İsaxan Qara oğlu Aşurov (1 avqust 1955, Faxralı, Bolnisi rayonu – 22 iyun 2012, ABŞ) — Azərbaycan hüquqşünası. 1996-cı ildən etibarən vəkil kimi fəaliyyət göstərmiş, çoxsaylı siyasi məhbusların və vicdan məhbusu hesab edilən şəxslərin hüquqlarını müdafiə etmişdir.[1]
| İsaxan Aşurov | |
|---|---|
| Doğum tarixi | 1 avqust 1955 |
| Doğum yeri | |
| Vəfat tarixi | 22 iyun 2012 (56 yaşında) |
| Vəfat yeri | |
| Vəfat səbəbi | xərçəng xəstəliyi |
| Dəfn yeri | |
| Təhsili | |
| Fəaliyyəti | insan hüquqları fəalı, vəkil |
| Fəaliyyət illəri | 1996–2012 |
| Partiyası | |
| Üzvlüyü | |
İsaxan Qara oğlu Aşurov 1 avqust 1955-ci ildə Gürcüstanın Bolnisi rayonunun Talaveri kəndində anadan olmuşdur. 1972-ci ildə Talaveri kənd orta məktəbini bitirmiş, həmin il S. Kirov adına Azərbaycan Dövlət Universitetinin hüquq fakültəsinə daxil olmuş və 1977-ci ildə ali təhsilini başa vurmuşdur.[2]
1977–1981-ci illərdə Qazax rayon polis şöbəsində müstəntiq, 1981–1984-cü illərdə Tovuz rayon polis şöbəsində müstəntiq, 1984–1989-cu illərdə isə SSRİ Daxili İşlər Nazirliyinin Baş İstintaq Qrupunun istintaq briqadasında müstəntiq vəzifəsində çalışmışdır. 1989–1991-ci illərdə Tovuz rayon polis şöbəsinin istintaq bölməsinin rəisi, 1991–1992-ci illərdə Göyçay rayon polis şöbəsinin baş müstəntiqi, 1992–1993-cü illərdə isə Qazax rayon polis şöbəsinin rəisi vəzifəsində fəaliyyət göstərmişdir. 1996-cı ildən etibarən vəkil kimi çalışmış, Azərbaycan Respublikasının Vəkillər Kollegiyasının üzvü olmuşdur.[2]
Aşurov 2003-cü il prezident seçkilərindən sonra 15–16 oktyabr hadisələri zamanı həbs olunmuş müxalifət fəallarının hüquqlarını müdafiə etmişdir.[3] O həmçinin, bir sıra siyasi məhbusların müdafiəsini həyata keçirmişdir. Bunlar sırasında 2007-ci ildə həbs olunmuş jurnalist Eynulla Fətullayev,)[4] 2007-ci ildə həbs edilmiş yazıçı Rafiq Tağı,[5] 2010-cu ildə həbs olunmuş bloger Adnan Hacızadə[6] və 2005-ci ildə həbs edilmiş sabiq iqtisadi inkişaf naziri Fərhad Əliyev[7] də olmuşdur.
O, Müsavat Partiyasının Məclisinin üzvü olmuş[8] və partiyanın Hüquq və Ədalət Komitəsinə rəhbərlik etmişdir.[9] Eyni zamanda, Müstəqil Hüquqşünaslar Liqasının sədri vəzifəsini icra etmişdir.[10] 7 oktyabr 2003-cü il tarixində, prezident seçkiləri ərəfəsində, Müsavat Partiyasının sədri İsa Qəmbərin seçicilərlə görüşü üçün Masallıya gedərkən, Biləsuvar yaxınlığında polis əməkdaşları tərəfindən avtomobildən zorla çıxarılmış və ağır şəkildə döyülmüşdür.[11]
O, uzun sürən xəstəlikdən sonra 22 iyun 2012-ci ildə Amerika Birləşmiş Ştatlarında vəfat etmişdir.[2] 28 iyun tarixində doğulduğu Talaveri kəndində dəfn olunmuşdur.[12]
Ailəli olmuş, dörd övladı qalmışdır.[2]
23 iyun 2012-ci ildə Sülh və Demokratiya İnstitutu tərəfindən insan hüquqları və demokratiya uğrunda mübarizə aparan şəxslərə təqdim edilən "İsaxan Aşurov Mükafatı" təsis edilmişdir.[13] 2013-cü ildə bu mükafat həbsdə olan "Tolışi Sədo" qəzetinin baş redaktoru Hilal Məmmədova,[14] 2014-cü ildə isə Müsavat Partiyası sədrinin həbsdə olan müşaviri Yadigar Sadıqova[15] təqdim olunmuşdur.
