Babaxan

Babaxanov Namiq Tofiq oğlu (Namig Babakhanov, Намик Бабаханов)

Babaxanov Namiq Tofiq oğlu (Namiq Babaxan), ilahiyyatçı, 1974-cü il aprel ayının 1-də Bakının Maştağa qəsəbəsində anadan olub. 2010-cu ilin yayından Ukraynanın paytaxtı Kiyev şəhərində yaşayır.

1980-1991-ci illərdə Maştağa qəsəbəsinin 255 saylı orta məktəbində tam orta təhsil alıb. 1990-1992-ci illərdə indiki Azərbaycan Universtetinin (keçmiş "SSRİ-nin 50 illiyi" adına Azərbaycan Pedaqoji Xarici İnstitutunun) iki illik fars dili və eyni zamanda ərəb dili kurslarında təhsil alıb bitirmişdir.

1992-1997-ci illərdə İran İslam Respublikasının Qum "Əl-Mustafa" Beynəlxalq İslam Universtetində, 2001-2006-cı illərdə Bakı İslam Universitetində artıq ikinci ali təhsilini alıb. 2005-ci ildən 2009-cu ilədək Bakı İslam Universitetinin Sumqayıt filialında müəllimlik edib.

1997-ci ilin sentyabrında Bakı şəhəri Yasamal rayonu "Hacı Cavad" məscidinin dini icmasının sədri vəzifəsinə seçilib, məscidin axundu və imamı səlahiyyətlərini həyata keçirib. 2001-ci ildə də "Kamilliyə Doğru" dini icmasını təsisçilərindən olub və sədri seçilib.

Parlament seçkilərində namizədliyini irəli sürmək məqsədi ilə dini fəaliyyətini dayandırmaq məcburiyyətində qalmış, 2005-ci ilin may ayında dini icmaların hər ikisinin sədrliyindən, təsisçiliyindən və hətta sıravi üzvlüyündən istefa vermişdir və deputatlığa namizədliyini irəli sürmüş və parlament seçkiləri - 2005 Milli Məclis üzvlüyünə namizəd olmuşdur. Heç bir siyasi partiyanın üzvü olmayıb və hazırda da deyil.

1998-ci ildə ölkədə dini kitablar tərcümə edən ilk rəsmi tərcümə mərkəzinin - "Təkamül" Tərcümə Mərkəzininin qurucularından olmuşdur, bir neçə dini kitabın tərcüməçisi, onlarla kitabın redaktoru olmuşdur. Kiçik həcmli "Üsulid-din", "Namaz", "Təhlükəylə üz-üzə" (Hər üçü Azərbaycan dilində), rusca və ukraynaca "İmam Hüseyn yolu" ("Путь Имама Хусейна", "Шлях Імама Хусейн") kitablarının müəllifidir. 2019-cu ildə onun nəzarəti altında və özünün iştirakı ilə Qurani Kərimi Ukrayna dilinə tərcümə edilmişdir. (Tərcüməçilər qrupunun və heyətinin rəhbəri olmuşdur.)

2008-ci ildən Ukraynada sahibkarlıqla məşğul olmağa başlayıb, kiçik və orta sahibkarlıq fəaliyəti ilə uzun illərdir məşğuldur. indiyə qədər Ukrayna da sahibkarlıq fəaliyyətini davam elətdirir.

2001-ci ilin mart ayında təsis olumuş "Azərbaycan Birlik Təşkilatı" İctimai Birliyinin 2003-cü ilin sentyabr ayında Müvəqqəti Şurasına üzv və sədr seçilmiş, 2004-cü ilin dekabr ayında "Azərbaycan Birlik Təşkilatı" İctimai Birliyinin Ümumi Yığıncağı tərəfindən quruma yenidən qeydiyyatda təsisçilərindən olmuş və sədr seçilmidir. 2010-cu ilin yayından xəstəlik və ölkədən kənarda olması ilə əlaqədar QHT sədrliyini dayandırmış, 2011-ci ilin yazında bütövlükdə Azərbaycan Birlik Təşkilatının təsisçiliyindən, sədrliyindən və hətta sıravi üzvlüyündən də istefa vermişdir.

1999-cu ildən ölkə mətbuatında məqalələri ilə çıxış edir. 2006-cı ilin may ayının 19-da "Birlik-Press" qəzetini və "Kamillik" jurnalını təsis edib, hər iki mətbu orqanın təsisçisi və baş redaktorudur. 2010-cu ilin dekabr ayından hər iki mətbu orqan maliyyə çətinliyi ilə əlaqədar nəşrini dayandırıb. 2004-cü ilin əvvəllərində ölkədə ilk dini saytlardan biri olan www.kamilliyedogru.org veb saytını təsis edib. 2006-cı ildə "birlik" xəbər saytını (www.birlik.az) təsis edib. 2017-ci ildən Ukraynada ukraynaca və rusca fəaliyyət göstərən "Ahlibeyt.org" islam internet portalına və "AhlibeytTv" islam internet kanalını təsis edib və rəhbərlik edir.

Siyasi baxışlarına görə: Bütün növ inqilabların əleyhinədir, hakimiyyətin mənbəyini xalq, xalqın hakimiyyətinin mənbəyini seçki bilir. Hakimiyyəti dəyişməyin yeganə və əvəzolunmaz yolunun demokratik seçki olduğu qənaətindədir.