Qayıdaram bir də mən [Mətn] /R. Qasımov ; tərt. ed. R. Nəsiboğlu ; red. A. Yaquboğlu ; ön söz. müəll. T. Hüseyn, E. Kamal Qasımov, Ruslan Bib-ID vtls000244882 Buraxılış məlumatları Bakı: Vektor, 2011. Fiziki xüsusiyyətləri 68 s.: portr., 21 sm.
Dədə Ələsgər [Mətn] /[Avrasiya Beynəlxalq Araşdırmalar İn-tu İB, Nəfəs, Regional Hüquqi və İqtisadi Maarifləndirmə İctimai Birliyi] ; layihə rəhbəri Q. Paşayeva ; topl. İ. Ələsgər ; red. A. Yaquboğlu ; nəşrə məsul A. Bağırova. Bib-ID vtls000770711 Buraxılış məlumatları Bakı: [CBS PP], 2021. Fiziki xüsusiyyətləri 303, [1] s.
Mübariz cəsarəti [Mətn] : [poemalar və şeirlər] /M. Köçkün ; red. A. Yaqubov Köçkün, Maarif. (Mikayılov.) şair-publisist 1960Bib-ID vtls000251365 Buraxılış məlumatları Bakı: [Bəxtiyar-4], 2011. Fiziki xüsusiyyətləri 160 s
- bax: Qərbi Azərbaycanın ruhsal və duyğusal coğrafi məkanları və yaxud uydurma "Ermənistanın sarkal coğrafiyası"nın saxtakarlığı
Şamoyev Qoşunəli Novruz oğlu 15 mart 1928-ci ildə Göyçə mahalının Basarkeçər rayonunun Daşkənd kəndində anadan olmuşdur. 1943-cü ildə Daşkənd kənd orta məktəbini bitirib. 1944–1946-cı illərdə Yuxarı Şorca kənd yeddi illik məktəbində, 1947–1950-ci illərdə isə Daşkənd kənd orta məktəbində müəllim işləmişdir. 1949-cu ildə İrəvan Pedaqoji Institutunun "Azərbaycan dili və ədəbiyyatı" fakültəsinə daxil olub və 1957-ci ildə Azərbaycan Dövlət Pedaqoji Ins-titutunun qiyabi şöbəsini bitirmişdir. 1950–1953-cü illərdə sovet ordusunda hərbi xidmətdə olmuş və 1952-ci ildə Sovet İttifaqı Kommunist Partiyasının sıralarına qəbul edilmişdir. 1953–1956-cı illərdə yenidən Daşkənd kənd orta məktəbində müəllim işləmişdir. 1956-cı ildən 1959-cu ilə qədər Basarkeçər rayon Partiya Komitəsində təlimatçı və şöbə müdiri vəzifələrində işləyib. 1968-ci ildə maarif sahəsindəki xidmətlərinə görə "Əməkdar müəllim" adına, 1970-ci ildə "V. İ. Leninin 100 illik yubileyi" medalına, 1983-cü ildə "Xalq maarifçisi" medalına və 1986-cı ildə "Şərəf nişanı" ordeninə layiq görülmüşdür. 1959-cu ildən 1988-ci ilin dekabrına qədər Daşkənd kənd orta məktəbinin direktoru olmuşdur. 1962-ci ildən 1988-ci ilə qədər beş dəfə Ermənistan SSR-in Ali Məhkəməsinə xalq iclascısı seçilmişdir. Qoşunəli Şamoyev 1988-ci ildən Gəncə şəhəri Mir Cəlal Paşayev adına 39 saylı orta məktəbdə müəllim, 1997-ci ildən Gəncə şəhəri Kəpəz rayonu Veteranlar Təşkilatının və YAP ərazi veteranlar təşkilatının sədri vəzifələrində işləyir və Gəncə şəhərində yaşayır.
Kamal Zeynallı Litvanın paytaxtında yerləşən çox qədim tarixə və nüfuza malik Vilnüs Universitetinin magistraturasına qəbul olub. Kamal Zeynallı Azərbaycanda ali təhsilini və hərbi xidmətini başa vurub. Azərbaycan Tələbə Gənclər Təşkilatında işləyib. Tələbə olarkən APİ-nin gənclər təşkilatının sədri olub. Vilnüs Universiteti haqqında bu günlərdə Azərbaycanca Vikipediyada yaradılan məqalə ilə aşağıdakı linkdən ətraflı tanış ola bilərsiz.
