Vikipediya ?

İsmayılov Mirnuh

Həyatı

İsmayılov Mirnuh Cavad oğlu 1954-cü ildə Masallı rayonunun Ərkivan kəndində anadan olmuşdur. 1976-cı ildə ADPİ-nun coğrafiya fakültəsini bitirib coğrafiyaçı ixtisası almışdır. 1980-1983-cü illərdə Azərbaycan MEA Coğrafiya institutunun aspiranturasında oxumuşdur. 1983-1985-ci illərdə həmin institutun «Mikroiqlim» bölməsində böyük mühəndis, sonralar kiçik elmi işçi, 1987—ci ildən «Fiziki coğrafiya» şöbəsində kiçik elmi işçi, elmi işçi, böyük elmi işçi, aparıcı elmi işçi vəzifəsində işləmişdir.

Elmi naliyyətləri

1990-cı ildə «Şollar və Lənkəran düzənlikləri düzən-meşə landşaftlarının dinamikası və onlardan səmərəli istifadə edilməsi» mövzusunda namizədlik dissertasiyası müdafiə etmişdir. M.C.İsmayilov Azərbaycanın Xəzərsahili düzənliklərində müasir landşaftların dinamikası və onların ekoloji vəziyyətinin qiymətləndirilməsi istiqamətində kompleks tədqiqatlar aparmış, Böyük Qafqazın cənub-şərq və Kiçik Qafqazın şimal-şərq hissələrində müasir antropogen və təbii landşaftların geofiziki xü­susiyyətlərini, inkişaf tendensiyalarını yeni metodlarla yarımstasionar şəraitdə tədqiq etmişdir. Bu sahədə bir sıra elmi əsərlərin müəllifidir. Hazırda əsas elmi maraq dairəsi müasir land­şaftların inkişaf tendensiyalarının və ekoloji vəziyyətinin tədqiqidir. 50-dən çox elmi əsərin və bir sıra elmi populyar məqalələrin müəllifidir. Uzun illərdir Azərbaycan Coğrafiya Cə­miyyətinin məsul işçilərindən biri kimi fəaliyyət göstərir.

Mənbə

  • «Azərbaycanın coğrafiyaçı alimləri», Bakı: «Elm», 2013, 204 səh.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18