İstanbul lalə festivalı

İstanbul lalə festivalı — lalə mövsümü mövzusu ətrafında, İstanbulun park və bağlarında keçirilir. Yaz aylarında minlərlə lalə əkilir, İstanbulun bir çox ərazisini lalələr bürüyür. 2018-ci ildə park və bağlarda təxminən 13 milyon lalə əkilib^[1]. 2018-ci ildə ümumilikdə 30 milyon lalə əkilib.2018-ci ildə parklarda maksimum 125, minimum 45 növ lalə əkilib^[2]. 2015-ci ildə Sultanahmet meydanında 545.000 lalədən hazırlanmış dünyada ilk xalça sərgiləndi^[3].

Aprel ayı istanbullular və şəhərin qonaqları üçün Lalə Festivalı ilə yadda qalır. Hər ilin apreli İstanbulun Emirgan qoruğu, Gülhanə parkı, Sultan Əhməd meydanı kimi müxtəlif bölgələri lalələrlə bəzədilir. 2024-cü ildə keçirilən festival çərçivəsində şəhərin müxtəlif yerlərində 158 növ lalə, 7 növ sünbül, 8 növ nərgiz olmaqla, ümumilikdə 7 milyon 962 min 701 gül əkilib. Festivalın adı Osmanlı imperiyasının bir dövrünü tərənnüm edir. Osmanlı padşahlarından III Ahmetin hakimiyyətinə təsadüf edən (1718-1730-cu illər) “Lalə dövrü” əyləncə illəri kimi tanınır və adını çox sonralar İstanbulda yetişdirilən, zamanla bütün dünyada məşhurlaşan lalə çiçəklərindən alıb. Bəzi mənbələrdə o dövrdə İstanbulda 200-dək lalə növünün yetişdirildiyi barədə məlumatlar var. Hər il konsertlər, foto və rəsm sərgiləri, idman yarışları kimi müxtəlif tədbirlərlə yadda qalan festival çərçivəsində 2015-ci ildə İstanbulun Sultanahmet meydanında 545 min lalədən istifadə edilərək dünyada ilk dəfə çiçəkdən hazırlanan xalça sərgilənib^[4].