İsgəndərov Ağababa Qəmbərəli oğlu 1926-cı ildə Göyçə mahalının Daşkənd kəndində anadan olmuşdur. 1941-ci ildə Daşkənd kənd orta məktəbinin yeddinci sinfini bitirmişdir. 1944-cü ildə Böyük Vətən müharibəsinə getmiş, 1945-ci ildə Berlində yaralanmışdır. On dörd ay xəstəxanada müalicə olunduqdan sonra 1946-cı ildə Göyçə mahalının Daşkənd kəndinə qayıtmışdır. Müharibə veteranıdır. Otuza qədər orden və medallarla təltif olunmuşdur. Coşqun Ağababa ilk şeirini Almaniyanın Berlin şəhərində müalicə olunarkən yazmışdır. Yaradıcılığında dini şeirlər, nohələr və mərsiyələr xüsusi yer tutur. 1953-cü ildə Göyçə mahalından azərbaycanlılar departasiya olunarkən Ağababa da öz ailəsi ilə birlikdə Şəmkirin "Dağ Tatarı" kəndinə köçmüşdür. Şəmkirdə 25 yaşlı qardaşı Yaqubu ildırım vurduqdan sonra burada yaşaya bilməmiş və yenidən doğma Daşkənd kəndinə qayıtmışdır. 1972-ci ildə Bərdə rayonunun Yeni Daşkənd kəndində keçirilən Aşıq Ələsgərin 150 illik yubileyi mərasimində Coşqun Ağababanın yazdığı "Ələsgər" rədifli şeiri "Komunizm yolu" qəzetində çap olunmuşdur. 2005-ci ildə "Çaşıoğlu" nəşriyyatında çap olunan "Şəmkir şairləri və aşıqları" kitabında Coşqun Ağababanın şeirləri dərc olunub (səh. 405–407). Coşqun Ağababa hal-hazırda Bakı şəhərində yaşayır. Yaşı səksəni keçsə də hələ də vətən həsrətli şeirlər yazıb-yaradır.
Həsənov İsmayıl Qəhrəman oğlu 1960-cı il iyulun 20-də Göyçə mahalının Basarkeçər rayonunun Daşkənd kəndində anadan olmuşdur. 1977-ci ildə doğma Daşkənd kənd orta məktəbini bitirdikdən sonra Azərbaycan İnşaat Mühəndisləri İnstitutunun qiyabi şöbəsinə qəbul olmuşdur. 1980–1981-ci illərdə sovet ordusu sıralarında hərbi xidmətdə olmuşdur. Hərbi xidmətdən sonra ali təhsilini davam etdirən İsmayıl Həsənov 1983-cü ildə Azərbaycan İnşaat Mühəndisləri İnstitutunu bitirmişdir. Ali məktəbi bitirdikdən sonra İsmayıl Həsənov Şəmkir rayonunda yaşamışdır. O, Şəmkirdə "Mənzil İstismar İdarəsi"nin rəisi və başqa məsul vəzifələrdə işləmişdir. 1994-cü ildən Bakı şəhərində yaşayır və işləyir. Gözəl saz çalıb-oxumaq qabiliyyəti olan İsmayıl Həsənov mətbuatda çap olunmasa da həm də gözəl şeirlər müəllifidir.
Zeynalov Yasim Surxay oğlu 28 iyun 1959-cu ildə Göyçə mahalının Basarkeçər rayonunun Daşkənd kəndində anadan olmuşdur. Orta məktəbi 1976-cı ildə doğulduğu kənddə bitirmişdir. 1977–1979-cu illərdə Kazan şəhərində hərbi xidmətdə olmuşdur. 1981-ci ildə indiki Azərbaycan Memarlıq və İnşaat Universitetinin "Yol inşaatı" fakültəsinə daxil olmuş, 1988-ci ildə ali təhsilini bitirmişdir. Yasim Zeynalov ali təhsil almağa başlayandan təhsildən ayrılmamaqla eyni zamanda Bakı Metropoliteninin tikintisində çalışmışdır. 15 ildən çox bu sahədə çalışan Yasim Zeynalovun da Bakı metropolitenində bu gün bizlərin rahatca hərəkət etməyimizdə zəhməti, alın təri var. Qeyd edim ki, Bakı Metropoliteni 1967-ci ildə Şərqdə ilk metro kimi "Ginnesin Rekordlar Kitabı"na düşüb. 1988-ci ildə ailə quran Yasim Zeynalovun bir oğlu, bir qızı var. Artıq o gözəl bir Mədinə balanın babasıdır. Yasim Daşkəndlə, Göyçə mahalı ilə nəfəs alan birisidir. Kəndimizlə, onun tarixi, adət-ənənələri, insanları ilə bağlı xeyli məlumatlıdır. Hamıya canyandıran, xoş ünsiyyət quran olduğundandır ki, bütün Daşkəndlilərin yanında yaxşı hörməti var.
