İstanbul Oyuncaq Muzeyi
İstanbul Oyuncaq Muzeyi İstanbulun Göztəpə məhəlləsində yerləşən, 2005-ci ildə şair Sunay Akın tərəfindən yaradılmış oyuncaq muzeyidir.
| İstanbul Oyuncaq Muzeyi | |
|---|---|
 Muzey binası | |
 | |
| Əsası qoyulub | 23 aprel 2005 |
| Açılış tarixi | 23 aprel 2005 |
| Təsisçi | Sunay Akın |
| Ölkə | |
| Yerləşir | Göztəpə, Kadıköy, İstanbul |
| Kolleksiyası | 4000 eksponat |
| Muzeyə yetişmək |
Avtobus nömrələri: 10B, 10S, 14ÇK, 17, 17L, 19F, 19M, 19S, GZ1, GZ2, ER1, ER2 |
| 40°58′33″ şm. e. 29°04′14″ ş. u. | |
| Oyuncaq və Oyuncaq Muzeyləri Birliyi[1] | |
| istanbuloyuncakmuzesi.com | |
 Vikianbarda əlaqəli mediafayllar | |
Muzeyin kolleksiyası Sunay Akının muzey yaratmaq məqsədilə 20 il ərzində 40-dan artıq ölkədən satın aldığı, müxtəlif mədəniyyətləri təmsil edən antik oyuncaqlardan ibarətdir. Açılışı 23 aprel 2005-ci ildə baş tutan bu muzey Türkiyənin digər şəhərlərində yaradılan oyuncaq muzeyləri üçün nümunə olmuşdur.
Almaniyanın Nürnberq şəhərindəki oyuncaq muzeyini ziyarət etdikdən sonra oyuncağın tarixi ilə bağlı araşdırmalar aparan şair Sunay Akın, Türkiyədə bir oyuncaq muzeyi yaratmaq məqsədilə 20 il ərzində kolleksionerlərdən oyuncaqlar satın almış və 2005-ci ildə İstanbulun Göztəpə məhəlləsində ailəsindən qalan tarixi köşkdə bu muzeyi təsis etmişdir[3][4].
Açılışı 23 aprel 2005-ci ildə baş tutan muzey, 1990-cı ildə Ankara Universitetinin nəzdində yaradılmış muzeydən sonra Türkiyənin ikinci oyuncaq muzeyidir. Muzeyin idarəçiliyini Sunay Akının həyat yoldaşı, fəlsəfə müəllimi Bəlgin Akın öz üzərinə götürmüşdür. Muzeyin dizaynı isə səhnə tərtibatçısı Ayxan Doğan tərəfindən hazırlanmışdır[5].
İstanbul Oyuncaq Muzeyi 2012-ci ildə Avropa Muzeylər Akademiyası tərəfindən Avropanın ən yaxşı 13 oyuncaq muzeyindən biri seçilmişdir[6]. Eyni ilin noyabr ayında, dünya üzrə oxşar muzeyləri bir araya gətirmək məqsədilə Sunay Akın tərəfindən yaradılmış Oyuncaq və Uşaq Muzeyləri Birliyi’nin (TOYCO) ilk görüşünə ev sahibliyi etmişdir.
Muzey, Antalya, Ataşəhər və Qaziantep şəhərlərində Sunay Akının məsləhətçiliyi və kuratorluğu ilə yeni oyuncaq muzeylərinin açılması üçün nümunə olmuşdur[7].
Muzeyin həyat hekayəsi, 2005-ci ildən bəri muzeydə könüllü çalışan təqaüdçü pilot Gürol Qutlunun öz həyat hekayəsi və oyuncaq xatirələrini də əhatə edən “Bir Oyuncaq Muzeyi Hekayəsi” (2014) adlı kitaba mövzu olmuşdur[8].
İstanbul Oyuncaq Muzeyi, yaradılmasına ilham verən Nürnberg Oyuncaq Muzeyində 2023-cü ildə bir illik “Türkiyə Oyuncaqları” sərgisini açmışdır[9].
Muzeyin loqosu, yellənən taxta eşşəyin (uzunqulaq) üzərində Molla Nəsrəddin kimi tərs oturmuş Kəloğlan fiqurundan ibarətdir.
Muzeyin bağçasında qızılı, gümüşü və bürünc rənglərdə, real ölçüdə hazırlanmış üç beton zürafə heykəli yerləşdirilmişdir. Gecələr küçə lampası funksiyasını daşıyan bu heykəllər, eyni küçədə yerləşən Münif Tahir Paşanın köşkündə (hazırda Kazım Qarabəkir Köşkü) keçmişdə mövcud olmuş zürafə heykəlinin xatirəsini yaşadır[10]. Bağçada həmçinin Kəloğlan və Molla Nəsrəddinin heykəlləri də mövcuddur.
-
İkinci Dünya müharibəsi dövrünə aid oyuncaqlar -
Müjdat Gәzәn tərəfindən hədiyyə edilmiş oyuncaqlar -
1820-ci ilə aid oyuncaq, muzey kolleksiyasının ən qədim eksponatıdır -
1910-cu ilə aid Alman oyuncaqları -
Zürafə heykəli
- ↑ http://www.toyco.eu/bizkimiz.php (#bare_url_missing_title).
- ↑ 1 2 GeoNames (ing.). 2005.
- ↑ https://www.emlaktasondakika.com/sektorden-haberler/sunay-akin-istanbul-oyuncak-muzesi-destekciler-sayesinde-ayakta-duruyor-29354.html (#bare_url_missing_title).
- ↑ https://www.evrensel.net/haber/242286/oylanmak-icin-degil-hayal-kurmak-icin (#bare_url_missing_title).
- ↑ https://arsiv.sabah.com.tr/2008/01/12/ct/haber,319233D2544F49C3BC25A58564C541E8.html (#bare_url_missing_title).
- ↑ (Türkçe) https://www.hurriyet.com.tr/aile/istanbul-oyuncak-muzesiin-basarisi-406274 (#bare_url_missing_title).
- ↑ http://www.istanbuloyuncakmuzesi.com/hikayemiz.php (#bare_url_missing_title).
- ↑ https://www.iskultur.com.tr/bir-oyuncak-muzesi-hikayesi.aspx (#bare_url_missing_title).
- ↑ (Türkçe) https://www.istanbulsanatdergisi.com/almanyada-turkiye-oyuncaklari-sergisi-aciliyor/ (#bare_url_missing_title). (#first_missing_last)
- ↑ (Türkçe) https://gezgindergi.com/istanbulda-bir-oyuncak-muzesi/ (#bare_url_missing_title). (#first_missing_last)
- https://istanbuloyuncakmuzesi.com/ rəsmi sayt
- http://www.toyco.eu%7CTOYCO rəsmi sayt