İsmət Büyükataman (22 dekabr 1953, Mərzifon, Amasya ili) — müəllim və siyasətçi; Türkiyə Böyük Millət Məclisinin 23, 24, 25, 26, 27 və 28-ci çağırışlarının deputatı.[1]
| İsmət Büyükataman | |
|---|---|
Türkiyə Böyük Millət Məclisinin 23, 24, 25, 26, 27 və 28-ci çağırışlarının deputatı | |
Vəzifədədir | |
| 23 iyul 2007-ci ildən | |
| Seçki dairəsi | 2007 — Bursa 2011 — Bursa iyun, 2015 — Bursa noyabr, 2015 — Bursa 2018 — Bursa (1.) 2023 — Bursa (1.) |
| Şəxsi məlumatlar | |
| Doğum tarixi | 22 dekabr 1953 (71 yaş) |
| Doğum yeri | |
| Vətəndaşlığı |
 Türkiyə |
| Partiya | |
| Təhsili |
|
| Fəaliyyəti | siyasətçi |
İsmət Büyükataman 1953-cü ildə Amasya ilinin Mərzifon ilçəsində anadan olub. Bursa Təhsil İnstitutu Riyaziyyat Bölməsindən məzun olub. AİTİA İdarəetmə Elmləri İnstitutunda magistr dərəcəsi alıb.[1]
1975-1978-ci illərdə Hatay ilinin Reyhanlı ilçəsində müəllim olaraq çalışıb. 80-ci illərdə MAYAŞ Nəşriyyatının yaradıcılarından olub. 1983-cü ildə nəşr olunan milliyətçi Hamle jurnalının sahibi olub.
1984-1997-ci illərdə inşaat və podrat işləri ilə məşğul olub. Bu illərdə Milliyətçi HİK üzvü olub.[1] 1984-1986-cı illərdə Milliyətçi HİK Bursa şöbəsinin sədri olub.
1997-ci ildə Devlet Bahçelinin MHP sədri seçilməsindən sonra MHP üzvü olub. 1997-1999-cu və 2000-2022-ci illərdə MHP Bursa il sədri vəzifəsində çalışıb. 1997, 2003, 2006 və 2009-cu illərdə MHP İdarə Heyətinin üzvü, 2011, 2012, 2015 və 2018-ci illərdə isə MHP Baş Katibi seçilib.[1]
8 noyabr 2009—20 iyun 2011-ci illərdə MHP sədrinin siyasi məsələlər və parlamentlə əlaqələr üzrə müavini vəzifəsində çalışıb. 20 iyun 2011-ci ildən isə MHP Baş Katibidir.
2007, 2011, iyun 2015, noyabr 2015, 2018 və 2023-cü illərdə MHP namizədi olaraq Bursa ilindən Türkiyə Böyük Millət Məclisinin 23, 24, 25, 26, 27 və 28-ci çağırışlarının deputatı seçilib.[1]
- ↑ 1 2 3 4 5 6 TBMM. "İsmet BÜYÜKATAMAN". www.tbmm.gov.tr (türk). 10.01.2024. 2024-02-04 tarixində arxivləşdirilib. İstifadə tarixi: 10.01.2024.