Code.edu.az

2015-ci ildə fəaliyyətə başlayan Code Academy Azərbaycanda informasiya texnologiyaları və digital proqramlar çərçivəsində təhsil verən əlavə tədris mərkəzidir. 5000 nəfərdən çox tələbəyə xidmət göstərmiş mərkəz 4 sahə üzrə fəaliyyətini davam etdirir: Proqramlaşdırma, Dizayn, Digital Marketinq və Sistem və Şəbəkə. Code Academy, 2021-ci ildə Təhsil Nazirliyi tərəfindən akkreditasiya olunmuş əlavə tədris mərkəzi statusunu qazanmışdır.

2015-ci il iyun ayında 1 tədris otağı və 1 tədris proqramı ilə fəaliyyətə başlayan Code Academy-nin təsisçisi Ülvi Aslanovdur. 2016-ci ildə 2 sinif otağı ilə artıq 211 məzun yetişdirmiş akademiya 2017-ci ildən etibarən yeni ofis binasında 6 tədris proqramı və 5 sinif otağı ilə fəaliyyətinə davam etdi.

2019-cu il fevral ayında Code Academy rebranding edərək yenilənmiş loqonu təqdim etdi.

2020-ci il fevral ayında yeni dizaynda olan [1] vebsayt işıq üzü gördü. İlin sonuna qədər akademiya artıq 1494 məzun yetişdirmişdi.

2020-ci il noyabr ayında Elm və Təhsil Nazirliyinin lisenziyasına sahib olaraq əlavə tədris müəssisəsi statusunu aldı.

2021-ci ildə isə 12 sinif otağı ilə fəaliyyətini davam etdirdi.

2017-ci ildə Code Academy bir çox beynəlxalq şirkətlərlə əməkdaşlıq etməyə başladı. Digital Marketinq sahəsi üzrə ixtisaslaşmış qlobal miqyasda məşhur institut Digital Marketing Institute (DMI) ilə akademik partnyor olaraq 2018-ci ildə Exclusive, 2022-ci ilin fevral ayında isə Silver Partner statusunu aldı. Code Academy DMI-nun Azərbaycanda və ümumilikdə regionda ilk və tək rəsmi partnyorudur. Partnyorluq çərçivəsində Code Academy məzunları DMI beynəlxalq sertifikat imtahanlarına tam hazır olurlar.

2017-ci ildə memarlıq, inşaat, dizayn kimi sahələrdə proqram təminatı hazırlayan qlobal software korporasiyalarından biri olan AutoDesk ilə rəsmi təlim mərkəzi və akademik partnyor olaraq fəaliyyətə başladı. Peşəkar instruktor və rəsmi tədris materialları tələbələrimizə Autodesk sertifikat imtahanlarına hazırlaşmaqda ciddi rəqabət üstünlüyü qazandırır.

Akademik partnyorlar sırasına Microsoft Authorized Education Partner (AEP) əlavə edən Code Academy tədris prosesində tələbələriylə Microsoft AEP-in təmin etdiyi bir çox üstünlükləri təqdim edir.

2021-ci ildən etibarən akademiya ABŞ mərkəzli beynəlxalq IT assosiasiyası olan The Computing Technology Industry Association (CompTIA) və Linux əməliyyat sistemində məhsullarını təqdim edən Red Hat ilə partnyorluq etməyə başladı.

Code Academy 4 sahə üzrə xüsusi tədris proqramları təklif edir. Fərdi və Korporativ olaraq qruplaşdırılmış proqramlar həm sıfırdan yeni sahəyə yiyələnmək istəyən şəxslər, həm də əməkdaşlarını ixtisaslaşdırmaq istəyən şirkətlər üçün nəzərdə tutulmuşdur.

Proqramlaşdırma sahəsi üzrə Full Stack Proqramlaşdırma tədrisi təklif olunur. Dizayn sahəsinə aid proqramlara Qrafik və Veb Dizayn, UX/UI Dizayn, Digital Memarlıq və 3D, 2D Motion Dizayn daxildir. Digital Marketinq tədris sahəsi nəznində Digital Marketing Professional (DMI) beynəlxalq seritikatlı proqram tədris olunur. Sistem və Şəbəkə sahəsinə isə IT Helpdesk, Sistem və Bulud texnologiyaları və Şəbəkə Administratorluğu fərdi tədris proqramları daxildir.

Code Academy, Azərbaycanın aparıcı dövlət qurumları və şirkətlərinə bizneslərinin inkişafı üçün müxtəlif korporatv həllər təklif edir. Akademiya tərəfindən korporativ dünyanın ehtiyaclarına uyğun 100-dən çox tədris proqramları hazırlanıb və şirkətlərə təqdim olunub. Qurumlar üçün istəyə bağlı açıq və qapalı qruplar, həmçinin, ehtiyac və istəyə uyğun təlimlər və texniki inkişaf layihələri həyata keçirilir.

2022-ci ilin iyun ayında akademiya dövlət və biznes qurumlarının iştirakı ilə keçirdiyi tədbirdə korporativ qolunu rəsmi olaraq təqdim etdi.