Məsimov Zahid Məcid oğlu, 24 avqust 1961-ci ildə Qərbi Azərbaycanın Göyçə mahalının Basarkeçər rayonunun Daşkənd kəndində anadan olmuşdur. Daşkənd kənd orta məktəbini bitirdikdən sonra 1979–1981-ci illərdə sovet ordusu sıralarında hərbi xidmətdə olmuşdur. Hərbi xidməti başa vurduqdan sonra indiki N. Tusi adına Azərbaycan Dövlət Pedoqoji Institutunun "Dil-ədəbiyyat" fakültəsinə qəbul olmuş və oranı qutardıqdan sonra "Kirpi" jurnalında ədəbi işçi kimi fəaliyyət göstərmişdir. Zahid Məcidə şeir yazmaq qisməti hələ orta məktəbin 5-ci sinfində oxuyarkən qismət olmuşdur. "Bolluq uğrunda" (Vardenis), "Sovet Ermənistanı", "Azərbaycan gəncləri", "Azərbaycan pioneri" qəzetlərində və "Ulduz" jurnalında şeirləri çap olunmuşdur. 1988-ci ildə Zahid Məcid də mənfur ermənilərin qaldırdığı torpaq iddiası nəticəsində doğma ata-baba yurdu olan Göyçə mahalından, Daşkənd kəndindən qaçqın düşərək Ucar rayonunda yaşamışdır. Zahid Məcid Ucar rayonunda yaşayarkən adlı-sanlı Şirvanlı Aşıq Əhliman Rəhimovla Şirvan mahalının toy məclislərində əsrarəngiz şirin dili ilə masabəyilik etmişdir. 2003-cü ildən Goranboy rayonunun "Aşağı Ağcakənd" qəsəbəsində yaşayır və həmin ildən hal-hazıra qədər qəsəbə mədəniyyət evinin direktorudur. Ailəlidir, iki oğlu, iki qızı var. Zahid Məcidin dəyərli söz inciləri şeirsevərlərin dillər əzbəridir. Qətiyyən mətbuatda çap olunmağa istəyi və həvəsi olmadığından Zahid Məcidin hələ də şeirlər kitabı çap olunmamışdır. 2005-ci ildə "Yurd" nəşriyyatında çap olunan "Ədəbi Irəvan-2004" kitabında Zahid Məcidin qoşmaları və təcnisi dərc olunmuşdur (səh. 233–235). Zahid Məcidin həyatı və yaradıcılığı haqqında 2007-ci ildə "Nurlan" nəşriyyatında nəfis şəkildə çap olunan Sərraf Şiruyənin "Hər görüş bir xatirədir" kitabında da ətraflı məlumat verilmişdir (səh. 130–134).
Əliyev Arzuman Xıdır oğlu 23 iyul 1966-cı ildə Göyçə mahalının Daşkənd kəndində dünyaya gəlmişdir. 1983-cü ildə Azərbaycan Neft Kimya İnstitutuna qəbul olunmuşdur. 1986-cı ildən 1988-ci ilə qədər hərbi xidmətdə olmuş və 1991-ci ildə Azərbaycan Neft Kimya İnstitutunu bitirmişdir. 1993–1994-cü illərdə Qarabağ Müharibəsinin iştirakçısı olmuşdur. Arzumanın aşıq sənətinə böyük həvəsi olduğundan özü bu sənəti öyrənmişdir. Ustad dərsi almasa da, o, saz çalmağı və ifa etməyi məharətlə bacarmışdır. Məlahətli səsə malik Aşıq Arzuman xeyli saz havalarını bilməklə yanaşı bir neçə dastan da bilirdi. Aşıq Arzuman 5 iyun 2010-cu ildə 44 yaşında Bakı şəhərində ürək dayanmasından vəfat etmiş və Bakıxanov qəsəbəsində dəfn olunmuşdur.
