir. Tədqiqatçı, Kulturoloq alim Eldar Xəlilov irili-xırdalı müsiqi, incəsənət, teatr, sənət və sənətkar, mədəniyyət mövzularına dair 400-dən çox elmi və publisistik məqalələrin müəllifidir.

1. "İki ömrüm olsaydı" (2001)
2. "Durnalar payızda köçürlər" (2002)
3. "Naxçıvan teatrının qadın sənətkarları" (2006)
4. "Musiqini necə dinləməli və başa düşməli" (2007)
5. "Oxuyan barmaqlar" (2009)
6. "Ukraynada mədəniyyətin və mədəniyyət siyasətinin inkişaf perspektivləri" (Перспективы развития культуры и культурной политики в Украине)" (2009)
7. "Sənətə bağlı ömür" (2010)
8. "Ukraynada mədəni dəyərlərin qaytarılması prosesinin qiymətləndirilməsi" (Оценка процесса возвращения культурных ценностей в Украине) (2010)
9. "Müasir şəraitdə Ukrayna mədəniyyətinin vəziyyəti: Milli kontekst" (Состояние культуры Украины в современных условиях: Национальный контекст). (2011)
10. Milli Varlığımız-Vətəndaş Amalı (Bakının Uşaq İncəsənət və Musiqi məktəbləri) (2013)
11. "Kitab-İsa Alıyev haqqında" -(Filologiya elmləri doktoru, professor Nizami Məmmədov Tağısoy ilə birlikdə) (2016)
12. "Kitab-Rauf Pənahov haqqında" -(Filologiya elmləri doktoru, professor Nizami Məmmədov Tağısoy ilə birlikdə) (2017)
13. "Qəlbin Təbəssümü" (2019)
14. Ukrayna Mədəniyyətinin İnkişafı və Təşəkkültapma prosesinin xüsusiyyətləri" (Особенности процесса становления и развития Украинской культуры) (2021)
15. "Zövqün Siması" (2023 davam edir)

Qeyd: Hazırda yazılmış 3 kitabın çapı maliyyə işləri ilə əlaqədar müvəqqəti olaraq dayandırılmışdır.

1. Müxtəlif illərdə, Eldar Xəlilovun həyat və yaradıcılığına dair “Kommunist”, “Xalq”, “Respublika”, “İki Sahil”, “Mədəniyyət”, “Şərq Qapısı” və “Yeni Ordubad” qazetlərində, “Ulduz”, “Qobustan” jurnallarında geniş anlamda ayrı-ayrı səpkili elmi və publisistik məqalələr dərc edilmişdir.

•  
  Eldar Xəlilov
•  
  Eldar Xəlilov
•  
  Eldar Xəlilov Xalq artisti Əlibaba Məmmədovla
•  
  Eldar Xəlilov Xalq artisti Arif Babayevlə
•  
  Eldar Xəlilov Xalq artistləri Möhlət Müslümov və Fəxrəddin Dadaşovla
•  
  Eldar Xəlilov və Xalq artisti Arif Babayevlə
•  
  Eldar Xəlilov Xalq artisti Canəli Əkbərovla
•  
  Eldar Xəlilov əməkdar incəsənət xadimi Rəşid Məmmədovla
•  
  Eldar Xəlilov və Xalq artistləri L. Mustafayeva, F. Mütəllimova və İlham Əsğərovla
•  
  Eldar Xəlilov Müğənni Vaqif Şixəliyev və Əməkdar incəsənət xadimi Cəlil Vəzirovla
•  
  Eldar Xəlilov Xalq artisti İlham Əsğərovla
•  
  Eldar Xəlilov Xalq artisti Əlibaba Məmmədov və Dramaturq Arif Mədətovla

1. ↑ . Bakı.