Ədalat Abdinov

Ədalət İdris oğlu Abdinov – 16 oktyabr 1958-ci ildə Azərbaycan Respublikasının Masallı rayonunun Bədəlan kəndində anadan olmuşdur. Sentyabr 1975-ci ildə Ümumittifaq Lenin Kommunist Gənclər İttifaqınına daxil olmuşdur. Komsomol bileti № 18407554 1976 –cı ildə Masallı rayonu, Bədəlan kənd orta məktəbini bitirmişdir. 08.05.1976 – 09.11.1976 –cı ildə Masallı rayonu, Bədəlan çay fabrikində fəhlə işləmişdir. 10.11.1976 - 25.10.1978-ci illərdə Sovet Ordusunun Almaniya Demokratik Respublikasındakı hərbi hissəsində xidmət etmişdir. 06.12.1978 – 13.12.1979-cu illərdə Masallı rayonu, Bədəlan çay fabrikində fəhlə işləmişdir. 21.02.1979-cu ildə SSRİ Həmkarlar İttifaqlarının üzvlüyünə qəbul olunur. Bilet № 04046883 1979-cu ildə S.M.Kirov adına Azərbaycan Dövlət Universitetinin dövlət ödənişli hazırlıq şöbəsinə daxil olmuşdur. 17.02.1984-cü ildə SSRİ Jurnalistlər İttifaqına üzv qəbul olunmuşdur. 1985-ci ildə S.M.Kirov adına Azərbaycan Dövlət Üniversitetinin Kitabxanaşünaslıq və biblioqrafiya fakültəsini bitirmişdir. SSRİ Müdafiə Nazirliyinin 30.07.1985-ci il tarixli 101 nömrəli əmri ilə leytenant hərbi rütbəsinə layiq görülmüşdür. 1983-1985- tədris illərində Azərbaycan Jurnalistlər İttifaqının Jurnalist Sənətkarlığı İnstitutunu bitirmişdir. 29.10.1985 – 07.02.1986-cı illərdə Azərbaycan Respublikası Təhsil Nazirliyi REPK-da redaktor; 17.05.1986 – 18.07.1987-ci illərdə Bakı Plan-Uçot kitabxanasında kitabxana müdiri; may 1990-cı ildə Sovet İttifaqı Kommunist Partiyasına üzv qəbul olunur. Partiya bileti №25524266 20.07.1987 – 14.03.1991-ci illərdə Azərbaycan Kommunist Partiyası Abşeron Rayon Komitəsinin orqanı olan “Abşeron” qəzetində ədəbi işçi – müxbir, kənd təsərrüfatı şöbəsinin müdiri və məsul katib; 14.03.1991 – 03.06.1991-сi illərdə Azərbaycan Həmkarlar İttifaqları Konfedrasiyasının orqanı olan “Ülfət” qəzeti redaksiyasında xüsusi müxbir; 03.06.1991 – 15.06.1992 –ci illərdə Azərbaycan Respublikası Təhsil Nazirliyinin orqanı olan “Gənc fəhlə” bülleteni redaksiyasında redaksiya heyətinin mütəxəssisi və məsul katib; 15.06.1992 – 01.03.1993-cü illərdə Azərbaycan Respublikası Nazirlər Kabinetinin orqanı olan “İqtisadiyyat və həyat” jurnalı redaksiyasında xüsusi müxbir və şöbə redaktoru; 26.01.1994 – 14.02.2013-cü illərdə “Tribuna” ictimai-siyasi qəzetinini baş redaktoru; 14.02.2013-cü ildən Azərbaycan – Qazaxstan Dostluq Cəmiyyətinin vise prezidenti vəzifəsində işləyir.