Rüstəmov Səfxan Hidayət oğlu 25 aprel 1926-cı ildə Göyçə mahalının Daşkənd kəndində anadan olub. Basarkeçər rayonunun Daşkənd kənd orta məktəbini bitirdikdən sonra S. M. Kirov adına Azərbaycan Dövlət Universitetinə daxil olmuşdur. 1951-ci ildə S. M. Kirov adına Azərbaycan Dövlət Universitetinin tarix fakültəsini bitirmişdir. Səfxan Rüstəmov Ermənistan SSR Dövlət Təhlükəsizlik Komitəsinin Vardenis rayon şöbəsinin əməkdaşı olmuşdur. 1970-ci ildən 1988-ci ilə qədər Daşkənd kənd orta məktəbində direktor müavini işləmişdir. Səfxan Rüstəmov əməkdar müəllim, Vardenis rayon və Daşkənd kənd sovetlərinin deputatı olmuşdur. 1988-ci ildə doğma yurd-yuvasından məcburən ayrılan Səfxan Rüstəmov Şəmkir rayonunun Çənlibel kəndində məskunlaşmışdır. Görkəmli pedaqoq Səfxan Rüstəmov Şəmkir rayonunun Çənlibel kəndində 15 may 1991-ci ildə vəfat etmiş və kənd qəbiristanlığında dəfn edilmişdir.
Canbaxışov Turab Qələndər oğlu 27 noyabr 1981-ci ildə Rusiyanın Kurqan şəhərində anadan olmuşdur. 1999-cu ildə Bakı şəhərində 17 saylı orta məktəbi əla qiymətlərlə bitirdikdən sonra Azərbaycan Tibb Universitetinin "Müalicə-profilaktika" fakültəsinə qəbul olmuşdur. 2005-ci ildə Azərbaycan Tibb Universitetinin "müalicə-profilaktika" fakültəsini fərqlənmə diplomu ilə bitirmişdir. 2005–2011-ci illərdə Türkiyənin İzmir şəhərində Qoqquz Eylül Universitetinin "Mamalıq və qadın xəstəlikləri" (ginikologiya) ixtisası üzrə uzmanlıq təhsili almışdır. Uzmanlıq təhsilini bitirdikdən sonra nəzəri və praktik imtahanlardan yüksək bal topladığına görə Doqquz Eylül Universitetinin rəhbərliyi və Türkiyə Cumhuriyyətinin YÖK-ü tərəfindən həmin kafedrada uzman-asissent vəzifəsində saxlanılmış, 2013-cü ilin dekabr ayına qədər həmin vəzifədə çalışmışdır. Hal-hazırda Turab Canbaxışov 2013-cü ilin dekabr ayından Azərbaycan Tibb Universitetinin Tədris Cərrahiyyə Klinikasının ikinci mama-ginekologiya şöbəsinin müdiri vəzifəsində çalışır. Uzmanlıq təhsili aldığı dövrdə 10-a qədər elmi məqaləsi Türkiyədə və müxtəlif xarici ölkələrdə çap olunmuşdur. Doktorluq dissertasiyası üzərində işləyir. Azərbaycan, Rus, İngilis, Türk dillərini bilir. Ailəlidir, bir qızı var.
