İstifadəçi:Azeblog/Qaralama

Elnurə Hüseynova 6 mart 1994-cü ildə Bakı şəhərində anadan olmuşdur. 2000-2011-ci illərdə Bakı şəhəri, Yasamal rayonu 176 saylı orta məktəbdə təhsil almış, 2011-ci ildə həmin məktəbi əla qiymətlərlə başa vurmuşdur. 2011-ci ildə yüksək balla Bakı Dövlət Universitetinin Şərqşünaslıq fakültəsinin Regionşünaslıq (Türkiyə üzrə) ixtisasına qəbul olmuşdur. Fakültədə əla qiymətlərlə oxuduğundan təhsil müddəti ərzində Mirzə Kazımbəy adına adlı təqaüdə layiq görülmüşdür^[2]. 2013-2014-cü illərdə Misir Ərəb Respublikasının Azərbaycandakı səfirliyi nəznində Mədəniyyət Mərkəzində ərəb dili üzrə ixtisasartırma kurslarında iştirak etmiş və fərmanla müvafiq kursları müvəffəqiyyətlə bitirmişdir. 2015-ci ildə Bakı Dövlət Universitetinin Şərqşünaslıq fakültəsini fərqlənmə diplomu və fəxri fərmanla bitirmişdir^[3].

Elə həmin il Bakı Dövlət Universitetinin Şərqşünaslıq fakültəsinin Dilçilik (Türk dili) ixtisası üzrə magistratura səviyyəsinə yüksək balla qəbul olmuşdur. 2017-ci ildə Bakı Dövlət Universitetinin Şərqşünaslıq fakültəsinin magistr pilləsini fərqlənmə diplomu və fəxri fərmanla bitirmişdir^[4]. Təhsil aldığı müddətdə universitetdə keçirilən ictimai tədbirlərdə fəal olmuş, adlı təqaüdçü olduğundan Azərbaycan Televiziyasında yayımlanan “Tələbə dünyası” adlı verilişin iştirakçı olmuşdur.

2018-ci ildə AMEA Nəsimi adına Dilçilik İnstitutunun əyani doktoranturasına qəbul olmuşdur. “Oğuz qrupu türk dillərində təbiət leksikası” adlı 5710.01 – Türk dilləri kodunda dissertasiya mövzusunu vaxtından öncə tamamlayaraq 2024-cü ildə filologiya üzrə fəlsəfə doktoru elmi dərəcəsini almışdır^[5]. 2018-ci ildə AMEA Nəsimi adına Dilçilik İnstitutunun Sosiolinqvistika və psixolinqvistika şöbəsində kiçik elmi işçi, 2021-ci ildən həmin şöbənin elmi işçisi, 2024-cü ildən böyük elmi işçisidir.

Elnurə Hüseynova 3 monoqrafiyanın:

• “Müasir türk dili: tərcümənin linqvistik problemləri” (Bakı: Savad nəşriyyatı, 2019, 160 s.)^[6];
• "Ekolinqvistika: Oğuz qrupu türk dillərində relyef və iqlim leksikası" (Bakı: Elm və təhsil nəşriyyatı, 2024, 208 s.)^[7];
• "Ekolinqvistika: Oğuz qrupu türk dillərində flora və fauna leksikası" (Bakı, Elm və təhsil nəşriyyatı, 2024, 220 s.)^[8];

4 həmmüəllifli kitabın:

