Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİsmayıl Əhmədov (27 noyabr 1907, Nuxa – 18 fevral 1986) —Qafqaz Müsəlmanları İdarəsinin 10-cu müftisi olmuşdur.[1][2]
| İsmayıl Əhmədov | |
|---|---|
| Doğum tarixi | |
| Doğum yeri | Nuxa, Rusiya İmperiyası |
| Vəfat tarixi | |
| Vəfat yeri | Bakı, Sovet İttifaqı |
| Vətəndaşlığı |
Rusiya İmperiyası Azərbaycan SSR |
| Milliyyəti | Azərbaycanlı |
| Dini | Sünni İslam |
| Fəaliyyəti | mufti |
| Mükafatları | “Stalinqradın müdafiəsinə görə” və “Hərbi xidmətlərə görə” |
İsmayıl Əhmədov 27 noyabr 1907-ci ildə Şəkidə anadan olmuşdur. 1916–1918-ci illərdə Şəki ibtidai məktəbində, daha sonra şəhər məktəbində təhsil almış, 1923–1930-cu illərdə isə mədrəsədə oxumuşdur. 1936-cı ildə ailə həyatı qurmuşdur.
1941-ci il 23 iyunda İkinci Dünya müharibəsi zamanı Nuxa (indiki Şəki) hərbi komissarlığından orduya çağırılmışdır. O, “Stalinqradın müdafiəsinə görə” və “Hərbi xidmətlərə görə” medalları ilə təltif edilmişdir.[1][3][4]
1945–1967-ci illərdə Nuxa istehlak xidməti müəssisəsində bərbər kimi çalışmış, daha sonra Bakıya köçərək demək olar ki, iki ilə yaxın Hacı Əjdərbəy (Göy) məscidində molla vəzifəsində fəaliyyət göstərmişdir.[1]
1969-cu ilin mayında Hacı İsmayıl Əhmədov Zaqafqaziya Müsəlmanları Ruhani İdarəsinin plenumunda Hacı İsmayıl Əhmədov sədr müavini – müfti seçilir. . Ali dini təhsili olmayan yeni müfti dövləti loyal mövqeyi və mülayim xarakteri ilə tanınırdı. O, təbliğat aparmaqda çox da həvəsli olmasa da, xoş münasibəti sayəsində sünni icmasının rəğbətini qazana bilmişdi.[1]
1970 və 1973-cü illərdə müfti İsmayıl Əhmədov Məkkəni ziyarət etmişdir. Bununla yanaşı, bir sıra xarici ölkələrə səfərlər etmiş, müxtəlif beynəlxalq müsəlman toplantılarında və sülh konfranslarında iştirak etmişdir.[1][5]
İsmayıl Əhmədov 18 fevral 1986-cı ildə 78 yaşında Bakıda vəfat etmişdir. Onun ölümündən sonra müfti vəzifəsi 1989-cu ilə qədər vakant qalmışdır. 1932-ci ildə yazdığı "Ramazan" adlı qəsidəsi ölümündən sonra dərc olunmuşdur.[5][6]
- ↑ 1 2 3 4 5 Nurullayev, Fuad. ""Şeyxulislamlıq zirvəsi: Hacı Allahşükür Paşazadə" (PDF). Wayback Machine. Baku: Nurlar. səh. 116-117. ISBN 978-9952-490-50-3. Archived from the original on 2 mart 2017. İstifadə tarixi: 31 yanvar 2023.
- ↑ Həmidov, Ənvər. O torpağın övladları. Baku: Nurlan. 2006. 70–71.
- ↑ "Ахмедов Исмаил Гаджикадар-оглы". pamyat-naroda.ru. 31 yanvar 2023 tarixində arxivləşdirilib. İstifadə tarixi: 31 yanvar 2023.
- ↑ "Ахмедов Исмаил Гаджи Кадыр-оглы". pamyat-naroda.ru. 31 yanvar 2023 tarixində arxivləşdirilib. İstifadə tarixi: 31 yanvar 2023.
- ↑ 1 2 Orsər, Ramiz. Şəkidən gələn səslər. Baku: Elm və təhsil. 2018. 201–202.
- ↑ ŞAZ-1. İsmayıl Əhmədov (müfti) (az.). Baku: Bakı Universiteti Nəşriyyatı. 2002. 78.