Şamoyev Qoşunəli Novruz oğlu, 15 mart 1928-ci ildə Göyçə mahalının Basarkeçər rayonunun Daşkənd kəndində anadan olmuşdur. 1943-cü ildə Daşkənd kənd orta məktəbini bitirib. 1944–1946-cı illərdə Yuxarı Şorca kənd yeddi illik məktəbində, 1947–1950-ci illərdə isə Daşkənd kənd orta məktəbində müəllim işləmişdir. 1949-cu ildə İrəvan Pedaqoji Institutunun "Azərbaycan dili və ədəbiyyatı" fakültəsinə daxil olub və 1957-ci ildə Azərbaycan Dövlət Pedaqoji Ins-titutunun qiyabi şöbəsini bitirmişdir. 1950–1953-cü illərdə sovet ordusunda hərbi xidmətdə olmuş və 1952-ci ildə Sovet İttifaqı Kommunist Partiyasının sıralarına qəbul edilmişdir. 1953–1956-cı illərdə yenidən Daşkənd kənd orta məktəbində müəllim işləmişdir. 1956-cı ildən 1959-cu ilə qədər Basarkeçər rayon Partiya Komitəsində təlimatçı və şöbə müdiri vəzifələrində işləyib. 1968-ci ildə maarif sahəsindəki xidmətlərinə görə "Əməkdar müəllim" adına, 1970-ci ildə "V. İ. Leninin 100 illik yubileyi" medalına, 1983-cü ildə "Xalq maarifçisi" medalına və 1986-cı ildə "Şərəf nişanı" ordeninə layiq görülmüşdür. 1959-cu ildən 1988-ci ilin dekabrına qədər Daşkənd kənd orta məktəbinin direktoru olmuşdur. 1962-ci ildən 1988-ci ilə qədər beş dəfə Ermənistan SSR-in Ali Məhkəməsinə xalq iclascısı seçilmişdir. Qoşunəli Şamoyev 1988-ci ildən Gəncə şəhəri Mir Cəlal Paşayev adına 39 saylı orta məktəbdə müəllim, 1997-ci ildən Gəncə şəhəri Kəpəz rayonu Veteranlar Təşkilatının və YAP ərazi veteranlar təşkilatının sədri vəzifələrində işləyir və Gəncə şəhərində yaşayır.
Rəsulova Başxanım Şəfi qızı 1880-ci ildə Göyçə mahalının Daşkənd kəndində ruhani ailəsində anadan olmuşdur. Atası Axund Şəfi, qardaşları Molla Mehdi və Hacı Rəhim dövrünün mütərəqqi ziyalısı olmuşdur. Qardaşı Hacı Rəhim 1905-ci və 1918-ci illərdə daşnaqlara qarşı vuruşan və bu yolda şəhid olan ən cəsur igidlərdən olmuşdur. Başxanım da atası və qardaşlarından ərəb və fars dilində yazıb oxumağı öyrənmişdir. Səxavətdə, mərhəmətdə Hatəmi-Taun qədər ad-san qazanan Başxanım hazırcavablığı ilə də Göyçə mahalında məşhur qadınlardan olmuşdur. Böyük Vətən müharibəsindən oğlu Nəsib (1909–1941/45) və İkinci Dünya müharibəsindən oğlu Zülfiqarın (1912–1939/45) qayıtmaması, həyat yoldaşı Məhərrəmin (1873–1953) gözlərinin tez tutulması və onun da vəfatı Başxanımı çox sarsıtmışdır. Başxanım Şəfiqızı 18 noyabr 1958-ci ildə doğma vətəni Daşkənd kəndində vəfat etmiş və Daşkənd qəbiristanlığında dəfn edilmişdir. Dərd çəkən canım oldu, Çürüyən yanım oldu. Taleyim ayaq xanım, Adım Başxanım oldu. Ömrümün zamanında, Ox gördüm kamanında. Qazdırın məzarımı, Qardaş qəbri yanında. Şura gəl, ay Şura gəl, Bəyi qıra-qıra gəl. Zalımlar azğınlaşıb, Əvvəl-əvvəl bura gəl.
Əmrahov Namaz Məhəmməd oğlu 1930-cu ildə Basarkeçər rayonunun Daşkənd kəndində anadan olmuşdur. 1953-cü ildə indiki Sankt-Peterburq şəhərində hərbi xidmətdə olarkən hərbi hissəyə silahlı basqının qarşısını alarkən həlak olmuş və Sankt-Peterburq şəhərində dəfn olunmuşdur.