2021-ci ilin oktyabr ayından Elm və Təhsil Nazirliyi ilə birgə universitetlərdə ixtisaslı kadr hazırlığı üçün #CodeForFuture layihəsinin icrasına başlanıldı. Layihə çərçivəsində, ali təhsil müəssisələrində mərkəzlər qurulmuş və gələn çoxsaylı müraciətlər arasından 174 tələbə seçilərək Code Academy-nin təşkil etdiyi müxtəlif tədris proqramlarında iştirak etmək hüququnu əldə etmişdir. Layihənin icrasına ilk olaraq Azərbaycan Texniki Universiteti və Bakı Dövlət Universiteti-də start verildi. 3 tədris proqramı; Proqramlaşdırma, Sistem və Şəbəkə Administratorluğu üzrə qeyd olunan təhsil mərkəzlərində dərslər peşəkar müəllimlər tərəfindən keçirildi. 2022-ci il aprel ayında layihənin yekunu olaraq tədrisi başa vuran tələbələrin məzun günü keçirildi və hər birinə Code Academy sertifikatı təqdim olundu.

Peşəkar Yetişdirmə Proqramı (PYP) Code Academy tərəfindən bootcamp metodu vasitəsilə ixtisaslaşmış kadrların yetişdirilməsi məqsədilə həyata keçirilən xüsusi tədris proqramıdır. Proqram peşəkarların yeni bilik və bacarıqlar qazanaraq ixtisaslarını artırmalarına kömək etmək üçün yaradılıb. Dövrün tələblərinə uyğun olaraq hazırlanan bu qısamüddətli və intensiv tədrisi bitirən iştirakçılar Code Academy tərəfindən ödənişsiz şəkildə təşkil olunan bootcamp-də iştirak edərək, işlə təminat imkanı əldə edirlər.

İlk PYP layihəsi PAŞA Bank ilə tərəfdaşlıq əsasında təşkil olundu. Əməkdaşlıq çərçivəsində PAŞA Bank üçün “back-end” və “front-end developer”lər hazırlanırdı. Peşəkar Yetişdirmə Proqramı (PYP) layihəsinə hazırlıq 2021-ci ilin aprel ayından başlanıldı. Aprel ayının 11-nə qədər artıq 276 nəfər layihədə iştirak üçün Code Academy-yə müraciətlərini göndərmişdirlər. İlkin  mərhələdə texniki test və imtahandan keçən namizədlər Paşa Bankın müsahibəsinə yönləndirildi və gedişatın yekunu olaraq isə 30 nəfər iştirakçı seçildi. Paşa Bank komandası tərəfindən yaxından izlənən layihə ərzində hər biri 15 nəfərdən ibarət front end və back end qrupları yaradıldı. 3 may 2021-ci il tarixindən etibarən artıq dərslərə başlanıldı.

Bootcamp-ın sonunda hər bir tələbə öz buraxılış layihələrini təqdim etdi, beləcə, iştirakçıların göstərdikləri fəallıq və nəticələr əsasında qiymətləndirilmə aparıldı. Yekun olaraq isə Code Academy tələblərə uyğun gördüyü 20 iştirakçını iş müsahibəsi üçün Paşa Banka yönləndirdi. Nəticə olaraq tələbələrimizdən 13 nəfəri birbaşa olaraq Paşa Bank tərəfindən işlə təmin olundu. Digər məzunlarımıza da müxtəlif şirkətlərdə işlə təmin olunmaları üçün Karyera və Talant mərkəzi tərəfindən fərdi dəstək göstərildi.

2022-ci il iyul ayında Code Academy növbəti iş təminatlı və tam ödənişsiz PYP layihəsinə start verdi. Layihə çərçivəsində, 15 nəfər front-end və 15 nəfər back-end tədrisi üzrə namizədlər seçilərək tam ödənişsiz olaraq bootcamp proqramına qoşulmaq hüququ əldə etdi. Proqramı uğurla bitirən namizədlər Code Academy tədris müəssisəsi və onun nəzində fəaliyyət göstərən digital lab-da, həmçinin akademiyanın yerli və qlobal tərəfdaşlarında iş imkanı əldə edirlər.

Ölkədə oyun hazırlanması sahəsinin inkişafına təkan verəcək bu bootcamp, intensiv tədris metodu vasitəsilə bu sahədə ixtisaslı kadrların yetişdirilməsi üçün tətbiq olunan xüsusi tədris proqramıdır. Game Design and Development Bootcamp çərçivəsində oyun dünyasının sirlərini öyrənmək, hazırladığı oyunlarla həm ölkədaxili, həm də ölkəxaricində fərq yaratmaq istəyən, əldə edəcəyi bilik və təcrübəsini daha sonra tədris etməkdə maraqlı olan şəxslər oyun dizaynı və kodlaşdırılması ilə bağlı Türkiyədən dəvət olunmuş ekspertlər tərəfindən lazımi bilik və bacarıqlar əldə edəcək, qlobal bazarın iş imkanlarından faydalana biləcəklər. Hər iki sahə üzrə təhsil türk dilində tədris olunacaq.

Qlobal oyun dünyasının tələb və ehtiyaclarına uyğun hazırlanan və bu sahədə peşəkarların yetişdirilməsini hədəfləyən bu qısamüddətli və intensiv tədrisi bitirən bootcamp iştirakçılarının işlə təmin olunmasına dəstək göstəriləcək.

Hər biri 15 nəfərdən ibarət olacaq Game art və design və Game Development tədrisləri 8 həftə davam edəcək.