• “Müasir Azərbaycan dili” (Leksikologiya), II cilddə (“Floristik leksika” məqaləsinin, Bakı: Zərdabi nəşriyyatı, 2022, 415-422 s.),
• “Xurşidbanu Natəvan: məqalələr toplusu” (“Xurşidbanu Natəvanın əsərlərində təbiət leksikası” məqaləsinin müəllifi, Bakı: Zərdabi nəşriyyatı, 2023, 60-85 s.),
• “Onomastika məsələləri: məqalələr toplusu” (“Azərbaycan dilinin semantikasında zoonim olan onomastik vahidlər” (9-31-ci səhifələr) və “Şuşa toponiminin etimologiyası və onun məhəllələrinin tarixi” məqalələrinin müəllifi, Bakı: Elm və təhsil nəşriyyatı, 2023, 270-280 s.),
• “Məhəmməd Əmin Rəsulzadə - 140 (məqalələr məcmuəsi)” (“Məmməd Əmin Rəsulzadənin elmi, publisistik fəaliyyəti və “Əsrimizin Səyavuşu” əsərinin dil-üslub xüsusiyyətləri (məqaləsinin müəllifi)” məqaləsinin müəllifi, Bakı, 2024, 73-110 s.),

5 kitabın tərcüməçisi:

• Səma Maraşlının “Gəlin-qayınana münasibətlərini mehribanlıqla həll edək” (Bakı: İpəkyolu nəşriyyatı, 2016, 206 s.),
• Səma Maraşlının “Sevmək daha gözəldir” (Bakı: İpəkyolu nəşriyyatı, 2016, 160 s.),
• Səma Maraşlının “Xoşbəxt ailə məktəbi” (Bakı: İpəkyolu nəşriyyatı, 2018, 356 s.),
• Muhamməd Münir Qadbanın “Məkkədəki od parçası” (Bakı: İpəkyolu nəşriyyatı, 2017, 389 s.),
• Nadir Məmmədlinin “Azerbaycan Folkloru ve Konuşma Kültürü” (İstanbul: Sage Yayıncılık, 2022, 200 s.)

80-dən artıq elmi əsərin müəllifi və 10-a yaxın elmi işin rəyçisidir. Çap olunmuş işlərinə istinadların sayı 3-dür.^[9] Müxtəlif vaxtlarda “Azərbaycan”, “Respublika”, “Xalq qəzeti”, “525-ci qəzet”, “Elm” və s. qəzetlərdə məqalələri yayımlanmışdır.

2024-cü “Yaşıl dünya naminə həmrəylik ili” çərçivəsində ötən il nəşr olunmuş "Ekolinqvistika: Oğuz qrupu türk dillərində relyef və iqlim leksikası" (Bakı, 2024) və "Ekolinqvistika: Oğuz qrupu türk dillərində flora və fauna leksikası" (Bakı, 2024) adlı kitabları COP29 başda olmaqla müxtəlif sərgilərdə nümayiş olunmuş, kitabları və Ekolinqvistika sahəsi ilə bağlı İctimai Radionun “Salam, Azərbaycan” verilişində qonaq qismində çıxış etmişdir^[10].

Azərbaycan, türk, rus, ingilis, ərəb və fransız dillərini bilir.

1. BDU Şərqşünaslıq fakültəsi Mirzə Kazımbəy adına adlı təqaüd (2012-2015)
2. Misir Ərəb Respublikasının Azərbaycandakı Mədəniyyət və Təhsil Əlaqələri Mərkəzi diplom (2014)
3. BDU Fəxri fərman (2015)
4. BDU Fəxri fərman (2017)
5. AMEA İ.Nəsimi adına Dilçilik İnstitutu fəxri fərman (2021)
6. AMEA İ.Nəsimi adına Dilçilik İnstitutu “Qara Məşədiyev adına mükafat” (2022)
7. AMEA İ.Nəsimi adına Dilçilik İnstitutu təşəkkürnamə (2023)
8. AMEA İ.Nəsimi adına Dilçilik İnstitutu təşəkkürnamə (2024)
9. AMEA İ.Nəsimi adına Dilçilik İnstitutu təşəkkürnamə (2025)
10. AMEA tərəfindən "Gənclər üçün Prezident mükafatına" namizəd (2024)
11. 2024-cü il Azərbaycan Milli Elmlər Akademiyasının "İlin gənc alimi" diplomu (2025)^[11]

