Cavid Kərimov

Cavid Kərimov Sənan oğlu 06.09.1994-cü ildə Goranboy rayonunun Dəliməmmədli qəsəbəsində ziyalı ailəsində anadan olub. 2000-ci ildə Gəncə şəhəri Nizami Aydın adına 18 saylı orta məktəbin 1-ci sinfinə başlamışdır. 2011-ci ildə həmin məktəbin 11-ci sinfini fərqlənmə attestatı ilə bitirmiş. 2011-ci ildə Azərbaycan Dövlət Aqrar Universitetinin Aqrar İqtisadiyyat fakultəsinin İqtisadiyyat İxtisasına daxil olmuşdur. 2013- cü ildə "Gələcəyə Körpü" GİB-də Könüllülər üzrə Koordinator vəzifəsinin icrasına başlamışdır. Azərbaycan Respublikası Prezidenti yanında Gənclər Fondunda 4-cü qrant müsabiqəsində "Region Gənclərinin Könüllü Fəaliyyətində Gender Bərabərliyinin Rolu" layihəsi ilə qalib olmuş və 3 ay ərzində həmin layihənin rəhbəri olubdur. 2014-cü ildə "Gələcəyə Körpü" GİB-də "Kiçik Sahibkarlara Dəstək" layihəsində əlaqələndirici şəxs vəzifəsini icra edib. 2014-cü il Dekabr ayında "İrəli" İB-nin Gəncə şəhər üzrə koordinatoru kimi fəaliyyət göstərmişdir."Bakı-2015 1-ci Avropa Oyunları"nın Mingəçevir şəhərində keçirilən avarçəkmə üzrə oyunlarında Milli Olimpiya Komitəsinin asistenti vəzifəsində könüllü olaraq fəaliyyət göstərmişdir. 30-yerli 3 beynəlxalq layihənin iştirakçısı olub. Ukrayna Ruminya və Gürcüstanda təşkil edilən Avropa Komissiyasının maliyyə dəstəyi ilə həyata keçirilən "Youth in Action" ( Gənclər Fəaliyyətdə) programı çərçivəsində ölkəmizi layiqincə təmsil etmişdir. 2015-ci ildə Azərbaycan Dövlət Aqrar Universitetinin Aqrar İqtisadiyyat fakultəsinin İqtisadiyyat ixtisasının bakalavr pilləsini bitirib, Azərbaycan Memarlıq və İnşaat Universitetinin Tikinti İqtisad fakultəsinin İstehsalat və xidmət sahələrinin İqtisadiyyatı və idarəedilməsi ixtisasının magistr pilləsinə daxil olmuşdur.

2011-ci ildən "Yeni Azərbaycan Partiyası"nın üzvüdür. Subaydır