Dadp92

Demokratik Azərbaycan Dünyası Partiyası (DADP) 1992-ci ildə Məmməd Əlizadə tərəfindən təsis olunub. İdeologiyasının əsasında demokratik, ədalətli sosial cəmiyyət quruculuğuna nail olmaq durur. Proqramının da hədəfi demokratik, ədalətli sosial cəmiyyət quruculuğudur. Siyasi sistemdə mövqeyi mərkəzçidir. Demokratik Azərbaycan Dünyası Partiyası bir neçə il İqtidaryönlü Partiyaların Məşvərət Şurasının sədri olmuşdur. Partiya üzvlərinin sayı 133.280 nəfərdir. Partiyada 78 şəhər və rayon təşkilatı fəaliyyət göstərməkdədir. Partiya indiyə qədər 4 Qurultay keçirmişdir. Qurultaylar keçirilmə müddəti 5 ildən bir olmaqla reallaşdırılır. Qurultayda kvotalar 1/100-ə nisbətində müəyyən olunur. Sonuncu qurultayda 500 nəfər iştirak etmişdir. Partiyada seçkili orqanlar sədr, Nəzarət Təftiş Komissiyası, İdarə Heyəti, şəhər və rayon təşkilatlarının sədrləridir. Partiya üzvü olan gənclər ümumi üzvlərin 16%- ni, qadınlar isə 30%-ni təşkil edir. Partiyanın ictimaiyyətlə əlaqə vasitəsi, əsasən, müstəqil media hesab olunur. 2003 - 2008-2013 ci illərdə prezident seçkilərində partiya namizəd İlham Əliyevi dəstəkləyib.

Partiyanın iqtidar-müxalifət dialoquna münasibəti olduqca müsbətdir. Bunu cəmiyyətin inkişafında zəruri hesab edir.Partiya siyasi sistemin optimallaşdırılmasında yenidən qeydiyyatı, dövlət dəstəyini və yeni qanunvericiliyin qəbul edilməsini dəstəkləyir.

Hal-hazırda DADP sədri Əlisahib Vəli oğlu Hüseynovdur. O, 1970-ci il fevralın 13-də Azərbaycan Respublikası, Qubadlı rayonunun Xanlıq kəndində anadan olmuşdur. 1998-ci ildən siyasi fəaliyyətə başlamış, 2008-ci ildən Demokratik Azərbaycan Dünyası Partiyasına üzv, 2009-cu ilin Mart ayından partiyaya müşavir, 2013-cü il 4 Mart tarixində Partiyanın Fövqəladə Qurultayı keçirilmiş və Demokratik Azərbaycan Dünyası Partiyasının yekdilliklə sədri seçilmişdir. Ailəlidir - 3 övladı var

• DADP.org