Elnurə Hüseynovanın "Müasir türk dili: Tərcümənin linqvistik problemləri" adlı monoqrafiyasında Türkiyə türkcəsindən Azərbaycan, rus və ingilis, eyni zamanda Azərbaycan, rus və ingilis dillərindən türk dilinə tərcümədə qarşıya çıxan problemlərə toxunulmuşdur. Kitabda müxtəlif sistemli dillərin bədii ədəbiyyat, hüquq, tibb, qəzet materiallarından istifadə olunmuş, həmçinin tərcümənin Türkiyədə və dünyada keçdiyi tarixi yol, tərcümə məktəbləri, qısaltmaların, frazeoloji birləşmələrin bir dildən digərinə tərcümə edildikdə qarşıya çıxan problemlərə misallar verilməklə toxunulmuş, Türkiyə türkcəsindən Azərbaycan, ingilis, rus və ingilis, rus və Azərbaycan dillərindən türk dilinə tərcümə zamanı qarşıya çıxan problemlər fonetik, leksik-semantik və qrammatik cəhətdən qruplaşdırılmaqla təhlil edilmişdir. Monoqrafiya müxtəlif sistemli dillərdə tərcümə problemlərini araşdıranlar, tərcümənin tarixi ilə maraqlananlar üçün mənbə olaraq çıxış edir.

“Ekolinqvistika: Oğuz qrupu türk dillərində relyef və iqlim leksikası” adlı monoqrafiyada oğuz qrupu türk dillərinə daxil olan Azərbaycan, türk, türkmən və qaqauz dillərində relyef və iqlim leksikası müxtəlif yönlərdən: istər müasir ədəbi dillərdə, istərsə də bu dillərin dialekt və şivələrində, həmçinin mövcud xalqların ədəbiyyatlarında yer alan sözlərin yazılı və şifahi xalq ədəbiyyatlarında işlənən frazeologizmlər şəklində təhlil edilir. Bundan başqa, mövcud relyef və iqlim leksika vahidlərinin etimologiyası və onların digər türk dillərində müqayisəsi yer alır.

Bundan əlavə:

1)oğuz türklərinin təşəkkül tarixi;

2)oğuz qrupu türk dillərinin təşəkkülü;

3)oğuz qrupu türk dillərini müxtəlif aspektlərdən tədqiq etmiş yerli və əcnəbi tədqiqatçılar haqqında müfəssəl məlumat verilmişdir. Kitabın sonunda həm Azərbaycan dilinin dialektlərində, eyni zamanda oğuz qrupu türk dillərində (Azərbaycan, Türkiyə türkcəsi, türkmən və qaqauz dilləri olmaqla 4 dilin lüğət tərkibində mövcud olan) relyef və iqlim leksikasını əhatə edən lüğət də oxucuların, tədqiqatçıların nəzərinə çatdırılır.

“Ekolinqvistika: Oğuz qrupu türk dillərində flora və fauna leksikası” adlı ikinci monoqrafiyada oğuz qrupu türk dillərinə daxil olan Azərbaycan, türk, türkmən və qaqauz dillərində flora və fauna leksikası müxtəlif yönlərdən: istər müasir ədəbi dillərdə, istərsə də bu dillərin dialekt və şivələrində, həmçinin mövcud xalqların ədəbiyyatlarında yer alan sözlərin yazılı və şifahi xalq ədəbiyyatlarında işlənən frazeologizmlər şəklində təhlil edilir. Bundan başqa mövcud floristik və zoonimik leksika vahidlərinin etimologiyası və onların digər türk dillərində müqayisəsi verilir.

Bu kitabda əlavə olaraq:

1)dialektologiya elmi və onun meydana gəlməsi haqqında məlumat;

2)Azərbaycanda dialektologiya elmi məktəbi və onun nümayəndələri;

3)Həmçinin oğuz qrupu türk dillərinin, yəni Azərbaycan, Türkiyə türkcəsi, türkmən və qaqauz dilinin dialektləri, onların bölgüsü və müvafiq dilinin dialektlərini tədqiq edən araşdırmaçılar və onların əsərləri haqqında məlumatlar da öz əksini tapır.

