İsgəndər bəy Axundov

İsgəndər bəy Axundov
İsgəndər bəy Axundov
Azərbaycan Xalq Cümhuriyyəti Parlamentinin üzvü
	Sentyabr 1919 – 27 aprel 1920
Fraksiya	Bitərəflər fraksiyası; İttihad fraksiyası
Şəxsi məlumatlar
Doğum tarixi	1862
Doğum yeri	Şamaxı, Şamaxı qəzası, Bakı quberniyası, Rusiya imperiyası;
Vəfat tarixi	1933
Partiya	İttihad Partiyası (1919–);
Təhsili	Yagellon Universiteti (–1890);
Fəaliyyəti	vəkil
Uşaqları	Əjdər bəy Axundov,; Sona xanım Axundova;

İsgəndər bəy Axundov və ya İsgəndər Axundzadə (1862, Şamaxı – 1933) — vəkil, Azərbaycan Xalq Cümhuriyyəti Parlamentinin üzvü.

Həyatı

İsgəndər bəy Axundov 1862-ci ildə Şamaxı şəhərində anadan olub. Molla yanında ibtidai təhsil alıb. Sonra gimnaziyada oxuyub. Züleyxa xanım Bayraməlibəyova ilə ailə qurub. 1890-da Krakov Yagilon Universitetini bitirib. İsgəndər bəy 1933-cü ildə vəfat edib.

Siyasi fəaliyyəti

Əsəd bəy Əmirov 1919-cu ilin sentyabrında Şamaxı Şəhər İdarəsi tərəfindən Azərbaycan Xalq Cümhuriyyəti Parlamentinin üzvü seçilmişdir. Sənədləri 18 sentyabr tarixində təsdiqlənmişdir. Əvvəlcə İsgəndət bəy parlamentdə bitərəflər fraksiyasının üzvü olmuşdur. Parlamentin 18 oktyabr 1919 tarixli sayca səksən beşinci iclasında isə İsgəndər bəy Axundovun bitərəflər fraksiyasından çıxdığı və Cəmil bəy Lənbəranski ilə birgə İttihad fraksiyasına daxil olduğu elan olundu.

Partiya fəaliyyəti

İsgəndər bəy Axundov 1919-cu ildən İttihad Partiyasının üzvü olmuşdur. 1920-ci ilin yanvar ayının 25-də saat 1-də Bakı İctimai Məclisinin zalında İttihad Partiyasının II Qurultayı keçirildi. Qurultayda ümumilikdə 1000 qurultay nümayəndəsi iştirak etmişdir. 4 gün davam edən qurultayda İsgəndər bəy Axundzadə parlament üzvü olduğu üçün birbaşa Mərkəzi Komitənin üzvü seçilmişdir.

Ailəsi

Xanımı Züleyxa xanım Bayraməlibəyova
- Oğlu Əjdər bəy Axundov — Cümhuriyyət tələbəsi.
- Qızı Sona xanım Axundova
  - Kürəkəni Əbülfəz Qarayev
  - Nəvəsi Qara Qarayev
  - Nəvəsi Mürsəl Qarayev
- Qızı Ceyran xanım Axundova
  - Kürəkəni Mirəsədulla Mirqasımov
  - Nəvəsi Mirələsgər Mirqasımov
  - Nəvəsi Oqtay Mirqasımov

Mənbə

Азербайджанская Демократическая Республика: 1918–1920: законодательные акты. Azərbaycan Nəşriyyatı. 1998. 560.
Oqtay Əsədov, Rafael Cəbrayılov. Azərbaycan Respublikasının Parlamenti (PDF). Bakı. 2008.
Azərbaycan Xalq Cümhuriyyəti (1918–1920), Parlament (Stenoqrafik hesabatlar). I kitab (PDF). Bakı: Azərbaycan nəşriyyatı. AZƏRBAYCAN RESPUBLİKASI NAZİRLƏR KABİNETİNİ YANINDA BAŞ ARXİV İDARƏSİ. 1998. səh. 976.
Azərbaycan Xalq Cümhuriyyəti (1918–1920), Parlament (Stenoqrafik hesabatlar). II kitab (PDF). Bakı: Azərbaycan nəşriyyatı. AZƏRBAYCAN RESPUBLİKASI NAZİRLƏR KABİNETİNİ YANINDA BAŞ ARXİV İDARƏSİ. 1998. səh. 992.
Altay Göyüşov. Azərbaycanda ittihadçılıq. Bakı. 1997.