Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİsmayıl Xəlil oğlu Hüseynov (16 noyabr 1974, Naxçıvan) — sabiq Azərbaycan Respublikasının Strateji Obyektlərin Mühafizəsi Dövlət Agentliyi rəisinin birinci müavini (2023–2025), Dövlət Gömrük Komitəsi sədrinin birinci müavini (2018–2023), general-mayor, gömrük xidməti general-leytenantı (2020).
| İsmayıl Hüseynov | |
|---|---|
  | |
| 18 iyun 2023 – 15 oktyabr 2025 | |
| Rəis | İlqar Abbasov |
| 25 iyun 2018 – 18 iyun 2023 | |
| Sədr | Səfər Mehdiyev Şahin Bağırov |
| Əvvəlki | Səfər Mehdiyev |
| Sonrakı | Bəhruz Quliyev |
| Şəxsi məlumatlar | |
| Doğum tarixi | 16 noyabr 1974 (50 yaş) |
| Doğum yeri | |
| Təhsili | |
| Rütbəsi |
 General-mayor  Gömrük xidməti general-leytenantı |
|
|
|
| Təltifləri |
        |
İsmayıl Xəlil oğlu Hüseynov 1974-cü ildə anadan olmuşdur. 1991-ci ildə Naxçıvan Dövlət Universitetinin İstehsalın iqtisadiyyatı və idarə edilməsi fakültəsinə qəbul olunmuş və 1996-cı ildə həmin universiteti bitirərək magistr dərəcəsi almışdır.[1] 2012-ci ildə Bakı Dövlət Universitetinin Hüquq fakültəsini, 2017-ci ildə isə Azərbaycan Respublikasının Prezidenti yanında Dövlət İdarəçilik Akademiyasının Menecment fakültəsini bitirərək bakalavr dərəcələrini almışdır.[2]
1995-ci ildən gömrük orqanlarında xidmətə başlamış, 1995–1998-ci illərdə Naxçıvan Muxtar Respublikası Dövlət Gömrük Komitəsi Culfa Gömrük İdarəsində Maliyyə-tarif şöbəsinin inspektoru və mühasibat uçotu və nəzarət bölməsinin rəisi vəzifələrində, 1998–1999-cu illərdə isə Bakı Baş Gömrük İdarəsinin "Bərə keçidi" gömrük postunun inspektoru, Maliyyə-tarif şöbəsinin inspektoru vəzifələrində işləmişdir. 1999–2000-ci illərdə Azərbaycan Respublikasının Silahlı Qüvvələrində hərbi xidmətdə olmuş, tərxis olunduqdan sonra gömrük orqanlarında xidməti fəaliyyətini davam etdirərək müxtəlif vəzifələrdə çalışmışdır. 2001–2004-cü illərdə Bakı Baş Gömrük İdarəsinin "Səbail" gömrük postunda baş inspektor, 2004–2018-ci illərdə Avtonəqliyyat Baş Gömrük İdarəsi rəisinin müavini və idarənin rəisi vəzifələrində çalışmışdır.[2]
İsmayıl Hüseynov 29 may 2018-ci ildə Avtonəqliyyat Baş Gömrük İdarəsi rəisi vəzifəsindən azad edilərək Bakı Baş Gömrük İdarəsinin rəisi vəzifəsinə[3], 25 iyun 2018-ci ildə isə Dövlət Gömrük Komitəsi sədrinin birinci müavini vəzifəsinə təyin olunmuşdur.[2] Paralel olaraq 2022-ci ilin avqust ayından Bakı Baş Gömrük İdarəsinin rəisi vəzifəsini müvəqqəti icra etmişdir.[4] Gömrük orqanlarında çalışarkən, 27 yanvar 2017-ci ildə ona gömrük xidməti general-mayoru[5], 30 yanvar 2020-ci ildə isə gömrük xidməti general-leytenantı[6] ali xüsusi rütbələri verilmişdir.
2023-cü ilin iyun ayında İsmayıl Hüseynov Dövlət Gömrük Komitəsi sədrinin birinci müavini vəzifəsindən azad edilərək Azərbaycan Respublikasının Strateji Obyektlərin Mühafizəsi Dövlət Agentliyi rəisinin birinci müavini təyin edilmişdir.[7] 2025-ci ilin oktyabrın öz ərizəsi ilə işdən ayrılmışdır.[8] General-mayor ali hərbi rütbəsindədir.
İsmayıl Hüseynov Azərbaycan Respublikası Prezidentinin müvafiq sərəncamları ilə 31 yanvar 2008-ci ildə "Dövlət qulluğunda fərqlənməyə görə" medalı ilə[9], 29 yanvar 2019-cu ildə 3-cü dərəcəli "Vətənə xidmətə görə" ordeni ilə[10] təltif edilmiş, bir sıra yubiley medallarına layiq görülmüşdür.
Ailəlidir, 2 övladı var.
- ↑ "Hüseynov İsmayıl Xəlil oğlu". Azərbaycan Respublikasının Dövlət Gömrük Komitəsi. 2 iyul 2022 tarixində orijinalından arxivləşdirilib.
- ↑ 1 2 3 "Hüseynov İsmayıl Xəlil oğlu". Azərbaycan Respublikasının Dövlət Gömrük Komitəsi. 27 dekabr 2021 tarixində orijinalından arxivləşdirilib.
- ↑ "Bakı Baş Gömrük İdarəsinin rəisi dəyişib". Report İnformasiya Agentliyi. 29 may 2018. 25 mart 2024 tarixində arxivləşdirilib. İstifadə tarixi: 25 mart 2024.
- ↑ "Bakı Baş Gömrük İdarəsinin rəisi vəzifəsinin icrası DGK sədrinin I müavininə tapşırılıb". Report İnformasiya Agentliyi. 1 sentyabr 2022. 25 mart 2024 tarixində arxivləşdirilib. İstifadə tarixi: 25 mart 2024.
- ↑ "Azərbaycan Respublikası Dövlət Gömrük Komitəsinin əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 5 yanvar 2019 tarixində arxivləşdirilib. İstifadə tarixi: 15 mart 2024.
- ↑ "Azərbaycan Respublikası Dövlət Gömrük Komitəsinin əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 15 mart 2024 tarixində arxivləşdirilib. İstifadə tarixi: 15 mart 2024.
- ↑ "Gömrük generalı yüksək vəzifəyə təyin olundu". 18 iyun 2023. 25 mart 2024 tarixində arxivləşdirilib. İstifadə tarixi: 25 mart 2024.
- ↑ "Məşhur general işdən azad edildi". Oxu.az (az.). İstifadə tarixi: 15 oktyabr 2025.
- ↑ "Azərbaycan Respublikası Dövlət Gömrük Komitəsinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". e-qanun.az. 25 mart 2024 tarixində arxivləşdirilib. İstifadə tarixi: 25 mart 2024.
- ↑ "Azərbaycan Respublikasının Dövlət Gömrük Komitəsi əməkdaşlarının təltif edilməsi haqqında Azərbaycan Respublikası Prezidentinin Sərəncamı". e-qanun.az. 25 mart 2024 tarixində arxivləşdirilib. İstifadə tarixi: 25 mart 2024.