Əbutalib Axundov

Mən Əbutalib Axundov, 19 yaşım var. Azərbaycan İdman Akademiyasının üçüncü kurs tələbəsiyəm. Məni daha yaxından tanımağınız üçün "Əbutalib kimdir?" sualını daha dərindən və "öz" tərzimdə cavablamağa çalışacam. Gələcəyin gənclərin əlində olduğuna inanıram və mən də bir gəncəm.

Yaxşı, bəs bir gənc olaraq, gələcəyimiz üçün mən nə edirəm?

İstəsək də, istəməsək də, gələcəyi bizlər inşa edəcəyik. Gələcəyimizi dəyişməyə özümüzü dəyişməklə başlamalıyıq və mən buna düşüncələrimin yeni-yeni formalaşdığı, gələcək planları qurmağa başladığım həmin vaxtlarda — tam olaraq 4 il bundan əvvəl, əhvalımın heç olmadığı qədər pis olduğu, həmin günə qədərki bütün düşüncələrimin və sərhədlərimin qırıldığı bir gündə başlamışam. Həmin gün qeydlərimə yazdığım ilk söz "Kədərin Xoşbəxtliyi" olmuşdu ki, bu söz sonradan mübarizəmin simvolik qarşılığı olacaqdı.