- ↑ "В Азербайджане арестованный главред "Толыши садо" удостоен награды имени адвоката Исахана Ашурова". Кавказский узел (rus). 10 may 2025. İstifadə tarixi: 10 may 2025.
- 1 2 3 4 "Tanınmış vəкil İsaxan Aşurov vəfat edib - YENİLƏNİB". Azerbaijani Press Agency (az.). 10 may 2025. 24 iyun 2012 tarixində arxivləşdirilib. İstifadə tarixi: 10 may 2025.
- ↑ "В Баку проходит очередное судебное заседание, посвященное событиям 15-16 октября 2003 года". Кавказский узел (rus). 10 may 2025. İstifadə tarixi: 10 may 2025.
- ↑ "EYNULLA FƏTULLAYEV MƏHKƏMƏDƏ SENSASİON AÇIQLAMALAR VERDİ". "Yeni Müsavat" qəzeti (az.). 10 may 2025. İstifadə tarixi: 10 may 2025.
- ↑ "Dindarlar Rafiq Tağının vəкilini təhdid ediblər". Radio Free Europe/Radio Liberty (az.). 10 may 2025. İstifadə tarixi: 10 may 2025.
- ↑ "VƏKİL İSAXAN AŞUROV HƏBSDƏ OLAN BLOQÇULARLA GÖRÜŞÜB". Институт Свободы и Безопасности Репортеров (az.). 10 may 2025. 1 fevral 2026 tarixində arxivləşdirilib. İstifadə tarixi: 10 may 2025.
- ↑ "Экс-министр экономики Азербайджана требует закрыть уголовное дело против него". Кавказский узел (rus). 10 may 2025. İstifadə tarixi: 10 may 2025.
- ↑ "Tanınmış vəкil İsaxan Aşurov vəfat edib". Modern.az xəbər portalı (az.). 10 may 2025. İstifadə tarixi: 10 may 2025.
- ↑ "«Bizim Azərbaycan Bloкu»nun təsisçilərinin s i y a h ı s ı". Официальный сайт Исы Гамбар (az.). 10 may 2025. 30 avqust 2009 tarixində arxivləşdirilib. İstifadə tarixi: 10 may 2025.
- ↑ "В Бакинском пресс-клубе прошли тренинг-курсы "СМИ и суды", организованные Лигой независимых юристов". Кавказский узел (rus). 10 may 2025. İstifadə tarixi: 10 may 2025.
- ↑ "В Билясуваре жестоко избиты журналист Гаджи Замин и правозащитник Исахан Ашуров". Кавказский узел (rus). 10 may 2025. İstifadə tarixi: 10 may 2025.
- ↑ "İSAXAN AŞUROV TORPAĞA TAPŞIRILIB (YENİLƏNİB + FOTOLAR)". "Yeni Müsavat" qəzeti (az.). 10 may 2025. İstifadə tarixi: 10 may 2025.
- ↑ "Azərbaycanda İsaxan Aşurov müкafatı təsis edildi". Qafqazinfo.az xəbər portalı (az.). 10 may 2025. 26 iyun 2012 tarixində arxivləşdirilib. İstifadə tarixi: 10 may 2025.
- ↑ "В Азербайджане арестованный главред "Толыши садо" удостоен награды имени адвоката Исахана Ашурова". Кавказский узел (rus). 10 may 2025. İstifadə tarixi: 10 may 2025.
- ↑ "В Азербайджане арестованный советник главы партии "Мусават" удостоен награды имени адвоката Исахана Ашурова". Кавказский узел (rus). 10 may 2025. İstifadə tarixi: 10 may 2025.
- Tanınmış vəkil İsaxan Aşurov vəfat edib Arxivləşdirilib 2012-06-24 at the Wayback Machine