Hacı Rəhim Molla Şəfi oğlu 1860-cı ildə Göyçə mahalının Daşkənd kəndində anadan olub. O, Daşkənddə dinin mahir bilicilərindən olmuşdur. Hacı Rəhimin babası Qazaxın Dəmirçilər kəndindən Göyçə mahalına köçübdür. Ümumiyyətlə bu nəsil axund, molla kimi kənddə və digər bölgələrdə tanınmışlar. Kənddə dini məktəb açmış və kənd sakinlərinə dini elmlərdən dərs keçmişdir. Əsrin əvvəllərində ermənilərin Göyçə mahalında törətdiyi qırğına başçılıq edənlərə qarşы amansızlıq göstərənlərdən biri də Hacı Rəhimdir. Ailələrində dünyaya göz açan qardaş-bacılarının hamısı saza-sözə maraq göstərən, ürəyindən keçənləri qələmə alan olmuşlar. 1918-ci ildə Göyçə mahalında erməni millətçilərinə qarşı xalqı səfərbər edən və özü də bu yolda döyüşən igidlərdən biri olmuşdur. Daşnak ordusuna başçılıq edən Andranik Ozanyanin silahdaşlarından sayılan erməni generalı Selikovun başını da Göyçə mahalının Zod kəndində o kəsmiş və başı da doğma kəndi Daşkəndə gətirmişdir. 1920-ci ildə Göyçəlilər köçkünlükdən doğma yurdlara qayıtdıqdan sonra Hacı Rəhimi iki milis formalı erməni gəlib Daşkənddə öldürmüşdür. Məzarı Göyçə mahalının Daşkənd kəndindədir. Hacı Rəhimin qohumlarının bir çoxu hal-hazırda Qazaxın Dəmirçilər kəndində və Bərdə rayonunun Yeni Daşkənd kəndində yaşayırlar.
Hüseynov Təvəkkül İslam oğlu 25 mart 1938-ci ildə Göyçə mahalının Basarkeçər rayonunun Daşkənd kəndində anadan olmuşdur. Orta təhsilini doğma Daşkənd kənd orta məktəbində almışdır. Orta məktəbi bitirdikdən sonra 1955-ci ildə Gəncə Yüngül Sənaye Texnikumuna qəbul olmuşdur. 1957-ci ildə texnikumu fərqlənmə diplomu ilə bitirərək elə həmin il Özbəkistanda Daşkənd Politexnik İnstitutuna daxil olmuşdur. 1962-ci ildə ali təhsilini başa vuran Təvəkkül Hüseynov təyinatla Mingəçevir Toxuculuq Kombinatına göndərilir və burada ilk əmək fəaliyyətinə başlayır. 1962-ci ildən 1973-cü ilə qədər həmin kombinatda sıravi mühəndislikdən başlayaraq müxtəlif vəzifələrdə işləmiş və 1973–1975-ci illərdə isə Mingəçevir Toxuculuq Kombinatının baş direktoru vəzifəsində çalışmışdır. Yüksək biliyə, geniş dünyagörüşə, bacarıqlı və səriştəli təşkilatçılıq qabiliyyətinə malik olan Təvəkkül Hüseynovun təqdirəlayiq təşkilatçılığı nəzərə alınaraq nazirliyin təqdimatı ilə 1975-ci ildə Azərbaycan KP MK onu V. İ. Lenin adına (indiki H. Z. Tağıyev) Bakı Toxuculuq Kombinatına baş direktor təyin edir. Həmin dövrdə çətin iqtisadi durumda olan kombinat qısa müddət ərzində rentabelli istehsalat müəssisəsinə çevrilir. Respublika Yüngül Sənaye Nazirliyinin Kollegiyasının üzvü olan Təvəkkül Hüseynov 1975–1978-ci illərdə Bakı Şəhər Sovetinin Deputatı seçilmişdir. Onun gərgin və əzmkar fəaliyyəti həmin dövrdə Azərbaycan KP MK-nın birinci katibi Heydər Əliyev tərəfindən yüksək qiymətləndirilmişdir. 1978-ci ildə Təvəkkül Hüseynov Azərbaycan SSR Yüngül Sənaye Nazirinin birinci müavini vəzifəsinə təyin olunur. Yeni yüngül sənaye müəssisələri açılır, İttifaq respublikaları ilə geniş iqtisadi əlaqələr yaradılır. 1979-cu ildə Yevlaxda Yunun İlkin Emalı Zavodunun açılış mərasimində iştirak edən Ulu Öndər, Azərbaycan SSR KP MK-nın birinci katibi Heydər Əliyev Təvəkkül Hüseynovun fəaliyyətini tərəfindən yüksək qiymətləndirir, dəyərli fikir və mülahizələrini bildirir. 1980-ci ildə Təvəkkül Hüseynov SSRİ Xalq Təsərrüfatı Akademiyasının məzunu olmuşdur. O, həmçinin texniki elmlər namizədi idi. 1982-ci ilə qədər Yüngül Sənaye Nazirinin birinci müavini vəzifəsində çalışan Təvəkkül Hüseynov 1987-ci ildə Bakı Zərif Mahud Kombinatına direktor təyin olunur. 1989–1993-cü illərdə Azərbaycan SSR Dövlət Aqrar Sənaye Komitəsinin Yunun İlkin Emalı və Tədarükü Baş İdarəsinin rəisi işləmişdir. Bir çox orden və medallarla təltif olunan Təvəkkül Hüseynov 16 may 1995-ci ildə Bakı şəhərində vəfat etmiş və Xırdalan qəbiristanlığında dəfn olunmuşdur.
