Asum

Mən Azərbaycan elmi, mədəniyyəti, musiqi və incəsənətinin şablonlardan azad, ənənələr zəncirindən qurtulmuş, amma varisliyini qoruyan şəkildə yazılmasını istəyən və bu yolda az da olsa öz töhfəsini vermək arzusunda olan bir insanam.

Tarixi keçmişimizlə bu günümüzü yanaşı düşünmək və təhlil etmək, keçici olanla uzun ömürlü olanın fərqini duymaqla onu ifadə etmək həvəsindəyəm. Keçmişimizin və bu günümüzün təsvirində və təhlilində çox zaman obyektivliyin axsadığını görürəm, təsvir və təhlil obyektinin şöhrəti ilə istedadının heç də həmişə mütənasib olmadığının fərqindəyəm.

Çox təcrübəli olmasam da, vəzifə və maddi gücüm olmasa da, hadisələrə nüfuz etməyə çalışıram.

Mənim daxil etdiyim materiallara, düzəlişlərə səbr, hörmət və xoşqılıqla yanaşacağınıza ümid edirəm.

Balaca adam-Asum