Anar Məcidzadə (Məcidzadə Anar 1988)

HƏYATI:

Anar Feyruz oğlu Məcidzadə 5 oktyabr 1988-ci ildə Göyçay rayonunda anadan olub. Şair, publisist, jurnalist, "Qızıl Qələm" mükafatı laureatı, Prezident təqaüdçüsü, Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü, Azərbaycan KİV İşçiləri Həmkarlar İttifaqının üzvü, Həsən bəy Zərdabi adına Cəmiyyətin fəxri üzvüdür. Əslən Şamaxıdan övliya (seyid) Eyyub babanın nəslindəndir, eləcə də milli mətbuatımızın və milli teatrımızın əsasını qoyan Həsən bəy Zərdabinin əmisinin nəvəsidir. Bakı Asiya Universitetində və Bakı Slavyan Universitetində ali təhsil alıb, ixtisasca filoloqdur. 2010-2011-ci illərdə Tərtər və Ağdam rayonlarında həqiqi hərbi xidmətdə olub. Ailəlidir.

ƏMƏK FƏALİYYƏTİ:

2006-2010-cu illərdə "Səs" qəzetində müxbir, 2012-2015-ci illərdə Lent.az İnformasiya Agentliyində müxbir, 2015-2016-cı illərdə Dini Qurumlarla İş üzrə Dövlət Komitəsinin (DQİDK) İctimaiyyətlə əlaqələr şöbəsində məsləhətçi vəzifələrində işləyib, 2016-cı ildən DQİDK-da baş məsləhətçi vəzifəsində çalışır. Dövlət qulluğunun kiçik müşaviridir. 2007-ci ildən Yeni Azərbaycan Partiyasının üzvüdür.

MÜKAFATLARI:

• "Qızıl Qələm" mükafatı laureatı (2014),

• Təhsil Nazirliyinin Fəxri diplomu (2014),

• Prezident təqaüdçüsü (2017),

• Dini Qurumlarla İş üzrə Dövlət Komitəsinin Fəxri Fərmanı (2022).

YARADICILIĞI:

1998-ci ildən bədii yaradıcılıqla məşğuldur, onlarla kitab və məqalənin müəllifidir.

• "Dünyada sözüm qalar" kitabı (2005),

• "Heydər zirvəsindən başlanan yol" kitabı (2009),

• "Dərsliklər haqqında" kitabı (2013.İlham Tumasla birgə),

• "Dini radikalizmlə mübarizə və gənclər: İmkanlar və perespektivlər" kitabı (2017.Orxan Maşayevlə birgə),

• "Seçilənlər" kitabı (2018),

• "Vətən sevgisi" kitabı (2019),

• "Sevgi yağışları" kitabı (2023).