Kitabın sonunda həm Azərbaycan dilinin dialektlərində yer alan flora və fauna leksikasının vahidləri, eyni zamanda oğuz qrupu türk dillərində floristik və zoonimik sözlərdən təşəkkül etmiş lüğət də oxucuların, tədqiqatçıların nəzərinə çatdırılır.

Bu iki kitabda ilk dəfə olaraq təbiət leksikasına daxil olan oğuz qrupu türk dillərinə həmçinin müqayisə predmeti olaraq digər türk dillərinə daxil olan toplam 6500-dən çox söz relyef, iqlim, flora və fauna olmaqla ayrı-ayrılıqda qruplaşdırılmış, həmçinin bu başlıqlar da öz daxillərində ayrı-ayrı altbaşlıqlar şəklində qruplaşdırılaraq daha sonrakı araşdırmaçılar üçün sadə və lokanik bölgü təşkil edilmişdir.

Həmçinin bu monoqrafiyalarda ilk dəfə olaraq təbiət anlayışı daşıyan sözlərin etimologiyaları araşdırılmış, sözlərin böyük bir qisminin türkmənşəli olmasının yanısıra, ərəb və farsmənşəli İslam fəthləri dönəmindən dillərə daxil olan alınmalara, rus, Avropa, hətta italyan və latın mənşəli bir qisim alınma sözlərin də zamanla Azərbaycan, türk, türkmən və qaqauz dillərinə keçdiyini görmək mümkündür. Həmçinin, qədum türk dilli qaynaqlar Kitabi Dədə Qorqud, Orxon-Yenisey və digər toplam 40-dan artıq qədim və orta əsr türk mənbələrində yer alan sözlərin ilkin variantaları da müqayisə edilərək sözlərin zamanla dəyişilməsi izlənilmişdir.

Digər tərəfdən monoqrafiyaların elmi yeniliyindən biri də daha öncə heç bir kitabda Azərbaycan, türk, türkmən və qaqauz dillərində yer alan təbiətlə bağlı sözlərin nə indiki müasir ədəbi dildə, nə də bu dillərin dialektlərində müqayisəli tədqiqi verilməmişdir. Bəzən digər türk dilləri: karluq, qıpçaq və digər türk dillərində yer alan sözlər də oğuz qrupu türk dillərində yer alan sözlərlə müqayisəyə tabe tutularaq oxşar və fərqli məqamlar aşkar edilmişdir.

Monoqrafiyalarda yenilik olaraq həmçinin oğuz qrupuna daxil olan Azərbaycan, Türkiyə türkcəsi, türkmən və qaqauz xalqlarının şifahi və müxtəlif dönəm yazılı ədəbiyyatları da tədqiqata cəlb edilərək müxtəlif dastan, bayatı, atalar sözləri və ya yazıçıların əsərlərində təbiət leksikası vahidlərinin hansı çalarlılıqda işlənməsi də təhlilə cəlb olunur. Bu tədqiqat nəticəsində hər dörd dilin atalar sözləri və zərb-məsəllərində xeyli sayda eyni və ya bənzər anlayışın oxşar və bir qədər fərqli şəkillərdə yer almasını görmək də onların tarixən və etnik mənsubiyyət baxımından eyni köklərdən gəldiyini sübuta yetirir.

Həmçinin oğuz qrupu türk dillərində təbiət leksikasına həsr edilmiş bu iki kitabdan əlavə Elnurə Hüseynova dilin etimologiyası, onomastika, yer və şəxs adları, Azərbaycan dilinin dialektləri, həmçinin Azərbaycan dili ilə türk, rus, ingilis, ərəb və fransız dili arasında oxşar və fərqliliklərin tədqiqinə də həsr edilmiş məqalələri vardır.