Bayramov Nəcəf Allahverdi oğlu 1876-cı ildə Göyçə mahalının Daşkənd kəndində anadan olub. Nəcəf olduqca yaraşıqlı, boylu-buxunlu, cüsəlli insan olub. Mükəmməl bilik, dərin hafizə, möcüzəli səs sahibi olan Aşıq Nəcəf səliqə-səhmanı, ədəb-ərkanı ilə həmişə diqqəti çəkər, aşıqdan çox bəyə, bəyzadələrə oxşayarmış. Aşıq Nəcəf Aşıq Ələsgərə on il şəyirdlik edib, onunla ağır məclislər yola salıb. Aşıq Nəcəf Dədə Ələsgərin (1821–1926) ən çox sevdiyi şəyirdlərindən olmuşdur. Onun səsi Aşıq Əsədin (1874–1951) səsi ilə uyğun gəldiyindən hər ikisinə məsləhət görərmiş ki, siz daim bir yerdə olun, bir yerdə çalıb oxuyun. Yüksək səs tempirinə görə Aşıq Nəcəflə Aşıq Əsəd otuzluq lampanı dəfələrlə toy məclislərində söndürərmişlər. Aşıq Əsəd həmişə səmimiyyətlə etiraf edərmiş ki, Daşkəndli Aşıq Nəcəfin səsi mənimkindən yüksək və məlahətli idi. Aşıq Nəcəflə, Aşıq Əsəd 1910-cu ildə İran səfərində olarkən Təbriz aşıqlarının ustadı onlara hörmət və ehtiram əlaməti olaraq hər birinə on telli saz bağışlamışdır. Bu saza "Xətai sazı" da deyilir — qolunun içi boşdur. Aşıq Nəcəfin bir çox qüdrətli aşıqlar və şairlər ilə yaxın dostluq münasibətləri olmuşdur. Hətta Bozalqanlı Aşıq Hüseyn Aşıq Nəcəfin oğlanları Şəmistan və Şəmiddinin kirvəsi olmuşdur. Aşıq Nəcəfin Şəmistan, Şəmiddin, Mikayıl, Astan və İsmayıl adında beş oğlu olmuşdur. 5 fevral 1919-cu ildə erməni polkovnikinin başçılığı ilə "Küllü" təpə deyilən yerdə Aşıq Nəcəfin belinə odlu samovar bağlanmış və beş oğlu ilə birlikdə vəhşicəsinə öldürülmüşdür. Könül quşu, uç get Vətən elinə, Mənə o ellərdən bir xəbər gətir. Yetir əhvalımı nər igidlərə, Qasımı, Ziyadı bir təhər gətir. Görsən nələr çəkir uğursuz ana, Deginən: ömürü getdi bədfəna. Qoy düşmən gülləsi dəyməsin mana, Daşkənddən içməyə bir zəhər gətir. Nəcəf bilmir harda qaldı Gülüstan, Şəmsəddin, Şəmistan, Mikayıl, Astan. İsmayıl körpəydi çıxmadı yasdan, Xudam, sən üzünə xoş səhər gətir!
