Cəfərova Nailə

Cəfərova Nailə Sabir qızı 1974-cü il fevralın 10-da Sumqayıt şəhərində anadan olub. 1981-ci ildə Sumqayıt şəhər 22 saylı orta məktəbin 1-ci sinfinə daxil olmuşdur. 1984-cü ildən təhsilni Yusif Məmmədəliyev adına 31 saylı orta məktəbdə davam etdirmiş və 1991-ci ildə məktəbi bitirmişdir.

Elə həmin il də Həsənbəy Zərdabi adına Gəncə Pedoqoji İnstitutunun riyaziyyat fakültəsinə daxil olmuşdur. 1994-cü ildən Şəmkir rayon Koltəhnəli kənd orta məktəbində riyaziyyat müəlliməsi kimi fəaliyyətə başlamışdır. 2001-ci il ailə vəziyəti ilə əlaqədar Sumqayıt şəhərinə qayıtmış və 31 saylı məktəbdə işləməyə davam etmişdir. 2006-cı ildən informatika fənnini tədris etməyə başlamış və 2009-2010-cu tədris ilində Azərbaycan Respublikası Prezidentinin sərəncamı ilə "100 ən yaxşı müəllim" müsabiqəsinin qalibi olmuşdur.

Ailəlidir, bir qızı var.