Belə ki, Elnurə Hüseynova Azərbaycan klassiklərinindən Nizami Gəncəvi, Məhəmməd Füzuli, İmadəddin Nəsimi, Xurşidbanu Natəvan, Səməd Vurğunun dilində təbiət leksikası vahidlərini tədqiq etmiş;

Azərbaycanın dialektlərində təbiət anlayışın fərqli və oxşar məqamlarını, həmçinin ayrılıqda Qarabağ və Naxçıvan zonalarının şivələrində yer alan zoonimik və floristik leksik həmçinin onomastik vahidlərin, yəni yer adlarının təhlilini aparmış;

Qərbi Azərbaycana qayıdışın aktuallıq kəsb etdiyi son dönəmdə Qarakilsə (Sisian) toponimlərinin və İrəvan xanlığında yer alan tarixi yer adlarının etimologiyası və günümüzdə onların necə erməni adları ilə dəyişdirilməsi, lakin tarixi mənbələrdə əsl adlarının nə olduğu ilə bağlı məqalələr yazmış;

Qarabağın azad edilməsi və 2022-ci ilin Şuşa ili elan edilməsi ilə bağlı Şuşa adının etimologiyası və onun məhəllərinin adlarının tarixi ilə bağlı da məqalələr yazmış;

M.Ə.Rəsulzadənin “Bir kərə yüksələn bayraq bir daha enməz” sözünün yer aldığı “Əsrimizin Siyavuşu” əsərində yer alan onomastik vahidlərin təhlilini vermiş;

Ötən il yaşıl dünya naminə həmrəylik ili çərçivəsində Heydər Əliyevin təbiətə qayğısı ilə bağlı qəbul etdiyi qanun, fərman, sərəncamlar ilə bağlı AMEA Rəyasət Heyətində təşkil edilmiş konfransda məqalə ilə çıxış etmişdir^[12].

1. Türk dillərinin tarixi müqayisəli dilçilikdə tədqiqi / Türk filologiyası, № 1, 2019,
2. Oğuz qrupu türk dillərində relyef leksikasının dialektoloji aspektlərinin işlənmə məqamları / Filologiya məsələləri, № 6, 2019,
3. Oğuz qrupu türk dillərində relyef leksikasının frazeoloji və bədii ədəbiyyatda işlənmə məqamları / Gənc tədqiqatçı, № 1, 2019,
4. Моменты разработки этимологических аспектов лексики, отражающей фауну тюркских языков огузской группы / Науковий вісник Міжнародного Гуманітарного Університету Серія: Філологія. Україна, № 40, 2019
5. Oğuz qrupu türk dillərində relyef leksikasının etimoloji aspektlərinin işlənmə məqamları / Filologiya və sənətşünaslıq, № 2, 2019
6. Oğuz qrupu türk dillərində iqlim leksikasının etimoloji aspektləri / Şərq araşdırmaları, № 1, 2019
7. Oğuz qrupu türk dillərində bitki aləmini əks etdirən leksika / Əlyazmalar yanmır, № 2, 2019
8. Türk dilində mövcud olan milli koloritli sözlərlə bağli tərcümə prosesində yaranan linqvo-psixoloji problemlər / Filologiya məsələləri, № 13, 2019
9. Oğuz qrupu türk dillərində relyef leksikasının işlənmə metodikası / AMEA “Məruzələr”, № 76 (1-2). 2020
10. Oğuz qrupu türk dillərində iqlim leksikası / Gənc tədqiqatçı, № 6 (2), 2020
11. Floristik leksikanın Qarabağ dialekti və toponimlərdə funksional özəllikləri / AMEA “Məruzələr”, № 77 (1), 2021
12. Nizaminin əsərlərində təbiət leksikasının işlənmə xüsusiyyətləri / Filologiya və sənətşünaslıq, № 2, 2021
13. Distinctive features of fauna lexicon in the Azerbaijani and turkish dialects / Əlyazmalar yanmır, № 1 (12), 2021
14. Şuşa toponiminin etimologiyası / AMEA Məruzələr, № 78 (1-2), 2022
15. Azərbaycan, türk və ingilis dillərində zərflik budaq cümləli tabeli mürəkkəb cümlələrin oxşar və fərqli cəhətləri / Əlyazmalar yanmır, № 1 (14), 2022
16. Naxçıvan dialekt və toponimlərində flora leksikasının işlənmə xüsusiyyətləri / Filologiya və sənətşünaslıq, № 1, 2023
17. Azərbaycan, türk və ingilis dillərində ismi əlamət bildirən söz qruplarının bənzər və fərqli xüsusiyyətləri / Əlyazmalar yanmır, № 2 (16), 2023
18. Qarakilsə (Sisian) toponimlərinin etimoloji xüsusiyyətləri / Filologiya və sənətşünaslıq, № 1, 2024
19. Toponımıc characterıstıcs of the dıstrıcts of the Iravan Khanate / AMEA Məruzələr, № 1, 2024