Canbaxışov Qələndər Surxay oğlu 17 avqust 1957-ci ildə Qərbi Azərbaycanın Göyçə mahalının Basarkeçər rayonunun Daşkənd kəndində "Həzrətqulular" nəslində anadan olmuşdur. 1974-cü ildə Azərbaycan Tibb Universitetinin "Müalicə-profilaktika" fakültəsinə qəbul olmuş və 1980-ci ildə universiteti fərqlənmə diplomu ilə bitirmişdir. 1980-ci ildə təyinatla cərrah kimi Rusiyanın Kurqan şəhərinə göndərilmişdir. 1984–1987-ci illərdə akademik Q. A. İlizarov adına "Bərpaedici Travmatologiya və Ortopediya" Rusiya Elmi Mərkəzində əyani aspiranturada oxumuş, 1987–1990-cı illərdə isə həmin elmi mərkəzdə elmi işçi işləmiş və 1990-cı ildə Azərbaycana gəlmişdir. Akademik Q. A. İlizarovun və V. İ. Şevtsovun tələbəsi kimi bu elmin sirlərini onlardan öyrənmişdir. 1990–1999-cu illərdə Azərbaycan Elmi Tədqiqat Travmatologiya və Ortopediya institutunda baş elmi işçi və elmi katib olmuşdur. 1999–2006-cı illərdə AzETTOİ-nun direktoru və Azərbaycan Respublikası Səhiyyə Nazirliyinin baş travmatoloq-ortopedi olmuşdur. 2006-cı ildən indiyədək "Kəskin travma" şöbəsinin elmi rəhbəri vəzifəsində işləyir. 1989-cu ildə "Одновременное удлинение обеих голеней у больных ахондроплазией – как первый этап увеличения роста" mövzusunda namizədlik, 1999-cu ildə isə akademik V. İ. Şevtsovun rəhbərliyi altında doktoranturanı bitirmiş, "Axondroplaziya zamanı aşağı ətrafların uzadılması hesabına boyun uzadılması" mövzusunda doktorluq dissertasiyasını müdafiə edərək tibb elmləri doktoru elmi dərəcəsi adını almışdır. Bir monoqrafiyanın, 100-ə qədər elmi işin, 3 patentin, 3 metodik tövsiyənin və bir neçə səmərələşdiriçi təklifin müəllifidir. Məqalələrindən bir neçəsi Rusiya, Türkiyə, İran, Latviya, Ukrayna və Gürcüstan kimi xarici ölkələrdə çap edilmiş, bir neçə regional, respublika, beynəlxalq konfransların iştirakçısı olmuşdur. Bir elmlər doktoru və beş elmlər namizədi yetişdirmişdir. Dünyada ilk dəfə boyun 20–25 sm uzadılması üsullarını elmi surətdə əsaslandıraraq sistemləşdirmişdir. Respublikamızda ilk dəfə uzun borulu sümüklərin ağır deformasiyaları və qısalıqları zamanı iki və daha çox səviyyədə kortikotomiyası, poliseqmentar osteosintezi, ətraf seqmentlərinin 80–100% uzadılması üsullarını tətbiq edərək inkişaf etdirmişdir. Uzun borulu sümüklərin sınıqlarının müalicəsi üçün yeni yivli mil xarici fiksə aparatı ixtira edərək onunla osteosintez üsullarını işləyib hazırlamışdır. 2000-ci ildən bu günə qədər Azərbaycan Tibb Universitetinin nəzdindəki D03.011 Dissertasiya Şurasının, 2004-cü ildən SİCOT\SİROT-un (Beynəlxalq Elmi ortoped-travmatoloq cərrahlar cəmiyyətının-Brüssel) üzvüdür. 2 noyabr 2000-ci ildə Azərbaycan Respublikası Prezidentinin fərmanı ilə "Əməkdar həkim" fəxri adına layiq görülmüşdür. 2010-cu ildə professor elmi adına layiq görülüb. 2006-cı ildən hal-hazıra qədər Azərbaycan Elmi Tədqiqat Travmatologiya və Ortopediya institutunun travmatologiya bölməsinin elmi rəhbəri həmçinin Azərbaycanda İlizarov üsulunun elmi əsaslarla tətbiqi və onun geniş yayılmasının təşkilatçısıdır.
Аббасов Сунгулу Али-оглы 1914г.р. ДОБАВИТЬ ФОТОГРАФИЮ ГЕРОЯО проекте "Дорога памяти" в Главном Храме Вооруженных сил России Год рождения: __.__.1914 красноармеец в РККА с __.__.1941 года Место рождения: Армянская ССР, Басаргечарский р-н, с. Дашкент