Afaq Şıxlı Şixlinskaya
Afaq Şıxlı - həkim, şair, publisist, tərcüməçi
2011-ci ildən etibarən Beynəlxalq Yazıçılar və Publisistlər Assosiasiyasının, Moskva Şəhriyar Ədəbi Mədəni Cəmiyyətinin və Azərbaycan Məhsəti Şairələr məclisinin, 2012-ci ildən Avrasiya Yazarlar birliyinin üzvüdür.
Afaq Şıxlı 1969-cu il 25 iyunda Azərbaycan SSR-in Bakı şəhərində ziyalı ailəsində anadan olmuşdur. 1984-cü ildə 12 saylı orta məktəbi(on beş yaşında) qızıl medalla bitirərək N. Nərimanov adına Azərbaycan Tibb Universitetinin 2-ci müalicə-profilaktika fakültəsinə daxil olmuşdur. 1990-cı ildə 2-ci müalicə-profilaktika fakültəsini əla qiymətlərlə bitirərək, 2000-ci ilədək 15 saylı TSH-nin 5-ci şöbəsində həkim-terapevt işləmişdir. Hazırda Rusiya Federasiyasının Moskva şəhərində yaşayır. Təbabət, ədəbiyyat, musiqi və rəssamlıqla məşğul olur.
Ailəlidir. Iki övlad anasıdır.
Görkəmli alim Arif Şıxlinskinin qızı, böyük yazıçı İsmayıl Şıxlınin qohumudur.
Orta məktəbdə oxuyarkən məktəb Gənc şairlər dərnəyinin rəhbəri olmuşdur. Şeirləri divar qəzetlərində və bir neçə dəfə “Göyərçin” jurnalında dərc olunmuşdur. Son on ildə şeirləri və hekayələri respublika mətbuatında (çox sayda qəzet və jurnllarda), eləcə də, bir çox internet saytlarda dərc edilib. 1000-dən artıq şeir, hekayə və publisistik yazıların müəllifidir. 4 şeir və hekayələr toplusunu dərc olunmuşdur. Daha 4 kitabı nəşrə hazırdır. Türk və rus dillərindən bədii tərcümələri qəzet və jurnallarda dərc olunub. Öz şeirləri rus, türk və fransız dillərinə tərcümə olunaraq, bu ölkələrin qəzet və jurnallarında dərc olunub.
- "Qəlbimin dedikləri" (2003). Araz nəşriyyatı. Redaktor: Mehdi Şixlinski.
- "Sevərsənmi" (2005). Xəzər universiteti nəşriyyatı. Redaktor: Knyaz Aslan.
- "Məndən uzaqda" (2008). Xəzər universiteti nəşriyyatı. Redaktor: Knyaz Aslan.
- "Səni düşünürəm" [1] (2011). Adiloğlu nəşriyyatı. Redaktor: Elman Tovuz.