1. Orxan Kamalın əsərlərində Anadolu mövzusu / Şərq ədəbiyyatları: ənənə və müasirlik Bakı Dövlət Universiteti tələbələrinin ənənəvi II elmi-praktik konfransı, 15 dekabr 2015
2. Müasir türk ədəbi dilində qarşıya çıxan problemlər (Azərbaycan, rus və ingilis dillərinin materialları əsasında) / Ümummilli lider Heydər Əliyevin 93 illiyinə həsr edilmiş Şərqşünaslıq fakultəsinin gənc alim və magistrantlarının Şərq filologiyası məsələləri mövzusunda elmi konfrans, 11 may 2016
3. Müasir türk ədəbi dilində tərcümə prosesində qarşıya çıxan problemlər / Ümummilli lider Heydər Əliyevin 94 illiyinə həsr edilmiş Şərqşünaslıq fakultəsinin gənc alim və magistrantlarının Şərq filologiyası məsələləri mövzusunda elmi konfransı, 15 may 2017
4. Qızıl və gümüş sözlərinin tarixi etimologiyası və müasir türk dillərinin leksikalarında işlənmə fərqlilikləri / ¬Gənc tədqiqatçıların elmi-praktiki konfransı, 1-4 aprel 2019
5. Oğuz qrupu türk dillərinin tədqiqi tarixindən / Ümummilli lider Heydər Əliyevin anadan olmasının 96-cı il dönümünə həsr olunmuş XXIV ənənəvi elmi-praktik konfransı, 18-19 aprel 2019
6. Oğuz qrupu türk dillərində floranı əks etdirən leksikanın etimoloji aspektlərinin işlənmə məqamları / Ümummilli lider Heydər Əliyevin anadan olmasının 96-cı ildönümünə həsr olunmuş gənc tədqiqatçıların III beynəlxalq elmi konfransı, 29-30 aprel 2019
7. Oğuz qrupu türk dillərində təbiət leksikasının Afad Qurbanovun əsərlərində işlənmə məqamları / Görkəmli dilçi alim, müasir Azərbaycan əlifbasının müəllifi Afad Qurbanovun 90 illiyinə həsr olunmuş müasir dilçiliyin aktual problemləri, 6-7 iyun 2019
8. Nəsiminin əsərlərində təbiət leksikası / İmadəddin Nəsiminin 650 illik yubileyinə həsr olunmuş respublika elmi konfransı, 24 iyun 2019
9. Различия отражающие фауну в лексике огузской группы тюркских языков / Міжнародна науково-практична конференція «Мова, література і культура: актуальні питання взаємодії. Львів, Україна, 11-12 жовтень 2019
10. Dialectological differences of climate lexicon in Oguz group of Turkic languages / Міжнародної науково-практичної конференції «стратегії розвитку та пріоритетні завдання філологічних наук. Запоріжжя, Україна, 18-19 жовтень 2019
11. Azərbaycan, türk və ingilis dillərində söz cümlələrin bənzər və fərqli xüsusiyyətləri / Ümummilli lider Heydər Əliyevin anadan olmasının 98-ci ildönümünə həsr olunmuş Gənc Tədqiqatçıların V Beynəlxalq elmi konfransı, 29-30 aprel 2019
12. Azərbaycan və türk dillərinin dialektlərində flora leksikası ilə bağlı frazeoloji vahidlərin işlənmə xüsusiyyətləri / Birinci Türkoloji Qurultayın 95 illik yubileyinə həsr edilmiş “Türk dillərinin və ədəbiyyatının tədqiqi və tədrisinin aktual problemləri” mövzusunda beynəlxalq elmi konfransı, 20-21 may 2021
13. Nizami Gəncəvinin əsərlərində təbiət leksikasi vahidlərinin iştiraki ilə əmələ gələn şəxs adları / “Nizami Gəncəvi və Şərq ədəbiyyatları: ədəbi təsirin hüdudları” mövzusunda Beynəlxalq Elmi Konfransı, 24 sentyabr 2021
