Əliyev Əli Əlisürət oğlu

Əliyev Əli Əlisurət oğlu 28 may 1970-ci ildə Zərdab rayonunda anadan olmuşdur. 1987-ci ildə Ş.Qurbanov adına Zərdab şəhər 2-li orta məktəbin 10-cu sinifini bitirərək, həmin ildə Lvov politexnik institutuna daxil olmuşdur. 1988-ci ilin iyul ayından 1989-cu ilin sentyabr ayınadək sovet ordusunda xidmət etmişdir. 1993-cü ildə Lvov politexnik institutunun "Mühəndis-iqtisad" fakultəsini "Tikintidə iqtisadiyyat və idarəetmə" ixtisası üzrə bitirmişdir. 01 dekabr 1995-ci ildən 01 aprel 1997-ci il tarixədək Zərdab rayonu üzrə Dövlət Vergi Müfəttişliyində "Vergi qanunvericiliyinə və dövlət qiymət intizamına nəzarət" şöbəsində baş müfəttiş, 01 aprel 1997-ci il tarixdən 15 mart 2000-ci il tarixədək "Nağd hesablaşmaların aparılması qaydalarına nəzarət" bölməsinin rəhbəri vəzifəsində işləmişdir. 20 noyabr 2002-ci il tarixdən Zərdab Rayon İcra Hakimiyyəti başçısı Aparatında aparıcı məsləhətçi vəzifəsində işləmişdir. Dövlət qulluğunda səmərəli fəaliyyətinə görə Azərbaycan Respublikasının Prezidenti cənab İlham Əliyevin 23 iyun 2020-ci il tarixli sərəncamı ilə "Dövlət qulluğunda fərqlənməyə görə" medalı ilə təltif edilmişdir. 06 iyun 2022- ci il tarixdən Zərdab Rayon İcra Hakimiyyəti başçısının Zərdab şəhər inzibati ərazi dairəsi üzrə nümayəndəsi vəzifəsinə təyin edilmişdir. Ailəlidir, iki övladı var.