14. Səməd Vurğunun əsərlərində fitonimlərin işlənmə məqamları / Nizami Gəncəvinin anadan olmasının 880 illiyinə həsr olunan Respublika Gənclər Konfransı, 7 oktyabr 2021
15. Azərbaycan, türk və ingilis dillərində tabesiz mürəkkəb cümlələrin tərəflərini bir-birinə bağlayan vasitələr / "Mahmud Kaşğarlı" beynəlxalq elm, mədəniyyət və təhsil konfransı (Divani Lügəti't-Türk - 950), 25 mart 2022
16. Azərbaycan, türk və ingilis dillərində tabesiz mürəkkəb cümlələr / Ümummilli lider Heydər Əliyevin anadan olmasının 99-cu ildönümünə həsr olunmuş Gənc tədqiqatçıların VI Beynəlxalq elmi konfransı, 29 aprel 2022
17. Сходные и разные особенности простых предложений в азербайджанском и турецком языках / “Вопросы филологического образования: проблемные вопросы и их инновационные решения", г. Фергана, Узбекистан, 11 may 2022
18. Mirzə Kazımbəyin dilçilik sahəsində tədqiqləri / "Mirzə Kazımbəy - 220" beynəlxalq elmi konfransı, 20 sentyabr 2022
19. Şərqşünaslıq elminin yaranması / Şərqşünaslıq fakültəsinin yaranmasının 100 illik yubileyinə həsr olunmuş "Azərbaycan şərqşünaslığı Şərq-Qərb elmi-mədəni və ictimai-siyasi dialoqu kontekstində" mövzusunda beynəlxalq elmi konfransı, 14 dekabr 2022
20. Naxçıvan dialekt və toponimlərində fauna leksikası və onların funkionallığı / “II Çağdaş Azərbaycan dilinin aktual problemləri” Respublika elmi konfransı, 23 iyun 2022
21. Sosiolinqvistikanın əhəmiyyət kəsb edən bəzi anlayışları / Международная научно-практическая конференция "Роль и значение Захариддина Мухаммада Бабура в развитии мировой науки, культуры". Фергана, Узбекистан, 6 may 2023
22. Azərbaycan, türk və ingilis dillərində sifət əmələ gətirən şəkilçilərin ortaq və fərqli xüsusiyyətləri / Ümummilli Lider Heydər Əliyevin anadan olmasının 100-cü ildönümünə həsr olunmuş Gənc tədqiqatçıların VII Beynəlxalq Elmi Konfransı, 28 aprel 2023
23. Azərbaycan, türk və ingilis dillərində sayın bənzər və fərqli xüsusiyyətləri / Heydər Əliyev və türk dünyası: ictimai, iqtisadi və mədəni əlaqələr" beynəlxalq elmi konfransı, 4 may 2023
24. Orxan Kamalın əsərlərində qadın mövzusu / Türkiyə Cümhuriyyətinin 100 illik yubileyi çərçivəsində “Əlyazmalar kitabı Azərbaycan-Türkiyə elmi-mədəni əlaqələr kontekstində” mövzusunda beynəlxalq elmi-nəzəri konfransı, 26 oktyabr 2023
25. Qarakilsə (Sisian) toponimlərinin linqvistik, etimoloji xüsusiyyətləri / “Qərbi Azərbaycan toponimləri və mikrotoponimləri” mövzusunda Respublika elmi konfransı, 23 noyabr 2023
26. Orxan Kamalın əsərlərində Anadolu həyatı / Türkiyə Cümhuriyyətinin 100-cü ildönümünə həsr olunmuş “Türkiyə Cümhuriyyəti və Azərbaycan Filologiyası” Respublika Konfransı, 19 oktyabr 2023
27. Mirzə Fətəli Axundovun "Hekayəti Müsyö Jordan həkimi-nəbatat və dərviş Məstəli şah cadükuni məşhur" əsərində işlənən alınma sözlər / “Azərbaycan dramaturgiyası və Azərbaycan milli teatrı” mövzusunda respublika konfransı, 9 iyun 2023

1. Nizami Gəncəvinin “Xəmsə”sində təbiət leksikası / Respublika qəzeti, 21 noyabr 2021
2. Nizami Gəncəvinin “Xəmsə”sində təbiət leksikası / Elm qəzeti, 26 noyabr 2021
3. Şuşa toponiminin etimologiyası və onun məhəllələrinin tarixi / Respublika qəzeti, 30 yanvar 2022
4. Xurşidbanu Natəvanın əsərlərində təbiət leksikası / 525-ci qəzet, 28 fevral 2023
5. İrəvan xanlığı və onun mahalları / Xalq qəzeti, 14 fevral 2025

^{[13] [14] [15]}

1. ↑ Nakhiyev, Toghrul Nasirli, Alakhber. "2024-cü il üzrə AMEA-nın "İlin gənc alimi" mükafatı müsabiqəsinin nəticələri elan olunub". science.gov.az (az.). İstifadə tarixi: 2025-04-13.
2. ↑ modern.az https://modern.az/olke/32649/universitetlerde-hansi-taninmislarin-adina-teqaudler-verilir-siyahi/ (#bare_url_missing_title). İstifadə tarixi: 2025-04-13.
3. ↑ "BDU-da məzun günü keçirildi- — Fotolar". Qafqazinfo (az.). 2015-07-01. İstifadə tarixi: 2025-04-13.
4. ↑ "Bakı Dövlət Universiteti". bsu.edu.az. İstifadə tarixi: 2025-04-13.
5. ↑ "Wayback Machine" (PDF). aak.gov.az. İstifadə tarixi: 2025-04-13.
6. ↑ "Wayback Machine" (PDF). dilcilik.az. İstifadə tarixi: 2025-04-13.
7. ↑ https://www.ebooks.az/az/book/7v460Kk. . (#cite_web_url)
8. ↑ https://www.ebooks.az/az/book/IiXxjtz. . (#cite_web_url)
9. ↑ "Elnurə Hüseynova". scholar.google.com. İstifadə tarixi: 2025-04-13.
10. ↑ https://www.dilcilik.az/xeber.php?id=369. . (#cite_web_url)
11. ↑ "İlin gənc alimləri". Xalqqazeti.az (az.). İstifadə tarixi: 2025-04-13.
12. ↑ Nakhiyev, Toghrul Nasirli, Alakhber. "AMEA-da "Yaşıl dünya naminə həmrəylik - COP-29-un çağırışları və humanitar elmin vəzifələri" mövzusunda elmi konfrans keçirilib". science.gov.az (az.). İstifadə tarixi: 2025-04-13.
13. ↑ * [1]
14. ↑ * [2]
15. ↑ * [3]